Hockey: ಕ್ವಾರ್ಟರ್ ಫೈನಲ್ ಖುಷಿಯಲ್ಲಿರುವ ಭಾರತಕ್ಕೆ ಇಂದು ಬೆಲ್ಜಿಯಂ ಎದುರಾಳಿ
Team Udayavani, Aug 1, 2024, 7:45 AM IST
ಪ್ಯಾರಿಸ್: ಹೌದು, ಭಾರತದ ಹಾಕಿ ಕ್ವಾರ್ಟರ್ ಫೈನಲ್ ಪಕ್ಕಾ ಆಗಿದೆ! ಮಂಗಳವಾರ ಐರ್ಲೆಂಡ್ ವಿರುದ್ಧ 2-0 ಜಯ ಸಾಧಿಸಿದ ಬಳಿಕ ಕ್ವಾರ್ಟರ್
ಫೈನಲ್ಗೆ ಒಂದು ಕಾಲಿರಿಸಿದ್ದ ಭಾರತ, ಗುರುವಾರ ಬೆಲ್ಜಿಯಂ ತಂಡವನ್ನು ಎದುರಿಸುವುದ ರೊಳಗೆ ನಾಕೌಟ್ ಪ್ರವೇಶ ವನ್ನು ಖಚಿತಪಡಿಸಿ ಕೊಂಡಿದೆ. ಇದಕ್ಕೆ ಕಾರಣ, ಬೆಲ್ಜಿಯಂ ವಿರುದ್ಧ ಆಸ್ಟ್ರೇಲಿಯ ಅನುಭವಿಸಿದ 2-6 ಸೋಲು. ಹಾಗೆಯೇ ನ್ಯೂಜಿಲ್ಯಾಂಡ್ ವಿರುದ್ಧ ಆರ್ಜೆಂ ಟೀನಾ ಸಾಧಿಸಿದ ಗೆಲುವು.
ಗ್ರೂಪ್ “ಬಿ’ ವಿಭಾಗದಲ್ಲೀಗ “ರೆಡ್ ಲಯನ್ಸ್’ ಖ್ಯಾತಿಯ ಹಾಲಿ ಚಾಂಪಿಯನ್ ಬೆಲ್ಜಿಯಂ ಎಲ್ಲ 3 ಪಂದ್ಯ ಗೆದ್ದು ಅಗ್ರಸ್ಥಾನಿಯಾಗಿದೆ. ಭಾರತ 2 ಜಯ, ಒಂದು ಡ್ರಾ ಸಾಧಿಸಿ ದ್ವಿತೀಯ ಸ್ಥಾನದಲ್ಲಿದೆ. ಬಲಿಷ್ಠ ಆಸ್ಟ್ರೇಲಿಯ ಮೂರಕ್ಕೆ ಕುಸಿದಿದೆ (2 ಜಯ, 1 ಸೋಲು). ಆರ್ಜೆಂಟೀನ ಕೂಡ ಕ್ವಾರ್ಟರ್ ಫೈನಲ್ ತಲುಪಿದೆ (1 ಜಯ, 1 ಸೋಲು, 1 ಡ್ರಾ). ಸತತ 3 ಸೋಲನುಭವಿಸಿದ ನ್ಯೂಜಿಲ್ಯಾಂಡ್ ಮತ್ತು ಐರ್ಲೆಂಡ್ ನಾಕೌಟ್ ರೇಸ್ನಿಂದ ಹೊರಬಿದ್ದಿವೆ.
ಒತ್ತಡವಿಲ್ಲದೇ ಆಡಲು ಸ್ಫೂರ್ತಿ
ಹೀಗೆ “ಬಿ’ ವಿಭಾಗದಲ್ಲಿ ಕೆಲವು ದೊಡ್ಡ ಪಂದ್ಯಗಳು ಬಾಕಿ ಇರುವಂತೆಯೇ ನಾಲ್ಕೂ ನಾಕೌಟ್ ತಂಡಗಳು ಅಂತಿಮ ಗೊಂಡಿರುವುದು ಅಚ್ಚರಿಯ ಬೆಳವಣಿಗೆ. ಇದರಿಂದ ಕುತೂಹಲ ಕಡಿಮೆ ಆಗಬಹುದಾದರೂ ಭಾರತ ಸೇರಿದಂತೆ ಉಳಿದ ಮೂರೂ ತಂಡಗಳು ಒತ್ತಡವಿಲ್ಲದೆ ಹೋರಾಟ ಸಂಘಟಿಸಬಹುದಾಗಿದೆ.
ಅಜೇಯ ಬೆಲ್ಜಿಯಂ ವಿರುದ್ಧ ಭಾರತ ಸಾಮರ್ಥ್ಯಕ್ಕೂ ಮಿಗಿಲಾದ ಪ್ರದರ್ಶನ ನೀಡಬೇಕಿದೆ. ಮುಖ್ಯವಾಗಿ ಪೆನಾಲ್ಟಿ ಅವಕಾಶಗಳನ್ನು ಗೋಲಾಗಿಸುವ ಪ್ರಕ್ರಿಯೆಯಲ್ಲಿ ಹೆಚ್ಚಿನ ಯಶಸ್ಸು ಗಳಿಸಬೇಕಿದೆ. ಸ್ವತಃ ನಾಯಕ ಹರ್ಮನ್ಪ್ರೀತ್ ಸಿಂಗ್ ಮುಂಚೂಣಿಯಲ್ಲಿ ನಿಂತು ಆಡುವುದು ಉಳಿದವರಿಗೆ ಸ್ಫೂರ್ತಿ ಆಗುವುದರಲ್ಲಿ ಅನುಮಾನವಿಲ್ಲ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.