Paris Olympic: ರೋಮನ್‌ ಕುಸ್ತಿಪಟು ಕ್ಯಾಟೆಲಿನಾ ಕುತ್ತಿಗೆಗೆ ಗಾಯ; ವಿಡಿಯೋ ವೈರಲ್‌

Team Udayavani, Aug 10, 2024, 9:33 PM IST

ಪ್ಯಾರಿಸ್‌: ಒಲಿಂಪಿಕ್ಸ್‌ ಮಹಿಳಾ ಕುಸ್ತಿ ಪ್ರೀಕ್ವಾರ್ಟರ್‌ ಫೈನಲ್‌ ಪಂದ್ಯದ ವೇಳೆ ರೋಮನ್‌ ಕುಸ್ತಿಪಟು ಕ್ಯಾಟಲಿನಾ ಆಕ್ಸೆಂಟೆಗೆ ಕುತ್ತಿಗೆಗೆ ಗಂಭೀರ ಗಾಯವಾಗಿದೆ. ಅಮೆರಿಕದ ಕೆನೆಡಿ ಬ್ಲೇಡ್ಸ್‌ ಅವರು ಫಾಲ್‌ಗೆ (ಎದುರಾಳಿಯನ್ನು ಮೇಲಿಂದ ಎತ್ತಿ ನೆಲಕ್ಕೆ ಬಡಿಯುವ ಒಂದು ಕೌಶಲ್ಯ) ಯತ್ನಿಸುವಾಗ ಈ ಅವಘಡ ಸಂಭವಿಸಿದೆ. ಬಳಿಕ ಕ್ಯಾಟಲಿನಾ ಅವರನ್ನು ಸ್ಟ್ರೆಚರ್‌ ಮೂಲಕ ಅಂಕಣದಿಂದ ಹೊರಗೆ ಕೊಂಡೊಯ್ಯಲಾಯಿತು. ಇದರ ಚಿತ್ರ, ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಶನಿವಾರ ನಡೆದ ಮಹಿಳೆಯರ 76 ಕೇಜಿ ಪ್ರೀಕ್ವಾರ್ಟರ್‌ ಫೈನಲ್‌ನಲ್ಲಿ ಸ್ಪರ್ಧಿಸಿದ್ದ ಕ್ಯಾಟಲಿನಾ ಆಕ್ಸೆಂಟೆ, ಕೆನೆಡಿ ಬ್ಲೇಡ್ಸ್‌ ವಿರುದ್ಧ 11-0ಯ ಹಿನ್ನಡೆಯಲ್ಲಿದ್ದರು. ಇದೇ ವೇಳೆ ಕೆನೆಡಿ, ಆಕ್ಸೆಂಟೆ ವಿರುದ್ಧ ಜರ್ಮನ್‌ ಸುಪ್ಲೆಸ್‌ ಪಟ್ಟು ಹಾಕಿ ನೆಲಕ್ಕೆ ಕೆಡವಿದರು. ಈ ವೇಳೆ ಆಕ್ಸೆಂಟೆ ಕುತ್ತಿಗೆಗೆ ಗಾಯವಾಗಿ ಅವರನ್ನು ವೈದ್ಯಕೀಯ ಉಪಚಾರಕ್ಕೆ ಕರೆದೊಯ್ಯಲಾಯಿತು. ಆ ಬಳಿಕ ಕ್ವಾರ್ಟರ್‌ಗೆàರಿದ್ದ ಕೆನೆಡಿ ಅಲ್ಲೂ ಗೆದ್ದು ಸೆಮಿಫೈನಲ್‌ಗೆ ಪ್ರವೇಶ ಗಿಟ್ಟಿಸಿಕೊಂಡರು.