“ಲವ್‌ ಮಾಕ್ಟೇಲ್‌’ಗೆ ಕಿಚ್ಚ ಸ್ಪರ್ಶ: ಫೋಟೋ ಗ್ಯಾಲರಿ

15

ಮದರಂಗಿ ಕೃಷ್ಣ ಚೊಚ್ಚಲ ಬಾರಿಗೆ ನಿರ್ದೇಶಿಸಿ, ನಾಯಕ ನಟನಾಗಿ ಕಾಣಿಸಿಕೊಂಡಿರುವ “ಲವ್‌ ಮಾಕ್ಟೇಲ್‌’ ಚಿತ್ರದ ಮೊದಲ ಟಿಕೆಟ್‌ ಅನ್ನು ನಟ ಕಿಚ್ಚ ಸುದೀಪ್‌ ಖರೀದಿಸಲಿದ್ದಾರೆ. ಹೌದು, ಆರಂಭದಿಂದಲೂ “ಲವ್‌ ಮಾಕ್ಟೇಲ್‌’ ಚಿತ್ರ ತಂಡಕ್ಕೆ ಸಾಥ್‌ ನೀಡುತ್ತ ಬಂದಿರುವ ಸುದೀಪ್‌, ಚಿತ್ರದ ಟ್ರೇಲರ್‌ಗೂ ತಮ್ಮ ಧ್ವನಿ ನೀಡುವ ಮೂಲಕ ಮದರಂಗಿ ಕೃಷ್ಣ ಆ್ಯಂಡ್‌ ಟೀಮ್‌ಗೆ ಬೆನ್ನುತಟ್ಟಿದ್ದರು. ಸದ್ಯ ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸಗಳನ್ನು ಪೂರ್ಣಗೊಳಿಸಿ, ತೆರೆಗೆ ಬರಲು ತಯಾರಿ ನಡೆಸುತ್ತಿರುವ “ಲವ್‌ ಮಾಕ್ಟೇಲ್‌’ ಚಿತ್ರತಂಡ, ಇತ್ತೀಚೆಗೆ ಚಿತ್ರದ ಆಡಿಯೋವನ್ನು ಅದ್ಧೂರಿಯಾಗಿ ಹೊರತಂದಿದೆ. ಆಡಿಯೋ ಬಿಡುಗಡೆ ಸಮಾರಂಭಕ್ಕೆ ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಕಿಚ್ಚ ಸುದೀಪ್‌ ಹಾಡುಗಳನ್ನು ಬಿಡುಗಡೆಗೊಳಿಸಿ, ಚಿತ್ರದ ಮೊದಲ ಟಿಕೆಟ್‌ ಅನ್ನು ಕೂಡ ತಾನೇ ಖರೀದಿಸುವುದಾಗಿ ಘೋಷಿಸಿದ್ದಾರೆ. ಚಿತ್ರದಲ್ಲಿ ಮಿಲನ ನಾಗರಾಜ್‌, ಅಮೃತ ಅಯ್ಯಂಗಾರ್‌, ರಚನಾ ನಾಯಕಿಯರು.