ನಿಮ್ಮ ಗ್ರಹಬಲ: ಈ ರಾಶಿಯವರು ಮಡದಿಯ ಮಾತಿಗೆ ಕಿವಿಗೊಡದೆ ಪದೇ ಪದೇ ತಪ್ಪಿಸುವಿರಿ!

Team Udayavani, Feb 9, 2021, 7:37 AM IST

09-02-2021

ಮೇಷ: ಮಕ್ಕಳ ವಿದ್ಯಾಪ್ರಗತಿಯಲ್ಲಿ ಆಶಾಭಂಗವಾಗಲಿದೆ. ಹೇಳಿದ ಮಾತು ಕೇಳದೆ ಉಡಾಫೆ ಮಾತನಾಡಿಯಾರು. ಸಂಗೀತ, ನರ್ತನಾದಿ ಕಲೆಗಳಲ್ಲಿ ಮಗಳ ಪಾಂಡಿತ್ಯವು ಮೆರೆದೀತು. ವಿದೇಶ ಸಂಚಾರದ ಯೋಗ ಇರುತ್ತದೆ.

ವೃಷಭ: ಅಧಿಕಾರಿ ವರ್ಗಕ್ಕೆ ಕಾರ್ಯಬಾಹುಳ್ಯದಿಂದ ಬೇಸರ ಕಂಡುಬಂದೀತು. ರಾಜಕೀಯದಲ್ಲೂ ಕಿರಿಕಿರಿಯ ವಾತಾವರಣ ಕಂಡುಬರಲಿದೆ. ಜಾಣ್ಮೆಯಿಂದ ವರ್ತಿಸಿದಲ್ಲಿ ಸ್ವಲ್ಪ ನೆಮ್ಮದಿ ಕಂಡುಬರಲಿದೆ. ಶುಭವಿದೆ.

ಮಿಥುನ: ಉನ್ನತ ವ್ಯಾಸಂಗಕ್ಕೆ ಅಡೆತಡೆ ಕಂಡುಬಂದೀತು. ಹಿರಿಜೀವಕ್ಕೆ ಯಾತ್ರಾದಿಗಳಿಂದ ತೃಪ್ತಿ ಇರುತ್ತದೆ. ಆರ್ಥಿಕವಾಗಿ ಚಿಂತೆಯು ಕಾಡಲಿದೆ. ಗೃಹದಲ್ಲಿ ಸೌಖ್ಯ, ಶಾಂತಿ ನೆಲೆಸಲಿದೆ. ಕಿರುಸಂಚಾರವು ಕೂಡಿಬಂದೀತು.

ಕರ್ಕ: ಆದಾಯ ವೃದ್ಧಿ ಇದ್ದರೂ ಖರ್ಚುಗಳು ಅಷ್ಟೇ ಕಂಡುಬರುವುದು. ಆದರೂ ಸುಖ ಸೌಖ್ಯವು ವೃದ್ಧಿಸಲಿದೆ. ಆರೋಗ್ಯಕ್ಕೆ ಆಪತ್ತು, ಶತ್ರುಪೀಡೆ, ಸ್ಥಾನಮಾನಕ್ಕೆ ಧಕ್ಕೆ ತರಬಹುದು. ಮಕ್ಕಳ ವಿಚಾರದಲ್ಲಿ ಚಿಂತೆ ಹೆಚ್ಚಾದೀತು.

ಸಿಂಹ: ಸಂಪತ್ತು ಸತ್ಕಾರ್ಯಕ್ಕೆ ವಿನಿಯೋಗವಾಗದೇ ವ್ಯರ್ಥವೆನಿಸಲಿದೆ. ವಿದೇಶ ಪ್ರಯಾಣದಲ್ಲಿ ಕುತ್ತು ತಂದೀತು. ವೃತ್ತಿಯಲ್ಲಿ ಅತಂತ್ರ ಸ್ಥಿತಿಯು ನಿರ್ಮಾಣವಾಗಲಿದೆ. ಮೂರನೆಯವರ ಮಧ್ಯಸ್ಥಿಕೆಯಿಂದ ಪರಿಸ್ಥಿತಿಯು ತಿಳಿಯಾಗಲಿದೆ.

ಕನ್ಯಾ: ಸರಕಾರಿ ನೌಕರರಿಗೆ ವರ್ಗಾವಣೆಯ ಸಂಕಟ ಕಂಡುಬರಲಿದೆ. ಅಧಿಕಾರಿ ಲಾಲಸೆಗೆ ಕೈಕೆಳಗಿನವರು ಕಡೆಗಣಿಸಿ ವಂಚನೆಗೈದಾರು. ವಿಲಾಸೀ ವಸ್ತುಗಳ ವಿಕ್ರಯ ಧನಸಂಪಾದನೆ ತಂದುಕೊಡಲಿದೆ. ದುಡಿಮೆಗೆ ಪ್ರತಿಫ‌ಲ ಸಿಗಲಿದೆ.

ತುಲಾ: ಯಾತ್ರೆ, ದೇವತಾದರ್ಶನಾದಿಗಳ ಸುಯೋಗ ಕಂಡುಬರಲಿದೆ. ಜಲವೃತ್ತಿಯವರಿಗೆ ಉತ್ತಮ ಲಾಭ ಕಂಡು ಬರಲಿದೆ. ಸಹೋದ್ಯೋಗಿಗಳ ಮಧ್ಯೆ ಗಲಾಟೆ ಸಂಭವಿಸೀತು. ನಿರುದ್ಯೋಗಿಗಳಿಗೆ ಉದ್ಯೋಗಕ್ಕೆ ಕರೆ ಬಂದು ಸಂತಸವಾಗಲಿದೆ.

ವೃಶ್ಚಿಕ: ಮಗನ ಶಿಕ್ಷಣದಲ್ಲಿ ಅಪವಾದ ಭಯ, ಸಂಗ ದೋಷವೂ ಕಂಡು ಬರುವುದು. ಆದಾಯವೃದ್ಧಿ ಇದ್ದರೂ ಖರ್ಚು ಅಷ್ಟೇ ಇದ್ದೀತು. ಮೇಲಾಧಿಕಾರಿಗಳ ಕೆಂಗಣ್ಣಿಗೆ ಗುರಿಯಾಗುವ ಸಂಭವ ಕಂಡುಬಂದೀತು. ಗೃಹದಲ್ಲಿ ಉತ್ತಮ ಸಾಖ್ಯ.

ಧನು: ವಿದ್ಯಾರ್ಥಿಗಳಿಗೆ ಅಲಸ್ಯದಿಂದ ಬಂದ ಅವಕಾಶವು ತಪ್ಪಿಹೋದೀತು. ಚಿನ್ನ ಖರೀದಿಯಲ್ಲಿ ಎಡವಟ್ಟಾಗಲಿದೆ. ವಾಹನ ಚಾಲನೆಯ ವೃತ್ತಿಯವರಿಗೆ ಜಾಗ್ರತೆ ಅಗತ್ಯವಿದೆ. ನೆರೆಹೊರೆಯವರೊಂದಿಗೆ ಮಾತಿಗೆ ಮಾತು ಬೆಳೆದೀತು.

ಮಕರ: ಸನ್ಮಿತ್ರರ ಉತ್ತಮ ಸಹಾಯ ಹಾಗೂ ಸಲಹೆಗಳು ನಿಮ್ಮ ಯೋಚನೆಯನ್ನು ದೂರ ಮಾಡಲಿದೆ. ಹಿರಿಯರ ಸಲಹೆಗೆ ಸ್ಪಂದಿಸಿರಿ. ಮಧ್ಯದಲ್ಲಿ ಹಣದ ಮುಗ್ಗಟ್ಟು ಕಂಡುಬರಲಿದೆ. ಆಸ್ತಿ ವಿವಾದವು ಕಂಡುಬಂದರೆ ನಿರ್ಲಿಪ್ತರಾಗಿರಿ.

ಕುಂಭ: ಧನ ಸಂಪಾದನೆಯ ಮಾರ್ಗವೊಂದು ಗೋಚರಿಸಲಿದೆ. ತಾತ್ಕಾಲಿಕ ಹುದ್ದೆಯವರಿಗೆ ಸ್ವಲ್ಪ ಭೀತಿಯ ವಾತಾವರಣ ನಿರ್ಮಾಣವಾದೀತು. ಸೇವಕರ ಅಭಾವದಿಂದ ಕೃಷಿಕಾರ್ಯಕ್ಕೆ ಹಿಂದೇಟು ಕಂಡುಬಂದೀತು. ಶುಭವಿದೆ.

ಮೀನ: ವಿದ್ಯಾರ್ಜನೆಯಲ್ಲಿ ಪುರಸ್ಕಾರವು ಲಭಿಸಲಿದೆ. ಧನ ಸಂಪಾದನೆಯ ಮಾರ್ಗವೊಂದು ಗೋಚರಿಸಲಿದೆ. ಮಡದಿಯ ಮಾತಿಗೆ ಕಿವಿಗೊಡದೆ ಪದೇ ಪದೇ ತಪ್ಪಿಸುವಿರಿ. ಜನನಿಂದನೆಗೆ ಗುರಿಯಾಗದಂತಿರಲು ಜಾಗ್ರತೆ ಮಾಡಿರಿ.

ಎನ್.ಎಸ್. ಭಟ್‌