ಇಂದಿನ ಗ್ರಹಬಲ: ಈ ರಾಶಿಯ ಅವಿವಾಹಿತರಿಗೆ ಅಚ್ಚರಿಯ ವಾರ್ತೆ ತೋರಿಬರುತ್ತದೆ

Team Udayavani, Feb 8, 2021, 7:43 AM IST

08-02-2021

ಮೇಷ: ಸಣ್ಣ ಗ್ರಹಗಳ ಪ್ರತಿಕೂಲತೆ ಪರಿಣಾಮ ನಿಮ್ಮ ವ್ಯವಹಾರಗಳು ಸರಾಗವಾಗಿ ನಡೆದರೂ ಲಾಭಾಂಶ ನಿಮ್ಮ ಕೈಗೆ ಸಿಗಲಾರದು. ಕುಟುಂಬದಲ್ಲಿ ಮನಸ್ತಾಪಗಳು ಕಂಡುಬಂದು ಜೀವನ ದುಸ್ತರವೆನಿಸಲಿದೆ.

ವೃಷಭ: ಸಾಮಾಜಿಕ ಚಟುವಟಿಕೆಗಳು ನಿಮ್ಮ ಮನಸ್ಸಿಗೆ ಸಮಾಧಾನ ನೀಡುವುದು. ಮಿಥ್ಯಾರೋಪವು ಕಾಡಲಿದೆ. ಜಾಗರೂಕರಾಗಿರಿ. ಅವಿವಾಹಿತರಿಗೆ ಅಚ್ಚರಿಯ ವಾರ್ತೆ ತೋರಿಬರುತ್ತದೆ. ಕಿರು ಪ್ರಯಾಣವಿದೆ.

ಮಿಥುನ: ಕೌಟುಂಬಿಕ ಸಮಸ್ಯೆಗಳು ನಿಮಗೆ ಕಾಡಲಿದ್ದು ,ಸಂಗಾತಿಯ ಸಲಹೆಯಿಂದ ಶಮನವಾಗಲಿದೆ, ವಿರೋಧಿಗಳ ಕುಚೋದ್ಯದಿಂದ ನ್ಯಾಯಾಲಯದ ದರ್ಶನವಾಗಲಿದೆ. ಸರಕಾರಿ ಕಚೇರಿಯ ದರ್ಶನವಿದೆ.

ಕರ್ಕ: ನಿಮಗೆ ತಾಳ್ಮೆ ಸಹನೆಯ ಅಗತ್ಯವಿದೆ. ವಿದ್ಯಾರ್ಥಿಗಳಿಗೆ ಯಶೋಲಾಭವಿದೆ. ನಿರುದ್ಯೋಗಿಗಳಿಗೆ ಅನೇಕ ಅವಕಾಶಗಳು ಒದಗಿಬರುವುದು. ಅನಿರೀಕ್ಷಿತ ಉದ್ಯೋಗ ದೊರಕಲಿದೆ. ಸಣ್ಣಪುಟ್ಟ ಕಿರಿಕಿರಿ ಇರುತ್ತದೆ.

ಸಿಂಹ: ಅನಿರೀಕ್ಷಿತ ಕಾರ್ಯಸಾಧನೆಯಾಗಿ ಅಚ್ಚರಿ ತರುವುದು. ಮನೆಯಲ್ಲಿ ಸಮಾಧಾನದ ವಾತಾವರಣ ಕಂಡುಬರುವುದು. ಬರಹಗಾರರಿಗೆ ಕಲಾವಿದರಿಗೆ ಸೂಕ್ತ ಪ್ರೋತ್ಸಾಹವು ದೊರಕಲಿದೆ. ಸ್ಥಾನಮಾನ, ಪುರಸ್ಕಾರವು ದೊರೆಯುವುದು.

ಕನ್ಯಾ: ವೈವಾಹಿಕ ಪ್ರಸ್ತಾವಗಳು ಕಂಕಣಬಲ ತಂದು ಕೊಡಲಿದೆ. ಉದ್ಯೋಗಸ್ಥರಿಗೆ ಮುಂಭಡ್ತಿಯ ಸಾಧ್ಯತೆ ಇದೆ. ನಾನಾರೀತಿಯಿಂದ, ಅನೇಕ ಕಡೆಗಳಿಂದ ಅಧಿಕ ಖರ್ಚುಗಳು ಕೂಡಿ ಬಂದೀತು. ಜಾಗ್ರತೆಯಿಂದ ಮುನ್ನಡೆಯಿರಿ.

ತುಲಾ: ನಿತ್ಯದ ಕೆಲಸದಲ್ಲಿ ತುಸು ಶ್ರಮವು ಕಾಡಲಿದೆ. ಅಧಿಕ ಕೆಲಸ, ಅಧಿಕ ಶ್ರಮ ಕಂಡುಬರಲಿದೆ. ದಿನವಿಡೀ ದುಡಿತವಿರುತ್ತದೆ. ಅಧಾರ್ಮಿಕ ಹೆಜ್ಜೆಯಿಂದ ಪಶ್ಚಾತ್ತಾಪ ಪಡುವಂತಾದೀತು. ಜಾಗ್ರತೆ ಮಾಡಿರಿ.

ವೃಶ್ಚಿಕ: ಗುರು ಯಾ ಕುಲದೇವತಾ ದರ್ಶನ ಭಾಗ್ಯವು ಕಂಡುಬರಲಿದೆ. ಕೆಲವು ಸಲ ಅತೀ ನೋವನ್ನು ನುಂಗಿ ಕೋಪವು ಒಮ್ಮೆಲೇ ಭುಗಿಲೇಳಲಿದೆ. ಆದರೂ ಅತೀ ಸಮಾಧಾನಿಯಾದ ನೀವು ಪ್ರಸನ್ನರಾಗಿರಿ. ಶುಭವಿದೆ.

ಧನು: ಈ ದಿನ ನಿಮಗೆ ಧನಾಗಮನವು ಚೆನ್ನಾಗಿರುತ್ತದೆ. ,ಅತೀಯಾದ ಖರ್ಚು ಇರುತ್ತದೆ. ಸಮತೋಲನ ಮಾಡಿರಿ. ವೃತ್ತಿರಂಗದಲ್ಲಿ ಗಣ್ಯ ವ್ಯಕ್ತಿಗಳ ಪ್ರಭಾವ ಹಾಗೂಸಹಕಾರದಿಂದ ಉತ್ತಮ ಅವಕಾಶವಿರುತ್ತದೆ.

ಮಕರ: ಮನೆಯಲ್ಲಿ ಧಾರ್ಮಿಕ ಕಾರ್ಯಗಳು ಜರಗಲಿದೆ. ಪತ್ನಿ ಹಾಗೂ ಮಕ್ಕಳೊಂದಿಗೆ ಕಾಲಯಾಪನೆ ಮಾಡುವಿರಿ. ಮನೆಯಲ್ಲಿ ಅತಿಥಿಗಳ ಆಗಮನವಿದೆ. ಹಿರಿಯರ ಮಾರ್ಗದರ್ಶನದತ್ತ ಒಲವಿರಲಿ.

ಕುಂಭ: ಮಕ್ಕಳ ಆರೋಗ್ಯದ ಬಗ್ಗೆ ಗಮನಹರಿಸಿರಿ. ದುಡುಕಿನಿಂದ ಕೆಲಸಕ್ಕೆ ಹಾನಿ ಮಾಡದಿರಿ. ಜಾಗ್ರತೆ ಇರಲಿ. ವ್ಯಾಪಾರ, ವ್ಯವಹಾರದಲ್ಲಿ ಚೇತರಿಕೆ ಕಂಡುಬಂದು ಸ್ವಲ್ಪ ಸಮಾಧಾನವಾಗಲಿದೆ. ಚಿಂತಿಸದಿರಿ.

ಮೀನ: ಕೃಷಿಕರಿಗೆ ಆಗಾಗ ಆರಂಭದಲ್ಲಿ ಸಮಾಧಾನ ನೆಮ್ಮದಿ ಇದ್ದರೂ ನಂತರ ತಲೆಬಿಸಿಯ ದಿನಗಳಾದಾವು. ನಿಮ್ಮ ಇಚ್ಛೆಗೆ ಅನುಗುಣವಾದ ಉದ್ಯೋಗವು ದೊರಕಲಿದೆ. ಎಲ್ಲ ವಿಷಯದಲ್ಲೂ ಸಾವಕಾಶವಾಗಿ ಆಲೋಚಿಸಿರಿ.

ಎನ್‌.ಎಸ್‌. ಭಟ್‌