ವದಂತಿ ಅಲೆಗಳಿಗೆ ತೆರೆ: “ಕಾಮನ್ ಮ್ಯಾನ್” ಗಳ ಆಶೋತ್ತರ ಈಡೇರಿಸಬಲ್ಲರೇ ಬೊಮ್ಮಾಯಿ?

ರಾಘವೇಂದ್ರ ಭಟ್
ಜಿಲ್ಲಾಧಿಕಾರಿಗಳು ಹಾಗೂ ಜಿಲ್ಲಾ ಪಂಚಾಯಿತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಗಳ ಜತೆಗೆ ಮಹತ್ವದ ಸಭೆ ನಡೆಸಿರುವ ಅವರು “ಅಧಿಕಾರಶಾಹಿತ್ವ”ದ ಮಹತ್ವದ ಬಗ್ಗೆ ಪಾಠ ಮಾಡಿದ್ದಾರೆ. ಅದಕ್ಕಾಗಿ ಅವರು ನೀಡಿರುವ ಉದಾಹರಣೆ ಪುಟ್ಬಾಲ್ ಆಟ. ಪುಟ್ಬಾಲ್ ಆಟದಲ್ಲಿ ಎರಡು ತಂಡಗಳಿರುತ್ತವೆ. ಎರಡೂ ತಂಡದ ಆಟಗಾರರು ಒಂದೇ ಚಂಡಿಗಾಗಿ ಓಡಿ ಬೆವರು ಇಳಿಸುತ್ತಾರೆ. ಇಬ್ಬರ ಉದ್ದೇಶವೂ ಜಯಗಳಿಸುವುದು. ಅದೇ ರೀತಿ ಅಧಿಕಾರದಲ್ಲಿ ಕಾರ್ಯಾಂಗ ಹಾಗೂ ಶಾಸಕಾಂಗ ಜನಹಿತ ಎಂಬ ಚೆಂಡಿನ ಹಿಂದೆ ಓಡಬೇಕೆಂದು ಕಿವಿಮಾತು ಹೇಳಿದ್ದಾರೆ. “ಬಾಸಿಸಮ್’’ ಪರದೆಯಿಂದ ನಾವೆಲ್ಲರೂ ಹೊರ ಬರಬೇಕೆಂದು ನೀಡಿರುವ ಖಡಕ್ ಸೂಚನೆ ತಳಹಂತದ ವರೆಗೂ ವ್ಯಾಪಿಸಿದರೆ ಆಡಳಿತ ಯಂತ್ರಕ್ಕೆ ಚುರುಕು ಮೂಡದೇ ಇದ್ದೀತೇ ?