ಕೋವಿಡ್ ವೈರಿಯ ವಿರುದ್ಧ ಯುದ್ಧ ನಿರತ ಆರೋಗ್ಯ ಯೋಧರಿಗೊಂದು ನಮನ

40

ಇದು ವಿಶ್ವಯುದ್ಧದ ಸಮಯ! ಅದೂ ಕಣ್ಣಿಗೆ ಕಾಣದ ಒಂದು ವೈರಾಣು ವಿರುದ್ಧ. ಇಲ್ಲಿ ಮದ್ದು ಗುಂಡುಗಳ ಸದ್ದಿಲ್ಲ, ಪರಮಾಣು ಬಾಂಬ್ ಗಳು ಲೆಕ್ಕಕ್ಕೇ ಇಲ್ಲ. ಮಿಸೈಲ್, ಯುದ್ಧ ವಿಮಾನಗಳು ಯಾವುದಕ್ಕೂ ಬೆಕಿಲ್ಲ. ಈ ವೈರಾಣು ಯುದ್ಧದಲ್ಲಿ ಅಗತ್ಯವಿರುವುದು ಜನರ ಸಹಕಾರ ಹಾಗೂ ವೈದ್ಯಕೀಯ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸುತ್ತಿರುವ ಆರೋಗ್ಯ ಸಿಬ್ಬಂದಿಗಳ ನಿಸ್ವಾರ್ಥ ಪರಿಶ್ರಮ. ಅದಕ್ಕಾಗಿಯೇ ಇವರೆಲ್ಲಾ ಬರೀ ಸಿಬ್ಬಂದಿಗಳಲ್ಲ, ಈ ಮಹಾಮಾರಿಯ ವಿರುದ್ಧದ ಹೋರಾಟದಲ್ಲಿ ನಿಜವಾಗಿಯೂ ಹೋರಾಡುತ್ತಿರುವ ಆರೋಗ್ಯ ಯೋಧರು. ಭಾರತವೂ ಸೇರಿದಂತೆ ವಿಶ್ವಾದ್ಯಂತ ಸೇವಾ ನಿರತರಾಗಿರುವ ಇವರೆಲ್ಲರಿಗೂ ನಮ್ಮದೊಂದು ಸಲಾಂ!