Daily Horoscope: ಉದ್ಯೋಗ ಕ್ಷೇತ್ರದಲ್ಲಿ ಮಂದಗತಿಯ, ಆದರೆ ಸ್ಥಿರವಾದ ಪ್ರಗತಿ

Team Udayavani, Sep 15, 2023, 7:34 AM IST

ಮೇಷ: ಗುರು ಅನುಗ್ರಹದಿಂದ ಯಶಃಪಥದಲ್ಲಿ ಮುಂದುವರಿಯುವಿರಿ. ಒಂದೇ ಗುರಿಯ ಮೇಲೆ ಲಕ್ಷ್ಯವನ್ನು ಕೇಂದ್ರೀಕರಿಸುವುದರಿಂದ ಉತ್ತಮ ಫ‌ಲಪ್ರಾಪ್ತಿ ಸುನಿಶ್ಚಿತ. ಮನೆಯಲ್ಲಿ ಸಮಾಧಾನದ ವಾತಾವರಣ. ಉದ್ಯೋಗ ಕ್ಷೇತ್ರದಲ್ಲಿ ಕೀರ್ತಿ, ವ್ಯವಹಾರದಲ್ಲಿ ಅಭೂತಪೂರ್ವ ಯಶಸ್ಸು.

ವೃಷಭ: ಪೂರ್ವಾಪರಗಳನ್ನು ಸರಿಯಾಗಿ ವಿಮರ್ಶಿಸಿ ಮುನ್ನಡೆಯುವುದರಿಂದ ಕ್ಷೇಮ. ಉದ್ಯೋಗ, ವ್ಯವಹಾರ ಎರಡು ಕ್ಷೇತ್ರಗಳಲ್ಲೂ ಪೈಪೋಟಿ ಸ್ವಾಭಾವಿಕ. ಹಿರಿಯರ ಆರೋಗ್ಯದ ಕಡೆಗೆ ಗಮನ ಇರಲಿ.ಅಲ್ಪಾವಧಿಯ ಹೂಡಿಕೆಗಳ ಮೇಲೆ ಆಸಕ್ತಿ ತೋರದಿರುವುದರಿಂದ ಕ್ಷೇಮ.

ಮಿಥುನ: ಲೌಕಿಕ ದೃಷ್ಟಿಯಿಂದ ವ್ಯರ್ಥ ಅಲೆದಾಟವಾಗಿದ್ದರೂ ಅದು ಜೀವನಕ್ಕೊಂದು ಪಾಠವಾಗಲಿದೆ. ಆರೋಗ್ಯ ಉತ್ತಮ. ಸಾಂಸಾರಿಕ ಜೀವನದಲ್ಲಿ ನೆಮ್ಮದಿ.ಉದ್ಯೋಗ ಕ್ಷೇತ್ರದಲ್ಲಿ ಮಂದಗತಿಯ, ಆದರೆ ಸ್ಥಿರವಾದ ಪ್ರಗತಿ.

ಕರ್ಕಾಟಕ: ಮಿಶ್ರಫ‌ಲಗಳ ದಿನ. ಉದ್ಯೋಗ ಸ್ಥರಿಗೆ ಕೊಂಚ ಕಿರಿಕಿರಿ. ಸರಕಾರಿ ಉದ್ಯೋಗಸ್ಥ ರಿಗೆ ವರ್ಗಾವಣೆಯ ಭೀತಿ. ಕಟ್ಟಡ ಕಾಮಗಾರಿ ನೌಕರರು ಎಚ್ಚರವಿರಲಿ. ಹಿರಿಯರ ಆವಶ್ಯಕತೆಗಳನ್ನು ಗಮನಿಸುತ್ತಿರಿ. ತೀರಾ ಅನಿವಾರ್ಯವಲ್ಲದ ವೆಚ್ಚಗಳಿಂದ ದೂರವಿರಿ.

ಸಿಂಹ: ಏಳಿಗೆಯನ್ನು ನೋಡಿ ಸಹಿಸದವರಿಂದ ಹೆಸರು ಕೆಡಿಸಲು ಪಿತೂರಿ. ಉದ್ಯೋಗ, ವ್ಯವಹಾರಗಳಲ್ಲಿ ಇನ್ನಷ್ಟು ಯಶಸ್ಸು ಲಭ್ಯ. ಸಮಾಜದಲ್ಲಿ ಗೌರವ ಪ್ರಾಪ್ತಿ. ವ್ಯಾಪಾರಿಗಳಿಗೆ ಸ್ಥಿರಆದಾಯ. ಬಂಧುವರ್ಗ ದವರಿಂದ ಶುಭ ಸಮಾಚಾರ.

ಕನ್ಯಾ: ಹವಾಮಾನ ವೈಪರೀತ್ಯದಿಂದ ದೇಹ, ಮನಸ್ಸು ಎರಡರ ಮೇಲೂ ಪರಿಣಾಮ. ದೂರದ ಬಂಧುಗಳ ಆಗಮನ. ಉದ್ಯೋಗಸ್ಥ ಮಹಿಳೆಯರಿಗೆ ಶುಭದಿನ. ವ್ಯವಹಾರ ಕ್ಷೇತ್ರ ವಿಸ್ತರಣೆಗೆ ಚಿಂತನೆ. ಮನೆಯಲ್ಲಿ ಹಿತಕರ ವಾತಾವರಣ. ಹಿರಿಯರು, ಗೃಹಿಣಿಯರು, ಮಕ್ಕಳಿಗೆ ಸಂಭ್ರಮದ ದಿನ

ತುಲಾ: ಎಲ್ಲವನ್ನೂ ಅಳೆದು, ತೂಗಿ ನಿರ್ಧರಿಸಲು ಅಸಾಧ್ಯವಾದ್ದರಿಂದ ದೇವರ ಮೇಲೆ ಭರವಸೆ ಹಾಗೂ ಆತ್ಮವಿಶ್ವಾಸದಿಂದ ಮುನ್ನಡೆಯಿರಿ. ಉದ್ಯೋಗ ಕ್ಷೇತ್ರದಲ್ಲಿ ಹೊಸ ಸಾಧ್ಯತೆಗಳ ಅನ್ವೇಷಣೆಯಲ್ಲಿ ನಿರತರಾಗುವಿರಿ. ಸ್ವಂತ ವ್ಯವಹಾರ ಕ್ಷೇತ್ರ ವಿಸ್ತರಣೆಯ ಸಾಧ್ಯತೆಯಿದೆ.

ವೃಶ್ಚಿಕ: ಪ್ರಾಪ್ತಿಯಿದ್ದಷ್ಟು ಮಾತ್ರ ಸಿಗುವುದು ಎಂಬುದನ್ನು ತಿಳಿದುಕೊಂಡು ಕಾರ್ಯ ನಿರತರಾಗಿರಿ. ಉದ್ಯೋಗ ರಂಗದಲ್ಲಿ ಯಥಾಸ್ಥಿತಿ ಮುಂದು ವರಿಕೆ. ವ್ಯವಹಾರ ಕ್ಷೇತ್ರದಲ್ಲಿ ಮಂದಗತಿಯ ಪ್ರಗತಿ. ಕುಟುಂಬದ ಸದಸ್ಯರೆಲ್ಲರ ಆರೋಗ್ಯ ಉತ್ತಮ.

ಧನು: ಅದೃಷ್ಟ ಪರೀಕ್ಷೆಯಲ್ಲಿ ವಿಜಯ. ಉನ್ನತ ಸ್ಥಾನದಲ್ಲಿರುವವರಿಗೆ ಸಣ್ತೀಪರೀಕ್ಷೆಯ ಸನ್ನಿವೇಶ ಎದುರಾಗಲಿದೆ. ಸಹೋದ್ಯೋಗಿಗಳಿಂದ ಉತ್ತಮ ಸಹಕಾರ. ವ್ಯವಹಾರ ಕ್ಷೇತ್ರದಲ್ಲಿ ನಿರೀಕ್ಷಿತ ಲಾಭ. ಸಂಗೀತ ಶ್ರವಣ,ನಾಟಕ ವೀಕ್ಷಣೆ, ಸಭೆ, ಸಮಾರಂಭಗಳಲ್ಲಿ ಪಾಲುಗೊಳ್ಳುವ ಆಸಕ್ತಿ.

ಮಕರ: ಒಳ್ಳೆಯ ಕಾಲ ಬರಲು ಕಾಯುವುದು ಅನಿವಾರ್ಯ. ಉದ್ಯೋಗ ಕ್ಷೇತ್ರದಲ್ಲಿ ಹೆಚ್ಚು ಜವಾಬ್ದಾರಿಯ ಕೆಲಸಗಳ ನಿರ್ವಹಣೆ. ವೃತ್ತಿಪರರಿಗೆ ಕೆಲಸಗಳ ಒತ್ತಡ. ಆರೋಗ್ಯ, ಆಹಾರ ಇವೆರಡರ ಕಡೆಗೂ ಗಮನ ಹಾಗೂ ಕಾಳಜಿ ಇರಲಿ. ಹಿರಿಯರ ಆವಶ್ಯಕತೆಗಳನ್ನು ಗಮನಿಸುತ್ತಿರಿ.

ಕುಂಭ: ಏಳೂವರೆ ಶನಿಯ ಮಹಿಮೆ ನಿಮ್ಮ ಮೇಲೆ ಪ್ರಭಾವ ಬೀರುತ್ತಿದ್ದರೂ ಭಗವಂತನ ದಯೆಯಿಂದ ನಿತ್ಯದ ವ್ಯವಹಾರಗಳಿಗೆ ತೊಡಕಾಗದು.ನಿಮ್ಮ ಆಸಕ್ತಿಯ ಸೇವಾಕಾರ್ಯಗಳಲ್ಲಿ ಅಬಾಧಿತರಾಗಿ ಸೇವೆ ಸಲ್ಲಿಸುವಿರಿ. ಉದ್ಯೋಗಸ್ಥರಿಗೆ ಸಹೋದ್ಯೋಗಿಗಳ ಉತ್ತಮ ಸಹಕಾರ.

ಮೀನ: ಕರ್ಮಕಾರಕ ಶನಿಯಿಂದ ಸತ್ಕರ್ಮಗಳಲ್ಲಿ ತೊಡಗಿಸಿಕೊಳ್ಳಲು ಪ್ರೇರಣೆ. ಉದ್ಯೋಗ, ವ್ಯವಹಾರ ಎರಡು ಕ್ಷೇತ್ರಗಳಲ್ಲೂ ಯಶಸ್ಸು. ಆಗ್ನೇಯ ದಿಕ್ಕಿನಲ್ಲಿರುವ ವ್ಯವಹಾರ ಕ್ಷೇತ್ರದಲ್ಲಿ ಅರ್ಧ ಯಶಸ್ಸು. ಸರಕಾರಿ ಕಾರ್ಯಾಲಯಗಳಲ್ಲಿ ವಿಳಂಬ. ಮಕ್ಕಳ ವಿದ್ಯಾಭ್ಯಾಸ ಸಾಧನೆಯಿಂದ ಹರ್ಷ. ಸಂಗಾತಿಯಿಂದ ಉತ್ತಮ ಸಹಕಾರ.ಆರೋಗ್ಯ ತೃಪ್ತಿಕರ.