ಯೂಟ್ಯೂಬ್​ನಲ್ಲಿ “ಚುಟು ಚುಟು’ ಸದ್ದು: ಫೋಟೋ ಗ್ಯಾಲರಿ

20

ಸ್ಯಾಂಡಲ್‌ವುಡ್‌ನಲ್ಲಿ ಭರ್ಜರಿ ಸದ್ದು ಮಾಡಿದ್ದ ‘ರ‍್ಯಾಂಬೋ 2’ ಸಿನಿಮಾ ಇದೀಗ ಮತ್ತೊಮ್ಮೆ ಸುದ್ದಿಯಲ್ಲಿದೆ. ಕಾರಣ.. ಯೂಟ್ಯೂಬ್​ನಲ್ಲಿ 100 ಮಿಲಿಯನ್ ಬಾರಿ ವೀಕ್ಷಣೆಗೊಂಡಿದೆ ಈ ಚಿತ್ರದ ‘ಚುಟು ಚುಟು..’ ಹಾಡು. ಈ ಸಾಧನೆ ಮಾಡಿದ ಮೊದಲ ಕನ್ನಡದ ಹಾಡು ಎಂಬ ಹೆಗ್ಗಳಿಕೆಗೆ ಕಾರಣವಾದ ರ‍್ಯಾಂಬೋ 2 ಕಳೆದ ವರ್ಷ ತೆರೆ ಕಂಡು ಯಶಸ್ವಿ 100 ದಿನ ಪೂರೈಸಿ ಬಾಕ್ಸ್‌ಆಫೀಸ್‌ನಲ್ಲೂ ಕಮಾಲ್ ಮಾಡಿತ್ತು. ಉತ್ತರ ಕರ್ನಾಟಕ ಸ್ಟೈಲ್​ನಲ್ಲಿ ಜನಪದ ಸೊಗಡಿನ ರೂಪದಲ್ಲಿ ಹಾಡು ಮೂಡಿ ಬಂದಿದ್ದು ನಟ ಶರಣ್ ಹಾಗೂ ಆಶಿಕಾ ರಂಗನಾಥ್ ಹಾಡಿನಲ್ಲಿ ಸಿಕ್ಕಾಪಟ್ಟೆ ಸ್ಟೆಪ್ ಹಾಕಿದ್ದಾರೆ. ಈ ವಿಶೇಷ ಸಂಭ್ರಮವನ್ನು ಇನ್ನಷ್ಟು ಸ್ಪೆಶಲ್​ ಆಗಿ ಆಚರಿಸಿತು ಚಿತ್ರತಂಡ. ಈ ಹಾಡು ಆನಂದ್ ಆಡಿಯೋ ಸಂಸ್ಥೆಯ ಯುಟ್ಯೂಬ್ ಸಂಸ್ಥೆಯಿಂದ ಕಳೆದ ವರ್ಷ ಮಾರ್ಚ್ 21ರಂದು ರಿಲೀಸ್‌ ಆಗಿತ್ತು. ಆನಂದ್ ಆಡಿಯೋ ಮಾಲೀಕರಾದ ಶ್ಯಾಮ್ ಹಾಗೂ ಆನಂದ್ ಈ ಇಡೀ ರ‍್ಯಾಂಬೋ 2 ಚಿತ್ರತಂಡದ ಜತೆ ಈ ಸಂತಸ ಸೆಲೆಬ್ರೆಟ್ ಮಾಡಿದರು. ಅಲ್ಲದೇ ನಾನು ಶರಣ್ ಸಾರ್ ಅವರ ಅಭಿಮಾನಿ. ಯಾಕೆಂದರೆ, ಅವರ ಆ್ಯಕ್ಟಿಂಗ್, ಡಬ್ಬಿಂಗ್ ಶೈಲಿ ನನಗೆ ಸ್ಫೂರ್ತಿ ಅಂತಾ ಹೇಳ್ತಾನೆ ಶ್ರೀಮುರಳಿ ಚಿತ್ರತಂಡಕ್ಕೂ ಶುಭ ಹಾರೈಸಿದ್ರು. ಚಿತ್ರದ ಯಶಸ್ಸಿಗೆ ನಿರ್ದೇಶಕ ಅನಿಲ್ ಕುಮಾರ್‌, ಹಾಸ್ಯ ನಟ ಚಿಕ್ಕಣ್ಣ, ಹಾಡಿಗೆ ನೃತ್ಯ ಸಂಯೋಜಿಸಿದ್ದ ಭೂಷಣ್, ಹಾಡು ಬರೆದ ಶಿವು ಬೇರ್ಗಿ, ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ ಸೇರಿ ಇಡೀ ಚಿತ್ರತಂಡ ಭಾಗಿಯಾಗಿತ್ತು.