Daily Horoscope: ಹಿತಶತ್ರುಗಳ ಬಾಧೆಯಿಂದ ಪಾರು, ಇಷ್ಟದೇವರಿಂದ ರಕ್ಷಣೆ

Team Udayavani, Oct 18, 2023, 7:57 AM IST

ಮೇಷ: ಶುಭದಿನ. ಉದ್ಯೋಗ ಕ್ಷೇತ್ರ ದಲ್ಲಿ ಲವಲವಿಕೆಯ ವಾತಾವರಣ.ಮೇಲಧಿಕಾರಿ ಗಳಿಂದ ಪ್ರೋತ್ಸಾಹದ ನುಡಿ. ಸ್ವಂತ ಉದ್ಯಮದ ಸರ್ವತೋ ಮುಖ ಅಭಿವೃದ್ಧಿಯ ಲಕ್ಷಣಗಳು ಗೋಚರ. ಮನೆಯಲ್ಲಿ ಪೂಜಾದಿಗಳ ಸಂಭ್ರಮ. ಬಂಧುಮಿತ್ರರ ಆಗಮನ.

ವೃಷಭ: ಮನೆಯಲ್ಲಿ ಸಂಭ್ರಮಾಚರಣೆಯ ನಡುವೆ ಉದ್ಯೋಗ ಕ್ಷೇತ್ರದತ್ತ ಗಮನ. ಸಾಧನೆಗಳ ಬಗ್ಗೆ ಸಹೋದ್ಯೋಗಿಗಳ ಶ್ಲಾಘನೆ. ಪಾಲು ದಾರಿಕೆ ವ್ಯವಹಾರದಲ್ಲಿ ಗಣನೀಯ ಪ್ರಗತಿ, ಲಾಭ ಹೆಚ್ಚಳ. ಕಟ್ಟಡ ನಿರ್ಮಾಪಕರಿಗೆ, ಆದಾಯ ವೃದ್ಧಿ.

ಮಿಥುನ: ಹಿತಶತ್ರುಗಳ ಬಾಧೆಯಿಂದ ಪಾರು. ಇಷ್ಟದೇವರಿಂದ ರಕ್ಷಣೆ. ದೇವತಾರ್ಚನೆಯಲ್ಲಿ ಮನಸ್ಸು ಮಗ್ನ. ಉದ್ಯೋಗ ಕ್ಷೇತ್ರದಲ್ಲಿ ಸಾಧನೆ ನಿರಾತಂಕ. ಹಿರಿಯ ವ್ಯಕ್ತಿಗಳಿಂದ ಪ್ರೋತ್ಸಾಹ. ಸ್ವಂತ ಉದ್ಯಮ ಪ್ರಗತಿಯ ಪಥದಲ್ಲಿ. ನೌಕರ ವರ್ಗದಿಂದ ಉತ್ತಮ ಸಹಕಾರ.

ಕರ್ಕಾಟಕ: ಗಣೇಶ, ದೇವಿಯರ ದಯೆಯಿಂದ ಸಂಕಟಗಳು ದೂರ. ಉದ್ಯೋಗದಲ್ಲಿ ಏಳಿಗೆಯ ಸ್ಥಿತಿ. ಪ್ರತಿಭೆಗೆ ಪ್ರೋತ್ಸಾಹ. ಸ್ವಂತ ಉದ್ಯಮದ ಸಮಸ್ಯೆಗಳ ಪರಿಹಾರ. ಅಲ್ಪಾವಧಿ ಹೂಡಿಕೆಗಳು ಬೇಡ. ದೀರ್ಘಾವಧಿ ಯೋಜನೆಗಳ ಅನ್ವೇಷಣೆ.ಉದ್ಯೋಗಾಸಕ್ತರಿಗೆ ಅವಕಾಶ.

ಸಿಂಹ: ಉದ್ಯೋಗ, ವ್ಯವಹಾರಗಳ ನಡುವೆ ಗೃಹ ಕೃತ್ಯಗಳಿಗೆ ಸಂಬಂಧಪಟ್ಟಂತೆ ಕರ್ತವ್ಯದ ಕರೆ. ಹಿರಿಯ ಬಂಧು ಆಗಮನ.ದೇವಾಲಯ ದರ್ಶನ. ವ್ಯವಹಾರದ ಸಂಬಂಧ ಪೂರ್ವದ ಕಡೆಗೆ ಪ್ರಯಾಣದ ಸಿದ್ಧತೆ.ಸ್ವಂತದ ಉದ್ಯಮದ ವ್ಯವಹಾರ ಕ್ಷೇತ್ರ ವಿಸ್ತರಣೆ.

ಕನ್ಯಾ: ಸಾಂಸಾರಿಕ ಜೀವನ ಒಂದು ನೆಲೆಗೆ ಬರುವ ದಮಯ ಸನ್ನಿಹಿತ. ಸೋದರಿಗೆ ವಿವಾಹ ಯೋಗ.ಉದ್ಯೋಗ ಸ್ಥಾನದಲ್ಲಿ ಪ್ರತಿಭೆಗೆ ಗೌರವ.ವಿದ್ಯುತ್‌, ಎಲೆಕ್ಟ್ರಾನಿಕ್ಸ್‌ ಸಾಮಗ್ರಿಗಳ ವ್ಯಾಪಾರಿಗಳಿಗೆ ನಿರೀಕ್ಷೆ ಮೀರಿದ ಆದಾಯ. ಬ್ಯಾಂಕ್‌ ಹಾಗೂ ವಿತ್ತಸಂಸ್ಥೆ ನೌಕರರಿಗೆ ಅನುಕೂಲದ ದಿನ.

ತುಲಾ: ಮಕ್ಕಳಿಂದ ಸಮಾಧಾನ.ಉದ್ಯೋಗ ಸ್ಥಾನ ದಲ್ಲಿ ಕಿರಿಕಿರಿ. ಅಸೂಯಾಪರರಿಂದ ಕಾಟ. ಹಳೆಯ ಒಡನಾಡಿಯ ಭೇಟಿಯಿಂದ ಜೀವನೋತ್ಸಾಹ ವೃದ್ಧಿ. ಗೃಹೋದ್ಯಮ ಉತ್ಪನ್ನಗಳ ಜನಪ್ರಿಯತೆ ವೃದ್ಧಿ.ಹತ್ತಿರದ ದೇವಮಂದಿರಕ್ಕೆ ಭೇಟಿ.

ವೃಶ್ಚಿಕ: ಶುಭಫ‌ಲಗಳ ದಿನ. ಮನೆಯಲ್ಲಿ ಹಬ್ಬದ ವಾತಾವರಣ. ಬಂಧುಗಳ ಆಗಮನದಿಂದ ಆನಂದ. ಬದುಕಿನಲ್ಲಿ ಆಶಾಭಾವನೆಗೆ ಪುಷ್ಟಿ ನೀಡುವ ಸನ್ನಿವೇಶಗಳ ಸರಣಿ. ಉದ್ಯೋಗದಲ್ಲಿ ಮುನ್ನಡೆ. ಸ್ವಂತ ವ್ಯವಹಾರ ಸುಧಾರಣೆಗೆ ಹಿತೈಷಿಗಳಿಂದ ಸಹಾಯ.

ಧನು: ವ್ಯಾಪಾರದಲ್ಲಿ ಅಭಿವೃದ್ಧಿ. ಕೃಷಿ ಉದ್ದೇಶಕ್ಕಾಗಿ ಭೂಮಿಯನ್ನು ಅರಸುತ್ತಿದ್ದವರಿಗೆ ಭೂಮಿ ಲಭ್ಯ. ಹೊಸ ಕೈಗಾರಿಕೆ ಆರಂಭಿಸುವ ಯೋಜನೆ ಅನುಷ್ಠಾನ ವಿಳಂಬ. ಕೃಷ್ಯುತ್ಪನ್ನ ಮಾರಾಟದಿಂದ ಮಧ್ಯಮ ಲಾಭ.ಹೊಸ ಉದ್ಯೋಗ ಅರಸುವವರಿಗೆ ಅವಕಾಶ ಲಭ್ಯ.

ಮಕರ: ಮಕ್ಕಳ ಆರೋಗ್ಯದ ಚಿಂತೆಗೆ ಸಮಾಧಾನ. ಉದ್ಯೋಗ ಸ್ಥಾನದಲ್ಲಿ ಎಂದಿನಂತೆ ಕೆಲಸದ ಒತ್ತಡ. ಸ್ವಂತದ ಉದ್ಯಮಗಳ ಗುಣಮಟ್ಟ ಸುಧಾರಣೆ. ಸಮಾಜದಲ್ಲಿ ಗೌರವದ ಸ್ಥಾನ ಪ್ರಾಪ್ತಿ. ತಾಯಿಯ ಕಡೆಯ ಬಂಧುಗಳ ಭೇಟಿಯ ಸಾಧ್ಯತೆ.

ಕುಂಭ: ಗಳಿಕೆಯ ಹಣ ಸದ್ವಿನಿಯೋಗದ ಸಮಾಧಾನ. ಸಮಾಜ ಕಾರ್ಯದಲ್ಲಿ ತೊಡ ಗಲು ಪ್ರೇರಣೆ. ನೂತನ ವಾಹನ ಖರೀದಿ ಸಂಭವ. ಅಕಸ್ಮಾತ್‌ ಧನಾಗಮ ಸಂಭವ.ಕಿರಿಯರಿಗೆ ಬದುಕು ಕಟ್ಟಿ ಕೊಳ್ಳಲು ಮಾರ್ಗದರ್ಶನ ಮಾಡುವ  ಅವಕಾಶ.

ಮೀನ: ಶನಿಮಹಾತ್ಮನ ಪ್ರಭಾವದಿಂದ ಉದ್ಯೋಗ ಬದಲಾವಣೆ ಅಥವಾ ವಿಭಾಗ ಬದಲಾವಣೆ ಸಂಭವ. ಸರಕಾರಿ ಕಾರ್ಯಾಲಯಗಳಲ್ಲಿ ಅಧಿಕಾರಿಗಳು ಮತ್ತು ನೌಕರರದ ಸಕಾರಾತ್ಮಕ ಸ್ಪಂದನೆಯ ಪರಿಣಾಮವಾಗಿ ಕಾರ್ಯ ಸುಗಮ.ಗುರು ಕೃಪೆಯಿಂದ ಸಮಾಜದಲ್ಲಿ ಗೌರವ ವೃದ್ಧಿ. ಪಾಲುದಾರಿಕೆ ವ್ಯವಹಾರದಲ್ಲಿ ಮಧ್ಯಮ ಲಾಭ.ಮನೆಯಲ್ಲಿ ಸೌಹಾರ್ದದ ವಾತಾವರಣ.