Daily Horoscope: ಉದ್ಯೋಗದಲ್ಲಿ ಕೆಲಸದ ಹೊರೆ, ಅಕಸ್ಮಾತ್‌ ಧನಪ್ರಾಪ್ತಿ ಯೋಗ

Team Udayavani, Oct 31, 2023, 7:28 AM IST

ಮೇಷ: ಸ್ವಹಿತದ ಜೊತೆಗೆ ಪರಹಿತದ ಕುರಿತೂ ಚಿಂತಿಸುವುದರಿಂದ ಕ್ಷೇಮ. ಉದ್ಯೋಗದಲ್ಲಿ ಉನ್ನತಿ. ಸ್ವಂತ ಉದ್ಯಮದಲ್ಲಿ ಪೈಪೋಟಿ ಎದುರಿಸಲು ತಂತ್ರಗಾರಿಕೆ. ಗೃಹಿಣಿಯರ ಸ್ವೋದ್ಯೋಗ ಯೋಜನೆಯ ಅಭಿವೃದ್ಧಿಗೆ ಸಹಕಾರ.ಮಕ್ಕಳ ವ್ಯಾಸಂಗಾಸಕ್ತಿ ವೃದ್ಧಿಗೆ ತೀವ್ರ ಪ್ರಯತ್ನ.

ವೃಷಭ: ಉದ್ಯೋಗದಲ್ಲಿ ಸ್ಥಿರವಾಗಲು ಪ್ರಯತ್ನ. ಹಿತಶತ್ರುಗಳಿಂದ ಅಡ್ಡಗಾಲು. ಉದ್ಯಮದಲ್ಲಿ ಪಾಲದಾರರೊಡನೆ ಸಾಮರಸ್ಯದಿಂದ ಅಭಿವೃದ್ಧಿ. ಉತ್ಪನ್ನಗಳ ಗ್ರಾಹಕರ ಜಾಲ ವಿಸ್ತರಣೆ. ದೇವತಾರ್ಚನೆಯಲ್ಲಿ ಆಸಕ್ತಿ. ದೇವಾಲಯ ಸಂದರ್ಶನ ಸಂಭವ.

ಮಿಥುನ: ಹವಾಮಾನ ವೈಪರೀತ್ಯದಿಂದ ವಯೋವೃದ್ಧರ ಮತ್ತು ಮಕ್ಕಳ ಆರೋಗ್ಯ ಕೊಂಚ ಏರುಪೇರು. ಉದ್ಯೋಗದಲ್ಲಿ ಕೆಲಸದ ಹೊರೆ. ಸಾಹಿತ್ಯಾಧ್ಯಯನದಲ್ಲಿ ಆಸಕ್ತಿ. ಬಂಧುಗಳಿಂದ ಯೋಗ ಕ್ಷೇಮ ವಿಚಾರಣೆ. ಮಕ್ಕಳ ಕ್ಷೇಮಚಿಂತನೆ.

ಕರ್ಕಾಟಕ: ಅತ್ಯಂತ ಎಚ್ಚರಿಕೆಯಿಂದ ಹೆಜ್ಜೆ ಯಿಡುವ ನೀವು ಎಡವುವ ಬಗೆಗೆ ಭಯಪಡ ಬೇಕಾಗಿಲ್ಲ. ಉದ್ಯೋಗ ಸ್ಥಾನದಲ್ಲಿ ಸರಿಯಾದ ನಡೆಯಿಂದ ಎಲ್ಲರಿಗೂ ಪ್ರಿಯರಾಗುವಿರಿ. ಸ್ವಂತ ಉದ್ಯಮದ ಪಾಲುದಾರಿಕೆ ವ್ಯವಹಾರದಲ್ಲಿ ಪಾರದರ್ಶಕತೆಯಿಂದ ಯಶಸ್ಸು.

ಸಿಂಹ: ಪ್ರಗತಿಯ ಪಥದಲ್ಲಿ ಮುನ್ನಡೆಗೆ ಚ್ಯುತಿಯಿಲ್ಲ. ಉದ್ಯಮ ಕ್ಷೇತ್ರದ ಪೈಪೋಟಿಯಲ್ಲಿ ಮೇಲುಗೈ.ಉತ್ಪನ್ನಗಳ ಗುಣಮಟ್ಟದ ಕಾರಣದಿಂದ ಜನಪ್ರಿಯತೆಯ ಅಗ್ರಪಂಕ್ತಿಯಲ್ಲಿ ಮೆರೆಯುವುದಕ್ಕೆ ಯಾವುದೇ ತಡೆ ಇರುವುದಿಲ್ಲ.

ಕನ್ಯಾ: ಉದ್ಯೋಗದಲ್ಲಿ ಸ್ಥಿರವಾಗುವ ಪ್ರಯತ್ನ ದಲ್ಲಿ ಯಶಸ್ವಿ. ಮೇಲಧಿಕಾರಿಗಳಿಗೆ ಹರ್ಷ. ಸ್ವಂತ ಉದ್ಯಮದಲ್ಲಿ ಪೈಪೋಟಿ ಎದುರಿಸಿ ಸಕಾಲಿಕ ಕ್ರಮ. ನೌಕರರ ವಿಶ್ವಾಸ ಗಳಿಸುವ ಪ್ರಯತ್ನದಲ್ಲಿ ಯಶಸ್ವಿ.ದೇವತಾರ್ಚನೆಯಿಂದ ಕ್ಷಿಪ್ರ ಅನುಗ್ರಹ ಪ್ರಾಪ್ತಿ.

ತುಲಾ: ಅಂತರಂಗದ ಮಾರ್ಗದರ್ಶನದಂತೆ ನಡೆದುಕೊಂಡರೆ ಭೀತಿಪಡುವ ಆವಶ್ಯಕತೆ ಇರುವುದಿಲ್ಲ. ಕುಟುಂಬದ ಹಿರಿಯರ ಪ್ರಾರ್ಥನೆ, ಗುರುವಿನ ಆಶೀರ್ವಾದದಿಂದ ಸಂಕಷ್ಟಗಳು ದೂರ.ಉದ್ಯೋಗ ದಲ್ಲಿ ಭದ್ರತೆ.ಸ್ವಂತದ ಸಣ್ಣ ಉದ್ಯಮ ಯಶಸ್ಸು.

ವೃಶ್ಚಿಕ: ಅಕಸ್ಮಾತ್‌ ಧನಪ್ರಾಪ್ತಿ ಯೋಗ. ಹಿರಿಯರ ದೈಹಿಕ ಆರೋಗ್ಯ ನಿರೀಕ್ಷೆ ಮೀರಿ ಸುಧಾರಣೆ. ಉದ್ಯೋಗ ಸ್ಥಾನದಲ್ಲಿ ದೀರ್ಘ‌ಕಾಲದಿಂದ ಕಾಡುತ್ತಿದ್ದ ಸಮಸ್ಯೆ ಆಶ್ಚರ್ಯಕರ ರೀತಿಯಲ್ಲಿ ನಿವಾರಣೆ. ಸ್ವಂತ ಉದ್ಯಮದಲ್ಲಿದ್ದ ತಾಂತ್ರಿಕ ಸಮಸ್ಯೆ ಪರಿಹಾರ.

ಧನು: ಸಂಸಾರದ ಚಿಂತೆಯ ನಡುವೆ ಆದಾಯದ ಮೂಲಗಳನ್ನು ಹೆಚ್ಚಿಸುವ ಪ್ರಯತ್ನ. ಉದ್ಯೋಗ ಸ್ಥಾನದಲ್ಲಿ ಕಾರ್ಯಕ್ಷಮತೆಗೆ ಎಲ್ಲರ ಮೆಚ್ಚುಗೆ. ಸ್ವಂತ ಉದ್ಯಮದ ಉತ್ಪನ್ನಗಳ ಜನಪ್ರಿಯತೆ ವೃದ್ಧಿ. ಹತ್ತಿರದ ಬಂಧುವರ್ಗದಲ್ಲಿ ವಿವಾಹ ಮಾತುಕತೆ.

ಮಕರ: ಉದ್ಯೋಗ ಸ್ಥಾನದಲ್ಲಿ ಹೊಸ ಬಗೆಯ ಕಾರ್ಯಗಳ ಸೇರ್ಪಡೆ. ಕಾರ್ಯದ ಒತ್ತಡ ಏರಿಕೆ. ಕಾರ್ಯಕ್ಷಮತೆಗೆ ಮೇಲಧಿಕಾರಿಗಳ ಶ್ಲಾಘನೆ. ಹೊಸ ಉದ್ಯೋಗ ಅನ್ವೇಷಣೆ ಪ್ರಯತ್ನ ಮುಂದುವರಿಕೆ. ಮಕ್ಕಳ ಆರೋಗ್ಯ ಮತ್ತು ಭವಿಷ್ಯದ ಚಿಂತೆ.

ಕುಂಭ: ಉದ್ಯೋಗದಲ್ಲಿ ಉನ್ನತಿ. ಸರಕಾರಿ ಅಧಿಕಾರಿಗಳಿಗೆ ಅಪೇಕ್ಷಿತ ಸ್ಥಾನಕ್ಕೆ ವರ್ಗಾವಣೆ ಸಂಭವ. ಸ್ವಂತ ಉದ್ಯಮದಲ್ಲಿ ಪೈಪೋಟಿ ನಿವಾರಣೆಗೆ ವಿಫ‌ಲ ಪ್ರಯತ್ನ. ಉತ್ಪನ್ನಗಳ ಗುಣಮಟ್ಟ ಏರಿಸುವ ಪ್ರಯತ್ನ ದಲ್ಲಿ ಯಶಸ್ಸು.ಸಂಸಾರದಲ್ಲಿ ನೆಮ್ಮದಿಯ ವಾತಾವರಣ.

ಮೀನ: ಆಗಾಗ ಗೋಚರವಾಗುವ ತೊಡಕುಗಳ ಕುರಿತು ಚಿಂತೆ ಬೇಡ. ಶ್ರೀ ಗುರುದೇವತಾನುಗ್ರಹಕ್ಕಾಗಿ ನಿರಂತರ ಪ್ರಾರ್ಥನೆ ಇರಲಿ. ಸಮಾಜದಲ್ಲಿ ಹಿರಿಯರಿಂದ ಬಂದ ಗೌರವದ ಸ್ಥಾನಕ್ಕೆ ಚ್ಯುತಿ ಇಲ್ಲ. ನಿಕಟ ಬಂಧುವೊಬ್ಬನ ಅಭಿವೃದ್ಧಿಗೆ ಮಾರ್ಗದರ್ಶನ. ಸಂಗಾತಿ ಮತ್ತು ಮಕ್ಕಳಿಂದ ಸಂಪೂರ್ಣ ಸಹಕಾರ. ಸರಕಾರಿ ಕಚೇರಿಗಳಲ್ಲಿ ಸಂಬಂಧಪಟ್ಟವರಿಂದ ಸಕಾಲಿಕ ಸ್ಪಂದನ ಹಾಗೂ ಸಹಕಾರ.