Daily Horoscope: ಭಗವಂತನ ಅನುಗ್ರಹದಿಂದ ಆಪತ್ತುಗಳು ದೂರ, ಆರೋಗ್ಯ ಉತ್ತಮ

Team Udayavani, Jan 25, 2024, 7:36 AM IST

ಮೇಷ: ಗಾಢವಾದ ಪ್ರಾರ್ಥನೆಯಿಂದ ಇಷ್ಟಾರ್ಥ ಸಿದ್ಧಿ. ಸಪ್ತಾಹದ ನಡುವಿನಲ್ಲಿ ಉದ್ಯೋಗ ಸ್ಥಾನದಲ್ಲಿ ದೊಡ್ಡವರಿಂದ ಪ್ರಶಂಸೆ. ಉದ್ಯಮದ ನೌಕರರಲ್ಲಿ ಉತ್ಸಾಹ ತುಂಬುವ ಮಾತುಗಳು. ಕೃಷಿ ಕ್ಷೇತ್ರಕ್ಕೆ ಭೇಟಿಯಿಂದ ತೃಪ್ತಿ.

ವೃಷಭ: ಉದ್ಯೋಗದ ಹೊಣೆಗಾರಿಕೆ ನಿರ್ವಹಣೆಯಲ್ಲಿ ಯಶಸ್ವಿ. ಉದ್ಯಮದ ಉತ್ಪನ್ನಗಳ ಗುಣಮಟ್ಟ ಉಳಿಸಿಕೊಳ್ಳುವಿರಿ. ಬಂಧುವರ್ಗ ದಲ್ಲಿ ಶುಭಕಾರ್ಯ. ಆಪ್ತಮಿತ್ರನ ಹಠಾತ್‌ ಭೇಟಿ. ಇಷ್ಟದೇವರ ಆಲಯ ಸಂದರ್ಶನ.

ಮಿಥುನ: ಭಗವಂತನ ಅನುಗ್ರಹದಿಂದ ಆಪತ್ತುಗಳು ದೂರ. ಉದ್ಯೋಗ ಸ್ಥಾನದಲ್ಲಿ ಪ್ರತಿಭೆ, ಅನುಭವಗಳಿಗೆ ಮನ್ನಣೆ. ಉದ್ಯಮದ ನೌಕರರ ಮೇಲೆ ವಾತ್ಸಲ್ಯ ಪ್ರಕಟನೆ. ಬಾಲ್ಯದ ಒಡನಾಡಿಯ ಅನಿರೀಕ್ಷಿತ ದರ್ಶನ. ಆರೋಗ್ಯ ಉತ್ತಮ.

ಕರ್ಕಾಟಕ: ಶಿಸ್ತುಬದ್ಧವಾದ ಕಾರ್ಯಪದ್ಧತಿ ಯಿಂದ ಶೀಘ್ರ ಯಶಸ್ಸು. ಉದ್ಯೋಗ ಸ್ಥಾನದಲ್ಲಿ ರೋಲ್‌ ಮಾಡೆಲ್‌ ಆಗುತ್ತಿದ್ದೀರಿ. ವಸ್ತ್ರ ಆಭರಣ, ಪಾದರಕ್ಷೆ, ಶೋಕಿ ಸಾಮಗ್ರಿ ವ್ಯಾಪಾರಿಗಳಿಗೆ ನಿರೀಕ್ಷೆ ಮೀರಿ ಲಾಭ. ಎಲ್ಲರ ಆರೋಗ್ಯ ಉತ್ತಮ.

ಸಿಂಹ: ದೀರ್ಘಾವಧಿ ಕಾರ್ಯವನ್ನು ಶೀಘ್ರ ಮುಗಿಸಿದ ಸಮಾಧಾನ. ಉದ್ಯೋಗ ಸ್ಥಾನ ದಲ್ಲಿ ಗೌರವ ವೃದ್ಧಿ. ಉದ್ಯೋಗಾಸಕ್ತ ಹುಡುಗರಿಗೆ ಸಮಯೋಚಿತ ಮಾರ್ಗದರ್ಶನ. ಐಟಿ ಉದ್ಯೋಗಿಗಳಿಗೆ ಮಾನಸಿಕ ಒತ್ತಡ ನಿವಾರಣೆಗೆ ಆಪ್ತ ಸಲಹೆ.

ಕನ್ಯಾ: ಹಿತಶತ್ರುಗಳ ಹೂಟವನ್ನು ವಿಫ‌ಲಗೊಳಿಸುವ ಪ್ರಯತ್ನ ಯಶಸ್ವಿ. ಉದ್ಯೋಗ ಸ್ಥಾನದಲ್ಲಿ ಸ್ಥಿರ ವಾತಾವರಣ. ಮೇಲಧಿಕಾರಿಗಳಿಗೆ ಹರ್ಷ. ಉದ್ಯಮದ ಅಭಿವೃದ್ಧಿಗೆ ಸಾಮೂಹಿಕ ಪ್ರಯತ್ನ. ಕುಟುಂಬದ ಹಿರಿಯರ ಭೇಟಿ.

ತುಲಾ: ಚಿತ್ತ ಸ್ಥೆ„ರ್ಯದಿಂದ ಕಾರ್ಯದಲ್ಲಿ ಜಯ. ಕುಲಗುರುಗಳ ದರ್ಶನ. ಉದ್ಯೋಗಸ್ಥಾನದಲ್ಲಿ ಸಹೋದ್ಯೋಗಿಗಳಿಗೆ ಸಹಾಯ. ಸೋದರ ಸಂಬಂಧಿಯ ವಿವಾಹ ಸಮಾರಂಭ. ಮಕ್ಕಳ ಪ್ರತಿಭಾ ಪ್ರದರ್ಶನದಿಂದ ಪೋಷಕರಿಗೆ ಹರ್ಷ.

ವೃಶ್ಚಿಕ: ಎಲ್ಲ ಕಾರ್ಯಕ್ಷೇತ್ರಗಳಲ್ಲೂ ಸಮಾನ ಸಮಾಧಾನದ ದಿನ. ಉದ್ಯಮ ನೌಕರರಿಂದ ಗೌರವಾರ್ಪಣೆ. ಲೇವಾದೇವಿ ವ್ಯವಹಾರದಲ್ಲಿ ಮಧ್ಯಮ ಲಾಭ. ಸಟ್ಟಾ ವ್ಯವಹಾರ ಬೇಡ. ಯಂತ್ರೋಪಕರಣ ವ್ಯಾಪಾರಿಗಳಿಗೆ ಆದಾಯ ವೃದ್ಧಿ.

ಧನು: ಸಾಹಿತ್ಯ ಸಂಗೀತಾದಿ ಕಲಾಸಂಬಂಧಿ ಚಟುವಟಿಕೆಗಳು ಪುನರಾರಂಭ. ದೀರ್ಘ‌ಕಾಲ ತಪ್ಪಿಹೋಗಿದ್ದ ಗೆಳೆಯರ ಸಂಪರ್ಕ ಮತ್ತೆ ಆರಂಭ. ಉದ್ಯಮದ ನೌಕರ ವೃಂದಕ್ಕೆ ಹರ್ಷ. ಕೃಷಿ ಚಟುವಟಿಕೆಗಳ ವಿಸ್ತರಣೆ ಆರಂಭ.

ಮಕರ: ಅಸಂಸ್ಕೃತರ ಪ್ರವೇಶದಿಂದ ಕೆಲಸ ನಿರ್ವಿಘ್ನವಾಗಿ ಸಾಗಲು ತೊಂದರೆ. ಅಸ್ವಸ್ಥ ಸಹೋದ್ಯೋಗಿಗೋಸ್ಕರ ವೈದ್ಯರ ಭೇಟಿ. ಸ್ವಂತ ವೃತ್ತಿ ಆರಂಭಿಸಲು ಆಪ್ತರ ಮಾರ್ಗದರ್ಶನ. ಬಂಗಾರ ಖರೀದಿಗೆ ಧನವ್ಯಯ. ಆಪ್ತರ ಮನೆಯಲ್ಲಿ ಧಾರ್ಮಿಕ ಕಾರ್ಯಕ್ರಮ.

ಕುಂಭ: ಉದ್ಯೋಗ ಸ್ಥಾನದಲ್ಲಿ ಸೂಕ್ತ ಮಾರ್ಗ ದರ್ಶನದ ಜವಾಬ್ದಾರಿ. ಉದ್ಯಮ ಸ್ಥಾನದ ಅಭಿವೃದ್ಧಿ ಕಾರ್ಯಗಳ ನೇತೃತ್ವ. ಉತ್ಪನ್ನಗಳಿಗಾಗಿ ಬಂದ ಬೇಡಿಕೆಗಳ ಕಡೆಗೆ ಗಮನಹರಿಸುವ ಅನಿವಾರ್ಯತೆ. ಸಮಾಜ ಸೇವಾ ಕಾರ್ಯಗಳತ್ತ ಗಮನ.

ಮೀನ: ಸಂಸಾರ, ಉದ್ಯೋಗ, ವ್ಯವಹಾರಗಳ ಯಶಸ್ವೀ ನಿರ್ವಹಣೆ ಮಾಡಿದ ತೃಪ್ತಿ. ಉದ್ಯೋಗ ಸ್ಥಾನದಲ್ಲಿ ವೃತ್ತಿಬಾಂಧವರ ಸಂಪೂರ್ಣ ಸಹಕಾರ.ಸರಕಾರಿ ಇಲಾಖೆಯ ಅಧಿಕಾರಿಗಳಿಂದ ಸಕಾರಾತ್ಮಕ ಸ್ಪಂದನ. ಗುರುಹಿರಿಯರ ಭೇಟಿಗಾಗಿ ಸಣ್ಣ ಪ್ರಯಾಣ ಸಂಭವ. ಕೃಷಿಯೊಂದಿಗೆ ಸಣ್ಣ ಪ್ರಮಾಣದಲ್ಲಿ ಪಶುಪಾಲನೆ, ಜೇನು ವ್ಯವಸಾಯ ಆರಂಭ.