ಈ ರಾಶಿಯವರಿಗಿಂದು ಆಹಾರ ವ್ಯತ್ಯಯದಿಂದ ಆರೋಗ್ಯ ಸಮಸ್ಯೆಯು ತೋರಿ ಬಂದೀತು, ಕಾಳಜಿ ವಹಿಸಿರಿ

Team Udayavani, Feb 28, 2021, 7:48 AM IST

28-02-2021

ಮೇಷ: ಅನಿರೀಕ್ಷಿತ ಶುಭ ಸಮಾಚಾರದಿಂದ ಕಾರ್ಯ ಸಿದ್ಧಿಯಾಗಲಿದೆ. ಕಾರ್ಯರಂಗದಲ್ಲಿ ನಿಮ್ಮ ಸ್ವಯಂ ಪ್ರಜ್ಞೆಯೂ ಪ್ರಯತ್ನ ಬಲಕ್ಕೆ ಒತ್ತು ನೀಡಿದ್ದಲ್ಲಿ ಯಶಸ್ಸು ಕೂಡಿ ಬರಲಿದೆ. ಸಣ್ಣ ವಿಚಾರದಲ್ಲಿ ಉದ್ವೇಗ ಮಾಡದಿದ್ದರೆ ಉತ್ತಮ.

ವೃಷಭ: ನಿರುದ್ಯೋಗದಿಂದ ಅಲೆದು ಬೇಸತ್ತ ನಿಮಗೆ ಉದ್ಯೋಗ ದೊರೆತು ಸಂತಸವಾಗಲಿದೆ. ಹಣಕಾಸಿನ ವಿಚಾರದಲ್ಲಿ ಆತಂಕಕ್ಕೆ ಕಾರಣರಾಗದಿರಿ. ನೀವು ನಿಮ್ಮವರು ಎಂದೆಣಿಸಿದವರು ಕೈಚೆಲ್ಲಿ ಕೂತಾರು. ಬೇಸರಿಸದಿರಿ.

ಮಿಥುನ: ಕ್ರಯವಿಕ್ರಯದಲ್ಲಿ ತುಸು ಲಾಭ ಕಂಡು ಬರಲಿದೆ. ಅದರಿಂದ ಉತ್ಸಾಹ ದೊರಕೀತು. ಎಣಿಕೆಗಳೆಲ್ಲಾ ಈಡೇರುವುದರಿಂದ ಧೈರ್ಯ ಪ್ರಯತ್ನ ಬಲದಿಂದ ಕಾರ್ಯ ಸಾಧಿಸುವಿರಿ. ಹೊಸ ವ್ಯಾಪಾರ ವ್ಯವಹಾರ ಈಗ ಬೇಡ.

ಕರ್ಕ: ಹೊಸ ಉದ್ಯಮ ಯಾ ವ್ಯವಹಾರಕ್ಕೆ ಕೈ ಹಾಕಿದ್ದಲ್ಲಿ ಸ್ವಲ್ಪ ಸ್ವಲ್ಪ ಲಾಭಾಂಶ ಕಂಡು ಬಂದು ನಿಧಾನವಾಗಿ ಏರುಗತಿಯನ್ನು ಕಾಣಲಿದೆ. ಆಗಾಗ ಭಿನ್ನಾಭಿಪ್ರಾಯದಿಂದ ಸಾಂಸಾರಿಕ ಸುಖ ಕಿರಿಕಿರಿ ಎನಿಸಲಿದೆ. ತಾಳ್ಮೆ ಇರಲಿ.

ಸಿಂಹ: ವಿವಾಹೇತರರಿಗೆ ವೈವಾಹಿಕ ಜೋಡಣೆಯು ಸಂತಸ ತಂದೀತು. ಉದ್ಯೋಗ ಕ್ಷೇತ್ರದಲ್ಲಿ ನಿರೀಕ್ಷಿತ ಅಭಿವೃದ್ಧಿಯು ಕಂಡು ಬರುವುದು. ಆದರೆ ವೈಯಕ್ತಿಕವಾಗಿ ಆರೋಗ್ಯದ ಬಗ್ಗೆ ಜಾಗ್ರತೆ ಮಾಡಿರಿ. ಅತೀಸಹನೆ ನಿಮಗಿಂದು ಬೇಕು.

ಕನ್ಯಾ: ಉದ್ಯೋಗ ಹಾಗೂ ಕಾರ್ಯರಂಗದಲ್ಲಿ ಖಚಿತ ಹಾಗೂ ಸಮರ್ಪಕ ನಿಲುವು ಮುನ್ನಡೆಗೆ ಸಾಧಕವಾಗಲಿದೆ. ಸಾಂಸಾರಿಕವಾಗಿ ಆತ್ಮೀಯರು ಮಧ್ಯಸ್ಥಿಕೆ ವಹಿಸಬೇಕಾದ ಸಂದಿಗ್ಧತೆ ತೋರಿ ಬಂದೀತು. ಜಾಗ್ರತೆ ಮಾಡಿರಿ.

ತುಲಾ: ಆರ್ಥಿಕವಾಗಿ ಹಣಕಾಸಿನ ಸಂಪಾದನೆ ಉತ್ತಮವಿದ್ದರೂ ಬರಬೇಕಾದ ಬಾಕಿ ಹಣಕ್ಕಾಗಿ ಒದ್ದಾಟ ಕಂಡು ಬಂದೀತು. ನಿಮ್ಮ ವಿಶ್ವಾಸದ ದುರುಪಯೋಗವಾಗದಂತೆ ಜಾಗ್ರತೆ ವಹಿಸಿರಿ. ವಿದ್ಯಾರ್ಥಿಗಳಿಗೆ ಪ್ರಯತ್ನ ಬೇಕೇಬೇಕು.

ವೃಶ್ಚಿಕ: ಆಹಾರ ವ್ಯತ್ಯಯದಿಂದ ಆರೋಗ್ಯ ಸಮಸ್ಯೆಯು ತೋರಿ ಬಂದೀತು. ಕಾಳಜಿ ವಹಿಸಿರಿ. ಹಿರಿಯರ ಅಭಿಪ್ರಾಯ ಭೇದದಿಂದ ಶುಭಮಂಗಲ ಕಾರ್ಯಗಳು ವಿಳಂಬವಾಗಲಿದೆ. ಗೃಹದಲ್ಲಿ ಅತೀ ಹೆಚ್ಚಿನ ಖರ್ಚು ತೋರಿ ಬಂದೀತು.

ಧನು: ಅವಕಾಶಗಳು ಕೂಡಿ ಬರಲು ನಿಧಾನವಾದರೂ ನಿಶ್ಚಿತ ರೂಪದಲ್ಲಿ ನಿಮಗೆ ಅಭಿವೃದ್ಧಿ ತೋರಿಬರುತ್ತದೆ. ಆರ್ಥಿಕವಾಗಿ ಹಣಕಾಸಿನ ಸಂಪಾದನೆ ಉತ್ತಮವಿದ್ದರೂ ಬರಬೇಕಾದ ಬಾಕಿ ಹಣಕ್ಕಾಗಿ ಒದ್ದಾಟ ತಂದೀತು.

ಮಕರ: ನಿಮ್ಮ ವಿಶ್ವಾಸದ ದುರುಪಯೋಗವಾಗದಂತೆ ಗಮನ ಹರಿಸಬೇಕಾಗುತ್ತದೆ. ಅವಿವಾಹಿತರ ಪ್ರಯತ್ನ ಬಲಕ್ಕೆ ಕಂಕಣ ಭಾಗ್ಯ ಪ್ರಾಪ್ತಿಯಾಗಲಿದೆ. ಅನಾವಶ್ಯಕವಾಗಿ ಸಮಯ ವ್ಯರ್ಥವಾಗದಂತೆ ಕಾಳಜಿ ವಹಿಸುವುದು.

ಕುಂಭ: ದಾಂಪತ್ಯದಲ್ಲಿ ಸ್ವಲ್ಪ ಸಮಾಧಾನ ಕಂಡು ಬರಲಿದೆ. ಪತ್ನಿಯ ಸಹಕಾರವು ನಿಮಗೆ ದೊರಕುವುದು. ಬರಬೇಕಾದ ಹಣವು ಕೈ ಸೇರಲಿದೆ. ಮಿತ್ರರಿಂದ ಸಹಕಾರವು ಕೂಡಿ ಬರುವುದು. ನೂತನ ದಂಪತಿಗಳಿಗೆ ಸಿಹಿ ಸುದ್ದಿ ಇದೆ.

ಮೀನ: ಕೌಟುಂಬಿಕವಾಗಿ ಬಂಧು ಭಾಂದವರ ಸಹಕಾರ ನಿಮಗಿದ್ದರೂ ವಿಶ್ವಾಸ ಅತೀ ಇಡದಿರಿ. ಅವಿವಾಹಿತರ ಪ್ರಯತ್ನ ಬಲಕ್ಕೆ ಕಂಕಣ ಭಾಗ್ಯ ಲಭಿಸಲಿದೆ. ಸ್ವಲ್ಪ ಸಮಾಧಾನ ಚಿತ್ತದಿಂದ ಆಲೋಚಿಸಿದರೆ ಉತ್ತಮ ಫ‌ಲವಿದೆ.

ಎನ್.ಎಸ್. ಭಟ್‌