Daily Horoscope: ಭವಿಷ್ಯದ ಭದ್ರತೆಯ ಕುರಿತು ದೀರ್ಘ‌ಕಾಲೀನ ಯೋಜನೆ

Team Udayavani, Nov 5, 2023, 7:36 AM IST

ಮೇಷ: ವಿರಾಮದ ದಿನವಾದರೂ ಉದ್ಯೋಗ, ವ್ಯವಹಾರಗಳ ಚಿಂತೆ. ನಾಳೆಯ ಕೆಲಸಕ್ಕೆ ಇಂದಿನಿಂದಲೇ ತಯಾರಿ. ಮನೆಗೆ ನೆಂಟರ ಆಗಮನ, ಅದರೊಂದಿಗೆ ಹಳೆಯ ಗೆಳೆಯರ ಭೇಟಿ. ಮಕ್ಕಳ ಭವಿಷ್ಯದ ಕುರಿತು ವಿಚಾರ ವಿನಿಮಯ. ಗೃಹಿಣಿ, ಮಕ್ಕಳಿಗೆ ಸಂತೋಷ.

ವೃಷಭ: ಕೈಗೊಂಡಿರುವ ಉದ್ಯೋಗ, ಉದ್ಯಮ ಗಳ ಚಿಂತೆ. ಸಹೋದ್ಯೋಗಿಗಳೊಂದಿಗೆ ಭೇಟಿ. ವ್ಯವಹಾರದಲ್ಲಿ ಹೊಸ ಪಾಲುದಾರರನ್ನು ಸೇರಿಸಿಕೊಳ್ಳುವ ಕುರಿತು ವಿಚಾರ ವಿನಿಮಯ. ಕೃಷಿ ಕ್ಷೇತ್ರಕ್ಕೆ ಮನೆಯವರೊಂದಿಗೆ ಭೇಟಿ. ಗ್ರಾಮೋದ್ಯೋಗದ ಉತ್ಪನ್ನಗಳಿಗೆ ಹೇರಳ ಗ್ರಾಹಕರು.

ಮಿಥುನ: ದೈವವಿಶ್ವಾಸಿಗಳಾದ ನಿಮ್ಮನ್ನು ನಿರಾಶೆ ಎಂದೂ ಕಾಡದು. ಅಪರೂಪದ ಬಂಧುಗಳ ಆಗಮನ. ಭವಿಷ್ಯದ ಭದ್ರತೆಯ ಕುರಿತು ದೀರ್ಘ‌ಕಾಲೀನ ಯೋಜನೆ. ಉದ್ಯೋಗ ಅರಸುತ್ತಿರುವವರಿಗೆ ಅವಕಾಶಗಳು ಲಭ್ಯ. ಸರಕಾರಿ ನೌಕರರಿಗೆ ಆರಾಮದ ದಿನ.

ಕರ್ಕಾಟಕ: ಕಳೆದ ಆರು ದಿನಗಳ ನೆನಪುಗಳನ್ನು ಮೆಲುಕು ಹಾಕುತ್ತಲೇ ನಾಳೆಯ ಕೆಲಸಗಳ ಸಿದ್ಧತೆ. ಬಂಧುವರ್ಗದಿಂದ ಶುಭಸಮಾಚಾರ. ಹಳೆಯ ಗೆಳೆಯರ ಆಗಮನದಿಂದ ಮನೆಯಲ್ಲಿ ಹರ್ಷದ ವಾತಾವರಣ. ವಿಶೇಷ ಔತಣದೊಂದಿಗೆ ಮನಸ್ಸಿಗೂ ಹರ್ಷ.

ಸಿಂಹ: ಉದ್ಯೋಗ, ವ್ಯವಹಾರಗಳಲ್ಲಿ ಯಶಸ್ವಿ ಯಾದ ಸಂತೃಪ್ತಿಯೊಂದಿಗೆ ದಿನಾರಂಭ.ಬಂಧುಗಳ ಮನೆಗೆ ಭೇಟಿ. ವ್ಯವಹಾರದ ಕ್ಷೇತ್ರ ವಿಸ್ತರಿಸುವ ಕುರಿತು ಹಿರಿಯ ಉದ್ಯೋಗಿಗಳೊಂದಿಗೆ ಸಮಾಲೋಚನೆ. ದೇವತಾ ಕ್ಷೇತ್ರಕ್ಕೆ ಹಾಗೂ ಪ್ರಾಕೃತಿಕ ತಾಣಕ್ಕೆ ಸಂದರ್ಶನ.

ಕನ್ಯಾ: ಭಗವಂತನಲ್ಲಿ ಶ್ರದ್ಧಾಭಕ್ತಿಗಳು ಅಚಲವಾಗಿರಲಿ. ಶುಭಚಿಂತನೆಯೊಂದಿಗೆ ದಿನಾರಂಭವಾಗಲಿ. ಬಂಧುಗಳಿಂದ ಯೋಗಕ್ಷೇಮ ವಿಚಾರಣೆ. ಆಪ್ತವರ್ಗದವರ ಮನೆಯಲ್ಲಿ ಧಾರ್ಮಿಕ ಕಾರ್ಯಕ್ರಮ. ಗುರುಗಳ ಅಥವಾ ಗುರುಸ್ಥಾನದಲ್ಲಿರುವ ವ್ಯಕ್ತಿಯ ಭೇಟಿಯಿಂದ ಶಕ್ತಿಯ ಮರಳಿಕೆ.

ತುಲಾ: ಎಲ್ಲ ಗೊಂದಲಗಳನ್ನೂ ಬದಿಗೊತ್ತಿ ಕುಟುಂಬ ದೊಂದಿಗೆ ಹಾಯಾಗಿರುವ ಪ್ರಯತ್ನ. ಸತತ ಉತ್ಸಾಹಿ ವ್ಯಕ್ತಿಯ ಆಗಮನದಿಂದ ಮನೆಮಂದಿಗೆಲ್ಲ ಹರ್ಷ. ವಧೂ- ವರ ಅನ್ವೇಷಣೆಯಲ್ಲಿ ಪ್ರಗತಿ. ವಸ್ತ್ರ, ಸಿದ್ಧ ಉಡುಪು, ಪಾದರಕ್ಷೆ, ಶೋಕಿ ವಸ್ತುಗಳ ಮಾರಾಟಗಾರರಿಗೆ ನಿರೀಕ್ಷೆ ಮೀರಿದ ಲಾಭ.

ವೃಶ್ಚಿಕ: ಕಳೆದ ಆರುದಿನಗಳ ಸಿಹಿ- ಕಹಿಗಳನ್ನು ಲೆಕ್ಕ ಹಾಕಿದಾಗ ಸಿಹಿಯೇ ಅಧಿಕವೆಂದು ಸಮಾಧಾನ. ಕುಟುಂಬದ ಹಿರಿಯರನ್ನು ಗೌರವಿಸುವ ಅವಕಾಶ ಪ್ರಾಪ್ತಿ. ದೂರದಲ್ಲಿರುವ ಮನೆಮಗ ಅಥವಾ ಮಗಳಿಂದ ಸಂತೋಷ ವಾರ್ತೆ. ಆರೋಗ್ಯ ಸ್ಥಿರ.

ಧನು: ವಿರಾಮದ ದಿನವಾದರೂ ದಿನದ ಮುಕ್ಕಾಲು ಭಾಗ ನಾಳೆಯ ವ್ಯವಹಾರಕ್ಕೆ ಸಿದ್ಧತೆ. ಉಳಿದ ಸಮಯದಲ್ಲಿ ಅಧ್ಯಾತ್ಮ ಚಿಂತನೆ, ಧ್ಯಾನ, ಸತ್ಸಂಗ, ಸೇವಾ ಚಟುವಟಿಕೆಗಳು. ಸಾಮಾಜಿಕ ನಾಯಕರ ಒಡನಾಟದಲ್ಲಿ ಹೊಸ ಸೇವಾ ಕ್ಷೇತ್ರಕ್ಕೆ ಭೇಟಿ.

ಮಕರ: ಕೆಲವು ತಿಂಗಳುಗಳಿಂದ ಕಾಡುತ್ತಿದ್ದ ಸಮಸ್ಯೆ ಸುಲಭವಾಗಿ ಪರಿಹಾರಗೊಂಡು ಮನಸ್ಸು ನಿರಾಳ. ಮಾತೃಸ್ಥಾನದಲ್ಲಿರುವ ಮಹಿಳೆಯಿಂದ ಅಯಾಚಿತವಾಗಿ ಸಕಾಲಿಕ ಸಹಾಯ. ಮನೆಯಲ್ಲಿ ಎಲ್ಲರ ಆರೋಗ್ಯ ಉತ್ತಮ.

ಕುಂಭ: ಅತಿಯಾದ ಚಟುವಟಿಕೆಗಳಿಂದ ಆಯಾಸಗೊಂಡಿರುವ ದೇಹಕ್ಕೆ ವಿಶ್ರಾಂತಿ ನೀಡ ಲು ನಿರ್ಧರಿಸುತ್ತಿದ್ದಂತೆಯೇ ಪರೋಪಕಾರಕ್ಕೆ ಆಹ್ವಾನ. ನಾಳೆಯ ಉದ್ಯೋಗ, ವ್ಯವಹಾರ ಸಂಬಂಧಿ ಕಾರ್ಯಗಳಿಗೆ ಸಿದ್ಧತೆ. ಮನೆಯ ಬಂಧುಗಳ ಆಗಮನದಿಂದ ಸಂಭ್ರಮ.

ಮೀನ: ಆನಂದ, ಸಮಾಧಾನಗಳಲ್ಲಿ ದಿನಾರಂಭ. ಮನೆಮಂದಿಯ ಜತೆಯಲ್ಲಿ ಗುರುಸ್ಥಾನ, ದೇವಾಲಯಗಳಿಗೆ ಭೇಟಿ. ವ್ಯವಹಾರ ಸಂಬಂಧಿ ಪರಿಚಿತರ ಅಕಸ್ಮಾತ್‌ ಭೇಟಿಯಲ್ಲಿ ಮುಂದಿನ ಕಾರ್ಯದ ಕುರಿತು ವಿಚಾರ ವಿನಿಮಯ. ಕೃಷಿಭೂಮಿ ಖರೀದಿ ಸಂಬಂಧ ಮಹತ್ವದ ಮಾಹಿತಿ ಲಭಿಸಿ ಕಾರ್ಯ ಮುಂದುವರಿಸಲು ನಿರ್ಧಾರ. ಸಂಗಾತಿ ಮತ್ತು ಮಕ್ಕಳ ಬೆಂಬಲ.