Horoscope: ಹಲವು ವಿಭಾಗಗಳಿಂದ ಕಾರ್ಯದ ಒತ್ತಡ, ಉದ್ಯೋಗಸ್ಥರಿಗೆ ಪದೋನ್ನತಿಯ ಸಾಧ್ಯತೆ

Team Udayavani, Dec 5, 2023, 7:23 AM IST

ಮೇಷ: ಫ‌ಲಾಪೇಕ್ಷೆಯಿಲ್ಲದ ಕರ್ಮಗಳ ಸತ್ಫಲಗಳು ಕೈಸೇರುತ್ತಿವೆ. ಪ್ರಾರಂಭದಲ್ಲಿ ಮಧ್ಯಮ ಫ‌ಲಗಳು, ಮುಂದೆ ಉತ್ತಮ ಫ‌ಲಗಳು. ಉದ್ಯೋಗ ಸ್ಥಾನದಲ್ಲಿ ಯಥಾಸ್ಥಿತಿ. ಉದ್ಯಮದ ಪ್ರಗತಿ ಉತ್ತಮ. ಎಲ್ಲರ ಆರೋಗ್ಯ ಉತ್ತಮ, ಗೃಹೋದ್ಯಮ ಉತ್ಪನ್ನಗಳಿಗೆ ಬೇಡಿಕೆ ಹೆಚ್ಚಳ.

ವೃಷಭ: ಸ್ಥಿತ್ಯಂತರಗೊಳ್ಳುತ್ತಿರುವ ಉದ್ಯೋಗ ಕ್ಷೇತ್ರದಲ್ಲಿ ಸದ್ಯ ಗೌರವಕ್ಕೆ ಕೊರತೆಯಾಗದು.ಸರ ಕಾರಿ ನೌಕರರಿಗೆ ವರ್ತಮಾನದಲ್ಲಿ ಕೊರತೆಯಾಗದು. ವಸ್ತ್ರ, ಯಂತ್ರೋಪಕರಣ ಹಾಗೂ ಗೃಹಸಾಮಗ್ರಿ ಉದ್ಯಮಿಗಳಿಗೆ ವಿಶೇಷ ಆದಾಯ. ಪಿತ್ರಾರ್ಜಿತ ಕೃಷಿಭೂಮಿ ಅಭಿವೃದ್ಧಿ, ಕಳೆದುಹೋಗಿರುವ ವಸ್ತು ಮತ್ತೆ ಸಿಗುವ ಸಂಭವ.

ಮಿಥುನ: ದೈಹಿಕ ಸ್ಥಿತಿ ಮಧ್ಯಮ, ಆದರೆ ಕರ್ತವ್ಯಪಾಲನೆಗೆ ತೊಂದರೆಯಿಲ್ಲ. ಹಲವು ವಿಭಾಗಗಳಿಂದ ಕಾರ್ಯದ ಒತ್ತಡ. ಪಾಲುದಾರಿಕೆಯ ಉದ್ಯಮ ಸುಧಾರಣೆ. ಉದ್ಯೋಗಸ್ಥರಿಗೆ ಪದೋನ್ನತಿಯ ಸಾಧ್ಯತೆ. ಅಧ್ಯಾತ್ಮ ಚಿಂತನೆ, ದೇವಾಲಯಕ್ಕೆ ಭೇಟಿ.

ಕರ್ಕಾಟಕ: ಹವಾಮಾನದ ಏರುಪೇರಿನಿಂದ ಕೊಂಚ ಅಸ್ವಾಸ್ಥ್ಯದ ಸಾಧ್ಯತೆ. ಉದ್ಯೋಗದಲ್ಲಿ ಲಭಿಸಿದ ಉನ್ನತ ಸ್ಥಾನದಲ್ಲಿ ಯಶಸ್ವಿ. ಸ್ವಂತ ಉದ್ಯಮದಲ್ಲಿ ಸಹಜವಾದ ಪೈಪೋಟಿಗಳ ಯಶಸ್ವೀ ನಿವಾರಣೆ. ಕೃಷಿ ಕ್ಷೇತ್ರದಲ್ಲಿ ಹೊಸ ಪ್ರಯೋಗಗಳು.

ಸಿಂಹ: ಉದ್ಯೋಗ ಸ್ಥಾನದಲ್ಲಿ ಗುರುಸ್ಥಾನ ನಿರ್ವಹಣೆ ಉದ್ಯಮದ ನೌಕರರ ಸಮಸ್ಯೆ ಪರಿಹಾರ. ಅಭಿವೃದ್ಧಿ ಕ್ರಮಗಳಿಗೆ ಸರಕಾರಿ ಇಲಾಖೆಗಳ ಅನುಕೂಲಕರ ಸ್ಪಂದನ. ಲೋಹ ಉದ್ಯಮಗಳಿಗೆ ಅಭಿವೃದ್ಧಿಯ ಕಾಲ. ಅವಿವಾಹಿತರಿಗೆ ವಿವಾಹ ಯೋಗ.

ಕನ್ಯಾ: ಕಾರ್ಯದಲ್ಲಿ ಅಧಿಕ ಉತ್ಸಾಹ.ಉದ್ಯೋಗದಲ್ಲಿ ಹೆಚ್ಚುವರಿ ಜವಾಬ್ದಾರಿ. ಕಾಲಮಿತಿಯಲ್ಲಿ ಕೆಲಸ ಪೂರ್ಣಗೊಳಿಸಲು ಒತ್ತಾಯ. ಕಾರ್ಯಕ್ಷೇತ್ರಕ್ಕೆ ಗಣ್ಯರ ಭೇಟಿ. ಸ್ವಂತ ಉದ್ಯಮ ಬೆಳವಣಿಗೆಗೆ ಆಪ್ತರ ಅನಿರೀಕ್ಷಿತ ನೆರವು. ಹಳೆಯ ಒಡನಾಡಿಗಳ ಭೇಟಿ. ತೋಟಗಾರಿಕೆಯತ್ತ ಒಲವು.

ತುಲಾ: ನಿಶ್ಚಿಂತೆಯಿಂದ ದಿನಚರಿ ಆರಂಭ. ಉದ್ಯೋಗ ಸ್ಥಾನದಲ್ಲಿ ಸಹೋದ್ಯೋಗಿಗಳಿಂದ ಗೌರವ. ಅಧ್ಯಾಪಕರಿಂದ ಮಕ್ಕಳ ಪ್ರತಿಭೆ ವೃದ್ಧಿಗೆ ವಿಶೇಷ ಪ್ರಯತ್ನ. ಕುಶಲಕರ್ಮಿಗಳ ಕೃತಿಗಳಿಗೆ ಅಧಿಕ ಬೇಡಿಕೆ. ಮನೆಯಲ್ಲಿ ದೇವತಾಕಾರ್ಯದಿಂದ ಸಕಾರಾತ್ಮಕ ಸ್ಪಂದನ.

ವೃಶ್ಚಿಕ: ಹಲವು ಬಗೆಯ ಶುಭಫ‌ಲಗಳ ಅನುಭವ. ಉದ್ಯೋಗಸ್ಥರಿಗೆ ಮೇಲಧಿಕಾರಿಗಳಿಂದ ಪ್ರಶಂಸೆ. ಅಧಿಕಾರಿಗಳಿಗೆ ಜನಸೇವೆಯಿಂದ ಮನ್ನಣೆ. ಧಾರ್ಮಿಕ ಸೇವಾ ಸಂಸ್ಥೆಗಳಿಂದ ಗೌರವ. ವಸ್ತ್ರ, ಆಭರಣ ಖರೀದಿ ಸಂಭವ. ಬಂಧುವರ್ಗದಲ್ಲಿ ಶುಭಕಾರ್ಯದ ಸಿದ್ಧತೆ.

ಧನು: ಮನಃಪೂರ್ವಕ ದುಡಿಮೆಯಿಂದ ಕುಗ್ಗದ ಕಾರ್ಯೋತ್ಸಾಹ. ಉದ್ಯೋಗ ಸ್ಥಾನದಲ್ಲಿ ಹುದ್ದೆಗೆ ಮೀರಿದ ಗೌರವ. ಅನಿರೀಕ್ಷಿತ ನೆರವುಗಳಿಂದ ಉದ್ಯಮ ಅಭಿವೃದ್ಧಿ. ವಸ್ತ್ರ, ಪಾದರಕ್ಷೆÒ, ಶೋಕಿಸಾಮಗ್ರಿ ವ್ಯಾಪಾರಿಗಳಿಗೆ ನಿರೀಕ್ಷಿತ ಲಾಭ. ಸಮಾಜ ಸೇವಾ ಕಾರ್ಯಗಳತ್ತ ಆಕರ್ಷಣೆ.

ಮಕರ: ನಿರಾತಂಕ ಸ್ಥಿತಿಯಲ್ಲಿ ಕಾರ್ಯಾರಂಭ. ದೂರ. ಉದ್ಯೋಗ ಸ್ಥಾನದಲ್ಲಿ ನಿಗದಿತ ಕಾರ್ಯ ಮುಗಿಸುವ ತರಾತುರಿ. ಸಿವಿಲ್‌ ಎಂಜಿನಿಯರ್‌ಗೆ ಸರಕಾರಿ ನೌಕರಿಯ ಸಾಧ್ಯತೆ. ಸರಕಾರಿ ಉದ್ಯೋಗಸ್ಥರಿಗೆ ದೂರದ ಊರಿಗೆ ವರ್ಗಾವಣೆ. ಅಪರೂಪದ ಅತಿಥಿಗಳ ಆಗಮನ.

ಕುಂಭ: ಉದ್ಯೋಗ ಸ್ಥಾನದಲ್ಲಿ ಬೆನ್ನಟ್ಟಿ ಬರುವ ಹೆಚ್ಚುವರಿ ಜವಾಬ್ದಾರಿಗಳು. ಸ್ವಂತ ಉದ್ಯಮ ಸ್ಥಿರವಾಗಿ ಅಭಿವೃದ್ಧಿ. ವೈವಿಧ್ಯೀಕರಣದ ಮೊದಲ ಹಂತಕ್ಕೆ ಸಿದ್ಧತೆ. ಕಟ್ಟಡ ನಿರ್ಮಾಣ ಕಾರ್ಯಗಳ ವೇಗ ವರ್ಧನೆ. ಸಿವಿಲ್‌ ಎಂಜಿನಿಯರಿಂಗ್‌ ವೃತ್ತಿಯವರಿಗೆ ಉನ್ನತ ಹುದ್ದೆ ಸಂಭವ.

ಮೀನ: ಸಪ್ತಾಹದ ಮಧ್ಯದಲ್ಲಿ ಆಯಕಟ್ಟಿನ ಸ್ಥಾನದಲ್ಲಿರುವವರ ಸಂಪರ್ಕ.ಉದ್ಯೋಗದಲ್ಲಿ ಹೊಸ ಬಗೆಯ ಜವಾಬ್ದಾರಿಗಳು. ಸಕಾಲಿಕ ಸೇವೆಯಿಂದ ಸಾರ್ವಜನಿಕರ ವಿಶ್ವಾಸ ವೃದ್ಧಿ. ನೂತನ ಆಸ್ತಿ ಖರೀದಿ ಪ್ರಯತ್ನ ಮುನ್ನಡ ವಿಷ್ಣು ಕ್ಷೇತ್ರ ಭೇಟಿ ಸಂಭವ. ಮನೆಯಲ್ಲಿ ಎಲ್ಲರಿಗೂ ಉತ್ತಮ ಆರೋಗ್ಯ , ಪರಂಪರಾಗತ ವೃತ್ತಿಯತ್ತ ಆಕರ್ಷಣೆ.