ಈ ರಾಶಿಯ ಅವಿವಾಹಿತರಿಗೆ, ವಿದ್ಯಾರ್ಥಿಗಳಿಗೆ, ನಿರುದ್ಯೋಗಿಗಳಿಗೆ ನಿರೀಕ್ಷಿತ ಫ‌ಲ ಸಂತಸತಂದೀತು

Team Udayavani, Mar 21, 2021, 7:45 AM IST

21-03-2021

ಮೇಷ: ಒಳಿತು ಕೆಡುಕನ್ನು ಸಮಚಿತ್ತದಿಂದ ಸ್ವೀಕರಿಸುವುದು. ಹೃದ್ಗತ ವಿಚಾರದಲ್ಲಿ ತಲೆಕೆಡಿಸಿಕೊಳ್ಳದಿರುವುದು. ಹಲವನ್ನು ಏಕಕಾಲದಲ್ಲಿ ಹಂಬಲಿಸಿ ಮುನ್ನುಗ್ಗದಿರಿ. ತಾಳ್ಮೆ ಸಮಾಧಾನದಿಂದ ಇದ್ದರೆ ಉತ್ತಮ. ಮುನ್ನಡೆಯಿರಿ.

ವೃಷಭ: ಉದ್ಯೋಗ ಅಥವಾ ವ್ಯಾಪಾರ, ವ್ಯವಹಾರಕ್ಕೆ ಸಂಬಂಧಿಸಿದ ವಿಚಾರದಲ್ಲಿ ಮಹತ್ತರ ಬದಲಾವಣೆಯ ಹಂತದಲ್ಲಿ ನೀವೀಗ ಇದ್ದೀರಿ. ಜೀವನವನ್ನು ಸದ್ಯದ ಸ್ಥಿತಿಯಲ್ಲಿ ಇದ್ದ ಹಾಗೇ ಎದುರಿಸಬೇಕಾಗುವುದು ತಾಳ್ಮೆ ಇರಲಿ.

ಮಿಥುನ: ಜೀವನವನ್ನು ಸದ್ಯದ ಸ್ಥಿತಿಯಲ್ಲಿ ಇದ್ದ ಹಾಗೇ ಎದುರಿಸಬೇಕಾಗುವುದು. ವಿದ್ಯಾರ್ಥಿ ವರ್ಗಕ್ಕೆ ಹೊಸ ಉತ್ಸಾಹದಾಯಕವಾದೀತು. ಕೆಲವು ವೈಯಕ್ತಿಕ ತಪ್ಪುಗಳಿಂದ ನಿಮಗೆ ಸಮಸ್ಯೆಗಳು ಎದುರಾದೀತು. ಮುನ್ನಡೆಯಿರಿ.

ಕರ್ಕ: ವಿವಾಹಿತರಿಗೆ ಅನಾವಶ್ಯಕ ತಪ್ಪು ಅಭಿಪ್ರಾಯಗಳು ಕಂಡುಬಂದು ಕಲಹಕ್ಕೆ ಕಾರಣವಾಗಲಿದೆ. ಹಣಕಾಸಿನ ವಿಚಾರದಲ್ಲಿ ಧನ ಸಂಗ್ರಹ ಸಮಾಧಾನ ತಂದರೂ ಖರ್ಚು ವೆಚ್ಚಗಳಲ್ಲಿ ಲೆಕ್ಕಾಚಾರವಿದ್ದರೆ ಒಳ್ಳೆಯದು. ಶುಭವಿದೆ.

ಸಿಂಹ: ದೂರ ಸಂಚಾರದ ಬಗ್ಗೆ ಜಾಗ್ರತೆ ಅಗತ್ಯವಿದೆ. ವಿದ್ಯಾರ್ಥಿ ವರ್ಗಕ್ಕೆ ತಕ್ಕಮಟ್ಟಿನ ಶುಭಫ‌ಲ ತೋರಿ ಬರಲಿದೆ. ಮಿತ್ರವರ್ಗದವರ ಸಹಾಯ, ಸಹಕಾರದಿಂದ ನೆಮ್ಮದಿ ತಂದರೂ ಉದಾಸೀನತೆ ಸಲ್ಲದು. ನ್ಯಾಯಾಲಯದಲ್ಲಿ ಹಿನ್ನಡೆಯಾದೀತು.

ಕನ್ಯಾ: ವೈಯಕ್ತಿಕ ಸಮಸ್ಯೆಗಳನ್ನು ದಿಟ್ಟ ನಿರ್ಧಾರಗಳಿಂದ ಎದುರಿಸಬೇಕಾಗುತ್ತದೆ. ಮುಂದೂಡಿದ ವೈವಾಹಿಕ ಮಾತುಕತೆಗಳು ಪುನಃಹ ಚಾಲನೆಗೆ ಬರುವುದು. ಧಾರ್ಮಿಕ ಕಾರ್ಯಗಳು ಆಸಕ್ತಿ ಯಿಂದ ನೆರವೇರಿ ಸಮಾಧಾನವಾಗಲಿದೆ.

ತುಲಾ: ವಾಹನ ಖರೀದಿ ಹಾಗೂ ವಿಲೇವಾರಿಯಲ್ಲಿ ಅಪಾರ ಲಾಭ ತಂದೀತು. ಕುಟುಂಬ ವ್ಯವಸ್ಥೆಯನ್ನು ಪುನಃ ರೂಪಿಸುವುದರಿಂದ ಘನತೆಗೆ ಪಾತ್ರರಾಗುವಿರಿ. ಹಾಗೂ ಮನೆಯಲ್ಲಿ ನೆಮ್ಮದಿ ನೆಲೆಸಲಿದೆ. ದಿನಾಂತ್ಯ ಶುಭವಿದೆ.

ವೃಶ್ಚಿಕ: ನೌಕರಿಯಲ್ಲಿ ಭಡ್ತಿ ಹಾಗೂ ಉನ್ನತಾಧಿಕಾರಿಗಳ ಸಹಕಾರದಿಂದ ಮುನ್ನಡೆಯು ಕಂಡುಬರುವುದು. ಸಹೋದ್ಯೋಗಿಗಳ ಸಹಕಾರ ನಿಮಗೆ ಸಿಗಲಿದೆ. ರಾಜಕೀಯ ಧುರೀಣರಿಗೆ ಪ್ರತಿಷ್ಠೆ, ಮನ್ನಣೆ ಹಾಗೂ ಗೌರವ ಲಭಿಸಲಿದೆ.

ಧನು: ವ್ಯಾಪಾರ, ವ್ಯವಹಾರದಲ್ಲಿ ಯಾವುದೇ ರೀತಿಯ ಒಪ್ಪಂದ ಪತ್ರಗಳಿಗೆ ಸಹಿ ಹಾಕದಿರಿ. ವೃತ್ತಿರಂಗದಲ್ಲಿ ಹಿತಶತ್ರುಗಳು ಪೀಡೆ ತರಲಿದ್ದಾರೆ. ಸುಖದ ಬಿಂದಿಗೆಯು ನಿಮ್ಮ ಪಾಲಿಗೆ ಬರಲಿದೆ. ಸಂತೃಪ್ತ ಜೀವನ ನಿಮ್ಮದು.

ಮಕರ: ಅವಿವಾಹಿತರಿಗೆ, ವಿದ್ಯಾರ್ಥಿಗಳಿಗೆ, ನಿರುದ್ಯೋಗಿಗಳಿಗೆ ನಿರೀಕ್ಷಿತ ಫ‌ಲ ಸಂತಸ ತಂದೀತು. ರಾಜಕೀಯದಲ್ಲಿ ಗೆಲವು ನಿಮ್ಮದಾಗಲಿದೆ. ವೃತ್ತಿರಂಗದಲ್ಲಿ ನಿಧಾನವಾಗಿಯಾದರೂ ಪದೋನ್ನತಿ ದೊರಕಲಿದೆ. ಅತಿಥಿಗಳ ಆಗಮನವಿದೆ .

ಕುಂಭ: ವಿದ್ಯಾರ್ಥಿಗಳಿಗೆ ಉನ್ನತ ವ್ಯಾಸಂಗದ ಅವಕಾಶ ಒದಗಿ ಬರಲಿದೆ. ವಿದೇಶ ಯಾನವು ಕೂಡಿಬಂದೀತು. ಅನೇಕಾನೇಕ ಕಷ್ಟಗಳು ನಿಮಗೆದುರಾಗಲಿದೆ. ಅದನ್ನು ಮೆಟ್ಟಿ ನಿಲ್ಲುವ ಧೈರ್ಯ ನಿಮಗೆ ಖಂಡಿತ ಬಂದೀತು.

ಮೀನ: ಹಲವು ತರದ ಅಪಮಾನ, ಅವಮಾನಗಳು ಎದುರಾಗಲಿದೆ. ಎಲ್ಲವನ್ನು ಸಹಿಸುವ ಕಾಲವಿದು ಸತ್ವ ಪರೀಕ್ಷಾ ಕಾಲವಿದು. ಅದರ ಸಿಹಿಫ‌ಲವನ್ನುಂಡುವ ಸಮಯ ನಿಮಗೆ ಬರಲಿದೆ. ಯೋಚನೆ, ಚಿಂತೆ ಬಿಟ್ಟುಬಿಡಿರಿ.

ಎನ್‌.ಎಸ್‌. ಭಟ್‌