ಈ ರಾಶಿಯವರಿಂದು ಅಚ್ಚರಿಯ ರೀತಿಯಲ್ಲಿ ಅಧಿಕಾರಿಗಳ ವಕ್ರದೃಷ್ಟಿಯಿಂದ ಪಾರಾಗುವಿರಿ!

Team Udayavani, May 15, 2021, 7:20 AM IST

15-05-2021

ಮೇಷ: ಉದ್ಯೋಗ ವ್ಯವಹಾರದಲ್ಲಿ ಪ್ರಗತಿ ಕಂಡು ಬರುವುದು. ಆರ್ಥಿಕ ಅಡಚಣೆಯ ನಡುವೆಯೇ ಇಚ್ಛಿಸಿದ ಕೆಲಸ ಕಾರ್ಯರೂಪಕ್ಕೆ ಬರಲಿದೆ. ಗೃಹದಲ್ಲಿ ಶುಭಮಂಗಲ ಕಾರ್ಯನಿಮಿತ್ತ ಸಂಭ್ರಮವು ಕಂಡುಬರುವುದು. ಸಂತಸವಿದೆ.

ವೃಷಭ: ವಿಶೇಷವಾದ ಆಸಕ್ತಿಯಿಂದ ಕಾರ್ಯದಲ್ಲಿ ತೊಡಗಿಸಿಕೊಳ್ಳುವಿರಿ. ಸಕಾಲಕ್ಕೆ ಸರಿಯಾದ ನಿರ್ಧಾರದಿಂದ ಮನತೃಪ್ತಿ ಸಿಗಲಿದೆ. ಬಂಧುಮಿತ್ರರ ಆಗಮನದಿಂದ ಖರ್ಚುವೆಚ್ಚಾದಿಗಳು ಅಲಂಕಾರಿಕ ಸಾಮಾಗ್ರಿಗಳ ಖರೀದಿ ಇದೆ.

ಮಿಥುನ: ಆತ್ಮೀಯರಿಗೆ ನೆರವಿನ ಹಸ್ತ ಕಂಡು ಬರಲಿದೆ. ಖಚಿತ ನಿರ್ಧಾರಕ್ಕೆ ಬರಲಾಗದ ಮನಸ್ಥಿತಿ ಇರುತ್ತದೆ. ಆತಂಕದಿಂದಲೇ ಕಾರ್ಯಸಿದ್ಧಿ ಇರುತ್ತದೆ. ಮಧ್ಯವರ್ತಿಯಾಗ ಬೇಕಾದ ಸಂದಿಗ್ಧತೆ. ಆಪ್ತೇಷ್ಟರ ವಲಯದಲ್ಲಿ ಮಾನ್ಯತೆ ಲಭ್ಯ.

ಕರ್ಕ: ಋಣ ಪರಿಹಾರಾರ್ಥವಾಗಿ ಪ್ರಗತಿಪರ ಚಟುವಟಿಕೆಗಳು ಕಂಡುಬಂದಾವು. ಅಜೀರ್ಣ ಉದರ ಉಪದ್ರವಗಳು ನಿಮ್ಮನ್ನು ಕಾಡಲಿದೆ. ಆತ್ಮೀಕರ ಆಕಸ್ಮಿಕ ಭೇಟಿಯಿಂದ ಸಂತಸವಾದೀತು. ವಿಲಾಸೀ ಜೀವನದಿಂದ ಸಂತೃಪ್ತಿ ಸಿಗಲಿದೆ.

ಸಿಂಹ: ಮನೋಕಾಮನೆ ಪೂರೈಕೆಯಿಂದ ಮನಸ್ಸಿಗೆ ಸಮಾಧಾನ ದೊರೆಯಲಿದೆ. ಔದಾಸೀನ್ಯ ನಿರ್ಲಕ್ಷ್ಯದ ಮನೋಸ್ಥಿತಿಯು ಕಾಡಲಿದೆ. ದುರಸ್ತಿ ಕಾರ್ಯದ ನಿಮಿತ್ತ ಖರ್ಚು ವೆಚ್ಚ ಹೆಚ್ಚಾಗಲಿದೆ. ಮಾನಸಿಕ ಪ್ರಮಾದದಿಂದ ಅಶಾಂತಿ ತಲೆದೋರೀತು.

ಕನ್ಯಾ: ವಿರೋಧಿಗಳಿಂದ ನೆರವು ಪಡೆಯಬೇಕಾದ ಅಸಹಾಯಕತೆ ಕಂಡುಬಂದೀತು. ಗ್ರಹ ನಿರ್ಮಾಣಕ್ಕೆ ಅನುಕೂಲ ತಂದೀತು. ಚಿಂತನೆ ಹಾಗೂ ಕಾರ್ಯಗಳಲ್ಲಿ ವಿರೋಧಾಭಾಸ ಕಂಡುಬಂದೀತು. ಆತ್ಮೀಯರ ಆಗಮನದಿಂದ ಸಂತಸ.

ತುಲಾ: ಲಾಭ ಕಾರ್ಯದ ಯತ್ನದಲ್ಲಿ ಜಯಶೀಲರಾಗುವಿರಿ. ಶ್ರೀದೇವರ ಅನುಗ್ರಹಕ್ಕಾಗಿ ಪ್ರಾರ್ಥಿಸಿರಿ. ವೃತ್ತಿರಂಗದಲ್ಲಿ ಬಾಹ್ಯ ನೆರವು ಲಭ್ಯವಾಗಲಿದೆ. ಕೀಳರಿಮೆ, ದೌರ್ಬಲ್ಯ ಗಳಿಂದ ಚೇತರಿಸಿಕೊಳ್ಳಲಿರುವ ಸೂಚನೆಗಳು ಕಂಡುಬಂದೀತು.

ವೃಶ್ಚಿಕ: ಕುಟುಂಬದಲ್ಲಿ ಶುಭಮಂಗಲ ಕಾರ್ಯಕ್ಕೆ ಸಂಬಂಧಪಟ್ಟ ಚಟುವಟಿಕೆಗಳು ಕಂಡುಬರಲಿದೆ. ಅಚ್ಚರಿಯ ರೀತಿಯಲ್ಲಿ ಅಧಿಕಾರಿಗಳ ವಕ್ರದೃಷ್ಟಿಯಿಂದ ಪಾರಾಗುವಿರಿ. ಅನಾವಶ್ಯಕವಾಗಿ ಅಜಾಗ್ರತೆಯಿಂದ ಕಳಕೊಳ್ಳುವ ಪ್ರಸಂಗ.

ಧನು: ಅನಗತ್ಯವಾಗಿ ದುಂದುವೆಚ್ಚಗಳು ಕಂಡುಬರಲಿವೆ. ಮಾನಸಿಕವಾಗಿ ಕಿರಿಕಿರಿಯು ನಿಮ್ಮನ್ನು ಕಾಡಲಿದೆ. ಸ್ಥಾನದ ಉಳಿವಿಗಾಗಿ ಹೋರಾಟದ ಅನಿವಾರ್ಯತೆ ಕಂಡುಬರಲಿದೆ. ಶುಭ ಕಾರ್ಯದ ಮಾತುಕತೆ ಮುರಿದು ಬೀಳುವ ಪ್ರಸಂಗವು ಇದೆ.

ಮಕರ: ಲಾಭ ಕಾರ್ಯದ ಯತ್ನದಲ್ಲಿ ಜಯ ಲಭಿಸಲಿದೆ. ನಿರೀಕ್ಷಿತ ಮೂಲದಿಂದ ಧನಾಗಮನ ಸೂಚನೆ ತಂದೀತು. ನಿಮ್ಮ ಭಾವನೆಗೆ ನೋವು ಉಂಟಾಗುವ ಸನ್ನಿವೇಶಗಳು ಎದುರಾಗಲಿದೆ. ಅಸಮರ್ಥನೆಯಿಂದ ಮನೋಚಂಚಲತೆ ಕಾಡಲಿದೆ.

ಕುಂಭ: ಧೈರ್ಯದಿಂದ ಪರಿಸ್ಥಿತಿಯನ್ನು ಎದುರಿಸುವುದು ಮುಖ್ಯವಾಗಿದೆ. ಅನಗತ್ಯ ವಿವಾದವೊಂದು ಎದುರಾಗಲಿರುವ ಸಾಧ್ಯತೆ ಕಂಡುಬರುತ್ತದೆ. ದೈಹಿಕ ಶ್ರಮದ ಕಾರ್ಯದ ದುಡುಕು ವರ್ತನೆಯಿಂದ ಮುಖಭಂಗ ಪ್ರಸಂಗ ಎದುರಾದೀತು.

ಮೀನ: ಬ್ಯಾಂಕ್‌, ವಿತ್ತಖಾತೆಗೆ ಸಂಬಂಧಪಟ್ಟ ಕಾರ್ಯದಲ್ಲಿ ಸಫ‌ಲತೆ ಕಾಣುವಿರಿ. ಮಕ್ಕಳ ಶಿಕ್ಷಣಕ್ಕೆ ಸಂಬಂಧಪಟ್ಟ ವಿಚಾರದಲ್ಲಿ ಶುಭವಾರ್ತೆಯನ್ನು ಕೇಳಲಿದ್ದೀರಿ. ಸೇವಕರಿಂದ ಇಷ್ಟವಿರೋಧಿ ವರ್ತನೆಗಳು ಕಂಡುಬರುವ ಲಕ್ಷಣವಿದೆ.

ಎನ್.ಎಸ್.ಭಟ್