Daily Horoscope: ಎಲ್ಲ ವಿಘ್ನಗಳ ನಿವಾರಣೆ, ಉದ್ಯೋಗಸ್ಥರಿಗೆ ನಿರಾತಂಕದ ಪರಿಸ್ಥಿತಿ

Team Udayavani, Feb 10, 2024, 7:20 AM IST

ಮೇಷ: ಎರಗಿರುವ ವಿಪತ್ತುಗಳು ತರಗೆಲೆ ಯಂತೆ ಹಾರಿಹೋಗಲಿವೆ. ಉದ್ಯೋಗ, ವ್ಯವಹಾರ ರಂಗಗಳಲ್ಲಿ ಅಭೂತಪೂರ್ವ ಯಶಸ್ಸಿನ ಅನುಭವ. ಕಿರಿಯ ಸಹೋದ್ಯೋಗಿಗಳಿಂದ ಮಾರ್ಗದರ್ಶನ ಯಾಚನೆ.

ವೃಷಭ: ವ್ಯವಹಾರಸ್ಥರಿಗೆ ಅಪೇಕ್ಷಿತ ನೆರವು ಕೈಸೇರಿ ನೆಮ್ಮದಿ. ಹಣಕಾಸು ವ್ಯವಹಾರ ಸುಗಮ. ಪ್ರಭಾವಿ ವ್ಯಕ್ತಿಗಳೊಂದಿಗೆ ಹೊಸದಾಗಿ ಸಂಪರ್ಕ ಸಾಧ್ಯತೆ. ಸರಕಾರಿ ನೌಕರರಿಗೆ ವರ್ಗಾವಣೆಯ ಸೂಚನೆ. ಮನೆಯಲ್ಲಿ ಒಟ್ಟಿನಲ್ಲಿ ನೆಮ್ಮದಿಯ ವಾತಾವರಣ.

ಮಿಥುನ: ಮನೆಯಲ್ಲಿ ಎಲ್ಲರ ಆರೋಗ್ಯ ತೃಪ್ತಿಕರ. ಗುರುದೇವತಾನುಗ್ರಹದಿಂದ. ಎಲ್ಲ ವಿಘ್ನಗಳ ನಿವಾರಣೆ. ಉದ್ಯೋಗಸ್ಥರಿಗೆ ನಿರಾತಂಕದ ಪರಿಸ್ಥಿತಿ. ಆತ್ಮವಿಶ್ವಾಸ, ಭಗವತ್ಪ್ರೇಮದಿಂದ ನಿಶ್ವಿಂತೆಯ ಪರಿಸ್ಥಿತಿ ನಿರ್ಮಾಣ.

ಕರ್ಕಾಟಕ: ಕನಿಷ್ಠ ಪ್ರಯತ್ನದಿಂದ ಗರಿಷ್ಠ ಲಾಭ ಹೊಂದುವಿರಿ. ಗೆಳೆಯರಿಂದ ನಿರೀಕ್ಷಿತ ಸಹಾಯ ವಿಳಂಬ. ಉದ್ಯೋಗಸ್ಥರಿಗೆ ತಕ್ಕಮಟ್ಟಿಗೆ ನೆಮ್ಮದಿಯ ವಾತಾವರಣ. ಪಾಲುದಾರಿಕೆ ವ್ಯವಹಾರ ಕುಂಠಿತ. ಹಿರಿಯರು, ಗೃಹಿಣಿಯರು, ಮಕ್ಕಳಿಗೆ ನೆಮ್ಮದಿ.

ಸಿಂಹ: ಕುಂದದ ಉತ್ಸಾಹದಿಂದ ಮುನ್ನುಗ್ಗು ವಿರಿ. ತಾತ್ಕಾಲಿಕ ವಿಘ್ನಗಳನ್ನು ಬದಿಗೆ ಸರಿಸಿ ಯಶಸ್ಸಿನತ್ತ ದಾಪುಗಾಲು ಹಾಕುವಿರಿ. ಸ್ವಯಂ ಉದ್ಯೋಗಸ್ಥರಿಗೆ ವಿಶೇಷ ಶುಭದಿನ. ಉಡುಪು ತಯಾರಿ ಉದ್ದಿಮೆಯವರಿಗೆ ಅಪಾರ ಲಾಭ.ಹಿರಿಯರ ಯೋಗಕ್ಷೇಮ ವಿಚಾರಿಸಿ.

ಕನ್ಯಾ: ಅನಿರೀಕ್ಷಿತ ಧನಲಾಭ ಯೋಗವಿದೆ. ಸಮಾಜದಲ್ಲಿ ಗೌರವದ ಸ್ಥಾನ ಪ್ರಾಪ್ತಿ. ಗುರು ಹಿರಿಯರ ಸೂಕ್ತ ಮಾರ್ಗದರ್ಶನದ ಲಾಭ. ಉದ್ಯೋಗಸ್ಥರಿಗೆ ಮೇಲಧಿಕಾರಿಗಳ ಪ್ರೋತ್ಸಾಹ, ಸಹೋದ್ಯೋಗಿಗಳ ಸಹಾಯ.

ತುಲಾ: ಹಳೆಯ ಬಂಧುಗಳ ಆಗಮನ. ಉದ್ಯೋಗ ಕ್ಷೇತ್ರದಲ್ಲಿ ಹೆಚ್ಚುವರಿ ಜವಾಬ್ದಾರಿ. ವ್ಯವಹಾರಸ್ಥರಿಗೆ ಶುಭ ಸನ್ನಿವೇಶ.ಕೃಷಿ ಉತ್ಪನ್ನ ಮಾರಾಟ ಗಾರರಿಗೆ ಜಾಣತನದ ನಡೆಯಿಂದ ಲಾಭ. ಪಾಲುದಾರಿಕೆ ವ್ಯವಹಾರದಲ್ಲಿ ಪಾರದರ್ಶಕತೆ ಇರಲಿ.

ವೃಶ್ಚಿಕ: ದಿನವಿಡೀ ಆನಂದದ ಅನುಭವ. ಅಪೇಕ್ಷಿತ ಕಾರ್ಯಗಳು ನಿಮ್ಮ ನಿರೀಕ್ಷೆಯ ಪ್ರಕಾರ ನೆರವೇರುವ ಸಾಧ್ಯತೆ. ಆಸ್ತಿ ಖರೀದಿ, ಮಾರಾಟ ಮಾತುಕತೆಯಲ್ಲಿ ಪ್ರಗತಿ. ಹಣಕಾಸು ಲೇವಾದೇವಿ ವ್ಯವಹಾರಸ್ಥರಿಗೆ ಸ್ವಲ್ಪಮಟ್ಟಿನ ಲಾಭ.

ಧನು: ಹೊಂದಾಣಿಕೆ ಮನೋಭಾವ, ಕಾರ್ಯನಿಷ್ಠೆ ಇವೆರಡೂ ನಿಮಗೆ ಯಶಸ್ಸನ್ನು ತಂದುಕೊಡುತ್ತವೆ. ಸಹೋದ್ಯೋಗಿಗಳ ಅಸೂಯೆಗೆ ಗುರಿಯಾಗದಂತೆ ಎಚ್ಚರ ವಹಿಸಿ. ಕಾರ್ಯದಕ್ಷತೆಗೆ ಮೇಲ ಧಿಕಾರಿಗಳಿಂದ ಪ್ರಶಂಸೆ. ದೇವತಾರ್ಚನೆಯಲ್ಲಿ ಆಸಕ್ತಿ.

ಮಕರ: ಆರೋಗ್ಯ ಉತ್ತಮ. ತಾಪತ್ರಯಗಳ ಕುರಿತು ಚಿಂತಿಸಲು ಸಮಯವಿಲ್ಲದಷ್ಟು ಕೆಲಸಗಳ ಒತ್ತಡ. ಮನೆಮಂದಿಯ ಸಹಕಾರ, ಪ್ರೋತ್ಸಾಹ ಉತ್ತಮ. ಮಕ್ಕಳ ಭವಿಷ್ಯ ಚಿಂತನೆ, ಸಮಾಧಾನ ಗೋಚರ. ಪಾಲುದಾರಿಕೆ ವ್ಯವಹಾರಸ್ಥರಿಗೆ ಕೊಂಚ ಹಿನ್ನಡೆ.

ಕುಂಭ: ಸಾಮಾಜಿಕ ಚಟುವಟಿಕೆಗಳನ್ನು ನೀವಾಗಿ ಹೆಚ್ಚಿಸಿಕೊಳ್ಳುವಿರಿ. ಸಮಾಜದಲ್ಲಿ ಗೌರವದ ಸ್ಥಾನ ಲಭ್ಯ. ಉದ್ಯೋಗ ರಂಗ ದಲ್ಲಿ ಹೆಚ್ಚು ಯಶಸ್ಸಿಗೆ ಪಾತ್ರರಾಗುವಿರಿ. ದಿನವಿಡೀ ಚಟುವಟಿಕೆ. ಹತ್ತಿರದ ವಿಹಾರ ಸ್ಥಾನಕ್ಕೆ ಭೇಟಿ ಸಾಧ್ಯತೆ.

ಮೀನ: ಮೀನು ನೀರಿನಲ್ಲಿ ಓಡಾಡಿದಷ್ಟು ಚುರುಕಿನಿಂದ ಚಟುವಟಿಕೆ ಗಳನ್ನು ನಿರ್ವಹಿಸುವಿರಿ. ನಿಮ್ಮ ಕಾರ್ಯತತ್ಪರತೆಗೆ ಸವಾಲು ಹಾಕುವ ಸನ್ನಿವೇಶ ಎದುರಾಗಲಿದೆ. ದೇವತಾ ಪ್ರಾರ್ಥನೆಯಿಂದ ಯಶಸ್ಸು ಲಭ್ಯ. ಹಿರಿಯರ ಆರೋಗ್ಯದ ಕಡೆ ಗಮನವಿರಲಿ. ಸಂಗಾತಿಯಿಂದ ಉತ್ತಮ ಸಹಕಾರ. ಶುಭ ಫಲಗಳ ದಿನ.