ಶುಕ್ರವಾರದ ರಾಶಿಫಲ: ಈ ದಿನ ಯಾರಿಗೆ ಶುಭ? ಯಾರಿಗೆ ಲಾಭ?

Team Udayavani, Jun 4, 2021, 7:20 AM IST

4-6-2021

ಮೇಷ: ಭವಿಷ್ಯದ ಬಗ್ಗೆ ಜಾಗ್ರತೆ ವಹಿಸಬೇಕಾಗುತ್ತದೆ. ಯಾವುದೇ ಕೆಲಸ ಮಾಡುವ ಮುನ್ನ ದುಡುಕದೆ ಪೂರ್ವ ತಯಾರಿಯ ಅಗತ್ಯವಿದೆ. ಇನ್ನಷ್ಟು ಗೆಳೆಯರನ್ನು ಸಂಪಾದಿಸಲಿದ್ದೀರಿ. ವಿಶ್ವಾಸದ ದುರುಪಯೋಗವಾಗದಂತೆ ನೋಡಿ.

ವೃಷಭ: ನಿಮ್ಮ ಸ್ಪೂರ್ತಿಯು ನಿಮ್ಮನ್ನು ಮುನ್ನಡೆಸುವುದು. ಬ್ಯಾಂಕಿಂಗ್‌, ಫೈನಾನ್ಸ್‌ ವೃತ್ತಿಯವರಿಗೆ ಆದಾಯ ವೃದ್ಧಿಯಿದ್ದರೂ ಜವಾಬ್ದಾರಿಯ ಹೊರೆ ಹೆಚ್ಚಾಗಲಿದೆ. ಅವಿವಾಹಿತರಿಗೆವೈವಾಹಿಕ ಸಂಬಂಧಗಳು ಕಂಡುಬಂದಾವು. ಶುಭವಿದೆ.

ಮಿಥುನ: ಕೆಲವು ವಿಷಯಗಳು ಅನಿರೀಕ್ಷಿತವಾಗಿ ಘಟಿಸಿ ನಿಮ್ಮನ್ನು ಆಶ್ಚರ್ಯ ಚಕಿತರನ್ನಾಗಿಸಲಿದೆ. ನಿಮ್ಮ ಆತ್ಮವಿಶ್ವಾಸ ಹಾಗೂ ಭರವಸೆಗಳು ನಿಮ್ಮನ್ನು ಮುನ್ನಡೆಸಲಿದೆ. ಕಾರ್ಯರಂಗದಲ್ಲಿ ಮೇಲಾಧಿಕಾರಿಗಳಿಂದ ಮೆಚ್ಚುಗೆ ಸಿಗಲಿದೆ.

ಕರ್ಕ: ಸಾಮಾಜಿಕ ಕ್ಷೇತ್ರದಲ್ಲಿ ಯಶಸ್ಸು, ಸೂಕ್ತ ಸ್ಥಾನಮಾನಗಳು ನಿಮ್ಮದಾಗಲಿದೆ. ಗೃಹದಲ್ಲಿ ಶುಭ ಮಂಗಲ ಕಾರ್ಯಗಳಿಂದಾಗಿ ಸಂಭ್ರಮ ಕಂಡುಬರಲಿದೆ. ಭವಿಷ್ಯಕ್ಕೆ ಒಳ್ಳೆಯ ಯೋಜನೆಗಳನ್ನು ರೂಪಿಸಲು ಇದು ಸಕಾಲವೆನ್ನಬಹುದು.

ಸಿಂಹ: ಆಗಾಗ ಅನಿರೀಕ್ಷಿತ ಖರ್ಚುವೆಚ್ಚಗಳು ಬಂದೊದಗಬಹುದು. ಅದನ್ನು ನಿಭಾಯಿಸಿಕೊಂಡು ಹೋಗುವುದರಲ್ಲಿ ನಿಮ್ಮ ಚಾಕಚಕ್ಯತೆ ಅಡಗಿದೆ. ಆದರೂ ಗೃಹಿಣಿಗೆ ಅನಾವಶ್ಯಕ ಕೋಪ, ಉದ್ವೇಗಗಳು ಹೆಚ್ಚಾದೀತು. ತಾಳ್ಮೆ ಮುಖ್ಯ.

ಕನ್ಯಾ: ವಿದ್ಯಾರ್ಥಿಗಳಿಗೆ ನಿರೀಕ್ಷಿತ ಫ‌ಲಿತಾಂಶ ಬಾರದೆ ನಿರಾಸೆ ತಂದೀತು. ಕೃಷಿಕಾರರಿಗೆ ತುಂಬಾ ಸಂತಸದ ದಿನಗಳಿವು. ವೃತ್ತಿರಂಗದಲ್ಲಿ ಸ್ತ್ರೀ ಮೂಲಕ ಅಪವಾದ ಭೀತಿ ತೋರಿಬರಲಿದೆ. ಯಾವುದಕ್ಕೂ ಅವಸರಿಸದಿರಿ.

ತುಲಾ: ಸಂಬಂಧಗಳನ್ನು ಸೂಕ್ಷ್ಮವಾಗಿ ನಿಭಾಯಿಸಿರಿ. ಹಿತಶತ್ರುಗಳಿಂದ ಕಿರುಕುಳ ಕಂಡುಬಂದೀತು. ಮುಂದೆ ಸುಧಾರಿಸುವುದೆಂದು ಭರವಸೆಯನ್ನಿಡಿರಿ. ಸರಕಾರೀ ಕೆಲಸ ಕಾರ್ಯಗಳು ಕಾರ್ಯರೂಪಕ್ಕೆ ಬರಲಿವೆ. ಭಿನ್ನಾಭಿಪ್ರಾಯಕ್ಕೆ ಬಲಿಯಾಗದಿರಿ .

ವೃಶ್ಚಿಕ: ವೃತ್ತಿರಂಗದಲ್ಲಿ ನಿಮ್ಮ ಯೋಚನೆಗಳಾವುವೂ ನಿಯಂತ್ರಣದಲ್ಲಿಲ್ಲದೆ ಅನ್ಯಮಸ್ಕರಾಗುವ ಪ್ರಸಂಗವು ಒದಗಿ ಬಂದೀತು. ಕೆಲವೊಂದು ಸಣ್ಣಪುಟ್ಟ ಬದಲಾವಣೆಯನ್ನು ಮಾಡಿಕೊಂಡರೆ ಉತ್ತಮ. ಮೌನವೇ ಲೇಸು.

ಧನು: ಕಿರು ಪ್ರಯಾಣವು ನಿಮ್ಮನ್ನು ಸಂತಸಗೊಳಿಸಲಿದೆ. ಆದರೆ ಅದರೊಡನೆ ಕಿರಿಕಿರಿಯು ಕಂಡುಬಂದೀತು ಮಕ್ಕಳಿಗೆ ಮನೆಯಲ್ಲೇ ಕುಳಿತು ಸಮಯ ಕಳೆಯಲು ಕಷ್ಟವಾದೀತು. ಓದುವ ಹವ್ಯಾಸವನ್ನು ಬೆಳೆಸಿಕೊಳ್ಳಿರಿ.

ಮಕರ: ವಿವಿಧ ರೀತಿಯ ಉದ್ಯೋಗಾವಕಾಶಗಳು ಒದಗಿ ಬರಲಿದೆ. ಉದ್ಯೋಗ ಬದಲಾವಣೆಯ ಸಾಧ್ಯತೆಯೂ ಕಂಡು ಬರಲಿದೆ. ನವದಂಪತಿಗಳಿಗೆ ಶುಭ ಸಮಾಚಾರ ಕಂಡುಬರಲಿದೆ.

ಕುಂಭ: ಎಲ್ಲಾ ಕೆಲಸ ಕಾರ್ಯಗಳಲ್ಲಿ ಧೈರ್ಯದಿಂದ ಹೆಜ್ಜೆ ಇರಿಸಿದ್ದಲ್ಲಿ ಮುಂದೆ ಒಳ್ಳೆಯ ಭವಿಷ್ಯವು ಕಂಡು ಬರಲಿದೆ. ನಿರುದ್ಯೋಗಿಗಳಿಗೆ ಉದ್ಯೋಗ ಲಾಭವು ಕಂಡುಬರಲಿದೆ. ಆದಾಯದ ಮೂಲವು ಬೆಳೆಯಲಿದೆ.

ಮೀನ: ಮನೆಯಲ್ಲಿ ಧಾರ್ಮಿಕ ಕೃತ್ಯಗಳು ನಡೆದಾವು. ಚಿಂತೆಯ ಜೊತೆಗೆ ದೇಹಾರೋಗ್ಯವು ಸರಿಯಾಗಿ ಇರಲಾರದು. ಕೌಟುಂಬಿಕವಾಗಿ ಕಲಹಗಳು ಆಗಾಗ ಗೋಚರಕ್ಕೆ ಬಂದಾವು. ವ್ಯಾಪಾರದಲ್ಲಿ ತೊಡಕುಗಳು ಇದ್ದಾವು.

ಎನ್‌.ಎಸ್‌. ಭಟ್‌