Daily Horoscope: ಉದ್ಯೋಗದಲ್ಲಿ ಹಠಾತ್‌ ಹೊಣೆಗಾರಿಕೆ, ಮೇಲಧಿಕಾರಿಗಳ ವಿಶ್ವಾಸ ಗಳಿಕೆ

Team Udayavani, Nov 6, 2023, 7:28 AM IST

ಮೇಷ: ವಿರಾಮದ ಬಳಿಕ ಉತ್ಸಾಹದಲ್ಲಿ ದಿನಾರಂಭ. ಉದ್ಯೋಗ ಸ್ಥಾನದಲ್ಲಿ ಹೊಸ ಜವಾಬ್ದಾರಿಗಳ ನಿರ್ವಹಣೆ. ಕಿರಿಯ ಸಹೋದ್ಯೋಗಿಗಳಿಗೆ ಮಾರ್ಗದರ್ಶನ. ಸ್ವಂತ ಉದ್ಯಮ ದಾಪುಗಾಲಿನಲ್ಲಿ ಪ್ರಗತಿ. ಉದ್ಯಮ ಬೆಳೆಸಲು ಪಾಲುದಾರರ ಆಸಕ್ತಿ. ಮಾರಾಟಗಾರರ ಜಾಲ ವಿಸ್ತರಣೆ.

ವೃಷಭ: ಉದ್ಯೋಗದಲ್ಲಿ ಗೌರವದ ಸ್ಥಾನದಲ್ಲಿ ಕಾರ್ಯನಿರ್ವಹಣೆ. ಸರಕಾರಿ ಉದ್ಯೋಗಿ ಗಳಿಗೆ ಆತಂಕದ ಕ್ಷಣಗಳು. ಒಂದೇ ಉದ್ಯಮದಲ್ಲಿ ಶಕ್ತಿಯನ್ನು ಕೇಂದ್ರೀ ಕರಿಸುವುದರಿಂದ ಪ್ರಗತಿ. ವಸ್ತ್ರ ಹಾಗೂ ಗೃಹಸಾಮಗ್ರಿಗಳಿಗೆ ಸಂಬಂಧಪಟ್ಟ ಉದ್ಯಮಗಳಲ್ಲಿ ವಿಶೇಷ ಯಶಸ್ಸು.

ಮಿಥುನ: ದಿನಾರಂಭದ ಬಳಿಕ ಉತ್ಸಾಹ ವೃದ್ಧಿ. ಪಂಥಾಹ್ವಾನದ ಕಾರ್ಯವನ್ನು ಯಶಸ್ವಿಯಾಗಿ ಮುಗಿಸುವಿರಿ. ಒಂದಕ್ಕಿಂತ ಹೆಚ್ಚು ಕ್ಷೇತ್ರಗಳಿಂದ ಕಾರ್ಯದ ಒತ್ತಡ. ಉದ್ಯೋಗದಲ್ಲಿ ಪ್ರಶಂಸೆಗೆ ಪಾತ್ರರಾಗುವಿರಿ. ಪಾಲುದಾರಿಕೆಯ ಉದ್ಯಮದ ಉತ್ಪನ್ನಗಳಿಗೆ ಬೇಡಿಕೆ ಹೆಚ್ಚಳ.

ಕರ್ಕಾಟಕ: ಬದುಕಿನ ಸವಾಲುಗಳನ್ನು ಸ್ವೀಕರಿಸುವ ಹುಮ್ಮಸ್ಸಿನಲ್ಲಿ ದಿನಾರಂಭ. ಉದ್ಯೋಗದಲ್ಲಿ ಹಠಾತ್‌ ಹೊಣೆಗಾರಿಕೆ. ಮೇಲಧಿಕಾರಿಗಳ ವಿಶ್ವಾಸ ಗಳಿಕೆ. ಸ್ವಂತ ಉದ್ಯಮದಲ್ಲಿ ಪೈಪೋಟಿಗಳನ್ನು ಯೋಜನಾಬದ್ಧವಾಗಿ ಎದುರಿಸಿ. ಉತ್ಪನ್ನಗಳ ಹಾಗೂ ಸೇವೆಗಳ ಉತ್ಕೃಷ್ಟ ಗುಣಮಟ್ಟ ಕಾಪಾಡಿ.

ಸಿಂಹ: ಕಿರಿಯ ಸಹೋದ್ಯೋಗಿಗಳಿಂದ ಮಾರ್ಗ ದರ್ಶನ ಯಾಚನೆ. ಸ್ವಂತ ಉದ್ಯಮಕ್ಕೆ ಎದುರಾದ ನೌಕರರ ಸಮಸ್ಯೆ ಪರಿಹಾರ. ಉತ್ಪನ್ನಗಳ ಮಾರಾಟ ಜಾಲ ವಿಸ್ತರಣೆ. ಸರಕಾರಿ ಇಲಾಖೆಗಳಿಂದ ಉತ್ತಮ ರೀತಿಯಲ್ಲಿ ಸ್ಪಂದನ. ಖಾದಿ, ಸ್ವದೇಶಿ ಉದ್ಯಮ ಕ್ಷೇತ್ರಕ್ಕೆ ಕಾಲಿಡಲು ಚಿಂತನೆ.

ಕನ್ಯಾ: ಮಂದಗತಿಯಲ್ಲಿ ದಿನಾರಂಭವಾದರೂ ಹೊತ್ತೇ ರಿದಂತೆ ಕಾರ್ಯದ ವೇಗ ವರ್ಧನೆ. ಉದ್ಯೋಗದಲ್ಲಿ ಹೆಚ್ಚುವರಿ ಜವಾಬ್ದಾರಿ. ಕಾಲಮಿತಿಯಲ್ಲಿ ಕೆಲಸ ಪೂರ್ಣಗೊಳಿಸಲು ಒತ್ತಾಯ. ಕಾರ್ಯಕ್ಷೇತ್ರಕ್ಕೆ ಗಣ್ಯರ ಭೇಟಿ. ಸ್ವಂತ ಉದ್ಯಮದ ಬೆಳವಣಿಗೆಗೆ ವಿತ್ತಸಂಸ್ಥೆಯಿಂದ ಸಕಾಲಿಕ ನೆರವು ಲಭ್ಯ.

ತುಲಾ: ಅನವಶ್ಯ ಚಿಂತೆಯನ್ನು ಬದಿಗಿಟ್ಟು ದಿನಾರಂಭ. ಉದ್ಯೋಗ ಸ್ಥಾನದಲ್ಲಿ ಕಿರಿಯರಿಗೆ ಮಾರ್ಗದರ್ಶನ. ಅಧ್ಯಾಪಕ ವೃತ್ತಿಯವರಿಗೆ ಸತ್ವಪರೀಕ್ಷೆಯ ಕ್ಷಣಗಳು. ಮಕ್ಕಳಲ್ಲಿ ಕಲಿಕೆಯ ಆಸಕ್ತಿ ಮೂಡಿಸಲು ಹರಸಾಹಸ.ಉದ್ಯಮದಲ್ಲಿ ಪ್ರಗತಿ. ಕುಶಲಕರ್ಮಿಗಳ ಪ್ರತಿಭೆ ವೃದ್ಧಿಗೆ ಸದಾವಕಾಶ.

ವೃಶ್ಚಿಕ: ಶುಭಫ‌ಲಗಳ ದಿನ. ಉದ್ಯೋಗಸ್ಥರಿಗೆ ಮೇಲಧಿ ಕಾರಿಗಳಿಂದ ಪ್ರಶಂಸೆ. ಸರಕಾರಿ ಅಧಿಕಾರಿಗಳಿಗೆ ಗೌರವದ ಸ್ಥಾನ ಲಭ್ಯ. ಜನಸೇವೆಯಿಂದ ಮನ್ನಣೆ.ಪ್ರತಿಷ್ಠೆಯ ಸಾಮಾಜಿಕ ಸಂಸ್ಥೆಗಳಿಗೆ ಸೇರಲು ಆಹ್ವಾನ. ರಾಜಕೀಯದಲ್ಲಿ ಭಾಗವಹಿಸುವ ಆಸಕ್ತಿ. ನೆರೆಮನೆಯ ದೇವತಾ ಕಾರ್ಯದಲ್ಲಿ ಪಾಲುಗೊಳ್ಳುವಿಕೆ.

ಧನು: ಬೆಳಗಿನಿಂದ ಸಂಜೆಯ ತನಕವೂ ತಣಿಯದ ಉತ್ಸಾಹ. ಕಿರಿಯ ಸಹೋದ್ಯೋಗಿಗಳಿಗೆ ಮಾರ್ಗ ದರ್ಶನ ನೀಡಲು ಸಮಯ ಮೀಸಲು. ಸ್ವಂತ ಉದ್ಯಮ ಅಭಿವೃದ್ಧಿಗೆ ಅನಿರೀಕ್ಷಿತ ವ್ಯಕ್ತಿಗಳಿಂದ ನೆರವು. ಗ್ರಾಹಕರ ಬಳಗ ವಿಸ್ತರಣೆ.

ಮಕರ: ಹಲವು ದಿನಗಳ ಆತಂಕ ದೂರ. ಉದ್ಯೋಗ ಸ್ಥಾನದಲ್ಲಿ ನಿಗದಿತ ಕಾರ್ಯ ಮುಗಿಸುವ ತರಾತುರಿ. ಉದ್ಯೋಗ ಅರಸುತ್ತಿರುವವರಿಗೆ ಹೊಸ ಅವಕಾಶಗಳು ಗೋಚರ. ಕಾರ್ಯಬಾಹುಳ್ಯದ ನಡುವೆ ಸಂಸಾರದ ಜವಾಬ್ದಾರಿ ನಿರ್ವಹಣೆಯ ಒತ್ತಡ.

ಕುಂಭ: ಕೆಲಸದ ಬದಲಾವಣೆಯೇ ವಿಶ್ರಾಂತಿ ಎನ್ನುವ ನಿಮಗೆ ಉದ್ಯೋಗ ಸ್ಥಾನದಲ್ಲಿ ಹೆಚ್ಚುವರಿ ಜವಾಬ್ದಾರಿಗಳ ಹೇರಿಕೆ. ಸ್ವಂತ ಉದ್ಯಮ ಸ್ಥಿರವಾಗಿ ಅಭಿವೃದ್ಧಿ. ವೈವಿಧಿÂàಕರಣದ ನೀಲನಕ್ಷೆ ರೂಪಣೆ. ಕಟ್ಟಡ ನಿರ್ಮಾಣ ಕಾರ್ಯದ ವೇಗ ವರ್ಧನೆ.

ಮೀನ: ಹೊಸ ಸಪ್ತಾಹದ ಆರಂಭದÇÉೇ ಹೊಸ ಗಣ್ಯರ ಸಂಪರ್ಕ.ಉದ್ಯೋಗ ಕ್ಷೇತ್ರದಲ್ಲಿ ಹೊಸ ಬಗೆಯ ಜವಾಬ್ದಾರಿಗಳ ನಿರ್ವಹಣೆಯ ಅಪೇಕ್ಷೆ. ಸರಕಾರಿ ಕಾರ್ಯಾಲಯಗಳಲ್ಲಿ ಸಕಾರಾತ್ಮಕ ಸ್ಪಂದನದಿಂದಾಗಿ ಸೇವೆ ಸುಲಭ. ಸಾರ್ವಜನಿಕರ ವಿಶ್ವಾಸ ವೃದ್ಧಿ. ನೂತನ ಆಸ್ತಿ ಖರೀದಿ ಪ್ರಯತ್ನ ಮುನ್ನಡೆ. ನಿರ್ಲಕ್ಷಿಸಿದ್ದ ಪರಂಪರಾಗತ ವೃತ್ತಿಯ ಪುನರಾರಂಭದಿಂದ ಅನುಕೂಲ.