Daily Horoscope: ಎಲ್ಲವೂ ಸರಿಯಾಯಿತೆಂದು ಅನಿಸುವಾಗ ಹೊಸ ಸಮಸ್ಯೆ ಉದ್ಭವ

Team Udayavani, Oct 8, 2023, 7:33 AM IST

ಮೇಷ: ಯೋಜನೆಗಳ ಅನುಷ್ಠಾನದ್ದೇ ಚಿಂತೆ. ಆಪ್ತ ವಲಯಗಳಿಂದ ಅಪೇಕ್ಷಿತ ನೆರವು ಕೈಸೇರುವುದು. ಕಾರ್ಯಕ್ಷೇತ್ರ ವಿಸ್ತರಣೆ ಸಂಭವ. ಉದ್ಯೋಗದಲ್ಲಿ ಮತ್ತಷ್ಟು ಜವಾಬ್ದಾರಿಗಳ ಹೇರಿಕೆ. ಕಟ್ಟಡ ನಿರ್ಮಾಣ ಕಾರ್ಯದಲ್ಲಿ ತೊಡಗಿರುವವರಿಗೆ ಮಂದಗತಿಯ ಪ್ರಗತಿಯ ಅನುಭವ.

ವೃಷಭ: ದುಡುಕದೆ ತಾಳ್ಮೆಯಿಂದ ಮುಂದುವರಿ ಯಿರಿ. ಉದ್ಯೋಗ ಕ್ಷೇತ್ರದಲ್ಲಿ ಉತ್ತಮ ಸಾಧನೆ. ಸಹೋದ್ಯೋಗಿಗಳಿಂದ ಸಹಕಾರ. ಮೇಲಿನವರಿಂದ ಪ್ರೋತ್ಸಾ ಹದ ಮಾತುಗಳು. ಸ್ವಂತ ಉದ್ಯಮ ಉತ್ಪನ್ನಗಳ ಬೇಡಿಕೆ ವೃದ್ಧಿ. ದೇವ, ಪಿತೃ ಕಾರ್ಯಗಳಲ್ಲಿ ಪಾಲುಗೊಳ್ಳುವಿರಿ.

ಮಿಥುನ: ಎಲ್ಲವೂ ಸರಿಯಾಯಿತೆಂದು ಅನಿಸುವಾಗ ಹೊಸ ಸಮಸ್ಯೆ ಉದ್ಭವ. ಧ್ಯಾನ, ದೇವತಾ ರಾಧನೆ, ಸತ್ಸಂಗಗಳಲ್ಲಿ ಮನಸ್ಸು ತಲ್ಲೀನ. ದೂರದ ನೆಂಟರಿಂದ ಒಳ್ಳೆಯ ಸುದ್ದಿ. ಹತ್ತಿರದ ದೇವತಾ ಸ್ಥಾನಕ್ಕೆ ಭೇಟಿ ಸಂಭವ. ಹಣದ ಬೆಳೆಗಳಿಗೆ ಧಾರಣೆ ಏರಿಕೆ.

ಕರ್ಕಾಟಕ: ಹಿರಿಯರ ಆರೋಗ್ಯ ಸುಧಾರಣೆ. ಗೃಹಿಣಿಯರ ಸ್ವಾವಲಂಬನೆ ಯೋಜನೆಗಳ ಮುನ್ನಡೆ. ಉದ್ಯೋಗ ಸ್ಥಾನದಲ್ಲಿ ಸ್ಥಿರ ವಾತಾವರಣ. ಗೃಹೋದ್ಯಮಗಳಲ್ಲಿ ಹೊಸ ವಸ್ತುಗಳ ಆವಿಷ್ಕಾರ. ಉತ್ಪನ್ನಗಳಿಗೆ ಬೇಡಿಕೆ ವೃದ್ಧಿ. ಮನೆಯಲ್ಲಿ ನೆಮ್ಮದಿ.

ಸಿಂಹ: ಉದ್ಯೋಗ ಸ್ಥಾನದಲ್ಲಿ ಕಾರ್ಯ ನಿರಾತಂಕ. ಹೊಸ ಜವಾಬ್ದಾರಿಗಳ ನಿರೀಕ್ಷೆ. ಸ್ವಂತ ಉದ್ಯಮ ಉತ್ಪನ್ನಗಳ ಗುಣಮಟ್ಟ ಕಾಯ್ದುಕೊಳ್ಳುವ ಪ್ರಯತ್ನ ಅವಶ್ಯ. ಕೆಲವು ದಿನಗಳಿಂದ ಕಾಯುತ್ತಿದ್ದ ಮಹತ್ವದ ಪತ್ರ ಕೈಸೇರಿ ನೆಮ್ಮದಿ. ಉದ್ಯೋಗ ಅರಸುತ್ತಿರುವವರಿಗೆ ಶುಭ ಸುದ್ದಿ.

ಕನ್ಯಾ:ಹವಾಮಾನ ವ್ಯತ್ಯಾಸದಿಂದ ಮನಸ್ಸಿನ ಮೇಲೆ ಕೊಂಚ ಪರಿಣಾಮ. ಉದ್ಯೋಗಸ್ಥರಿಗೆ ಕೆಲಸದ ಒತ್ತಡ. ಕೆಲವು ಕ್ಷೇತ್ರಗಳಲ್ಲಿ ಖಾತೆಗಳ ಮರು ಹಂಚಿಕೆ. ಸರಕಾರಿ ಅಧಿಕಾರಿಗಳಿಗೆ ಪದೋನ್ನತಿ ಹಾಗೂ ವರ್ಗಾವಣೆ ಸಂಭವ. ಮನೆಯಲ್ಲಿ ಕುಟುಂಬದಲ್ಲಿ ಪಿತೃ ಕಾರ್ಯದಿಂದ ಕ್ಷೇಮ.

ತುಲಾ: ಡೋಲಾಯಮಾನ ಮನಸ್ಸನ್ನು ನಿಯಂತ್ರಿಸಿಕೊಳ್ಳಿ. ಸ್ವಂತದ ಆರೋಗ್ಯ ಸ್ವಲ್ಪ ಗಮನಿಸಿ. ಮನೆಯಲ್ಲಿ ಉಳಿದ ಎಲ್ಲರೂ ಕ್ಷೇಮ. ಉದ್ಯೋಗ ಕ್ಷೇತ್ರದಲ್ಲಿ ಉಲ್ಲೇಖಾರ್ಹ ಸಾಧನೆ. ಮೇಲಿನವರ ಮೆಚ್ಚುಗೆ. ಸಾಹಿತ್ಯಾಧ್ಯಯನದಲ್ಲಿ ಆಸಕ್ತಿ. ತೋಟಗಾರಿಕೆಯತ್ತ ಗಮನ ಕೊಡಲು ಅವಕಾಶ. ಮಕ್ಕಳಿಗೆ ನೆಮ್ಮದಿ.

ವೃಶ್ಚಿಕ:ಮನಸ್ಸನ್ನು ಅಂತರ್ಮುಖಗೊಳಿಸಲು ಯತ್ನಿಸಿ. ಭಗವತ್‌ ಚಿಂತನೆಯತ್ತ ಒಲವು. ವ್ಯವಹಾರಸ್ಥರಿಗೆ ವಿರಾಮದ ದಿನವೂ ಕರ್ತವ್ಯದ ಕರೆ. ಸೇವೆಗಳ ಹಾಗೂ ಉತ್ಪನ್ನಗಳ ಗುಣಮಟ್ಟ ವರ್ಧನೆಗೆ ಚಿಂತನೆ. ಸಂಗೀತ ಶ್ರವಣದಿಂದ ಆನಂದ. ಸಂಸಾರದಲ್ಲಿ ಎಲ್ಲರ ಆರೋಗ್ಯ ಉತ್ತಮ.

ಧನು: ಮನೆಯಲ್ಲಿ ಎಲ್ಲರ ದೇಹಾರೋಗ್ಯ ಉತ್ತಮ. ನೂತನ ವಾಹನ ಖರೀದಿಗೆ ಚಿಂತನೆ. ಮನೆಯಲ್ಲಿ ಆನಂದದ ವಾತಾವರಣ ನಿರ್ಮಿಸಲು ಗೃಹಿಣಿ ಯರಿಂದ ಹೊಸ ಪ್ರಯೋಗ. ಅಪರೂಪದ ಅತಿಥಿಯೊಬ್ಬರ ಆಗಮನ. ದಕ್ಷಿಣ ದಿಕ್ಕಿನಿಂದ ಶುಭ ಸಮಾಚಾರ.

ಮಕರ: ವೃತ್ತಿಪರರಿಗೆ ಅವಧಿ ಮುಗಿಯುವ ಮುನ್ನ ಕೆಲಸ ಮುಗಿಸುವ ಆತುರ. ಸಿಹಿ- ಕಹಿಗಳ ನೆನಪುಗಳನ್ನು ಮೆಲುಕು ಹಾಕಲು ಬಿಡುವಿಲ್ಲದಷ್ಟು ಒತ್ತಡ.ಉದ್ಯೋಗ ಬದಲಾವಣೆಗೆ ಚಿಂತನೆ. ಸ್ವಂತ ಉದ್ಯಮ ನಡೆಸುವವರಿಂದ ಹೊಸ ಕ್ಷೇತ್ರಗಳ ಅರಸುವಿಕೆ.

ಕುಂಭ: ದೂರದ ಬಂಧುಗಳ ಆಗಮನ. ಹತ್ತಿರದ ದೇವತಾ ಸಾನ್ನಿಧ್ಯಕ್ಕೆ ಭೇಟಿ. ಧಾರ್ಮಿಕ ಕ್ಷೇತ್ರದಲ್ಲಿ ನಡೆಯುವ ಸೇವಾ ಚಟುವಟಿಕೆಗಳಲ್ಲಿ ಪ್ರಧಾನ ಪಾತ್ರ. ವ್ಯವಹಾರ ಯೋಜನೆಯೊಂದರ ನೀಲನಕ್ಷೆ ತಯಾರಿ. ಸಾಮಾಜಿಕ. ಕಾರ್ಯಕರ್ತರ ಭೇಟಿಯಿಂದ ಹೊಸ ಪ್ರೇರಣೆ.

ಮೀನ: ಮನೆಯಲ್ಲಿ ದೇವ- ಪಿತೃ ಕಾರ್ಯಗಳಿಂದ ಧನ್ಯತೆಯ ಭಾವ. ಗುರು ದರ್ಶನ ಸಂಭವ. ಹಿರಿಯರ ಸಹವಾಸದಿಂದ ಮನಶುದ್ಧಿ. ಸಾಮಾಜಿಕ ರಂಗದಿಂದ ಹೆಚ್ಚಿನ ಸೇವೆಗೆ ಆಹ್ವಾನ. ವಿರಾಮದ ದಿನವೂ ಮುಂದುವರಿದ ವ್ಯವಹಾರ ಚಿಂತನೆ. ಸಣ್ಣ ಪ್ರವಾಸದ ಸಾಧ್ಯತೆ. ಧಾರ್ಮಿಕ, ಆಧ್ಯಾತ್ಮಿಕ ಗ್ರಂಥ ಪಠಣ ಅಥವಾ ಶ್ರವಣದಿಂದ ಆನಂದ.