Daily Horoscope: ಮನೋಬಲವನ್ನು ಹೆಚ್ಚಿಸಿಕೊಳ್ಳುವ ಪ್ರಯತ್ನಕ್ಕೆ ಮುಂದಾಗಿರಿ

Team Udayavani, Sep 17, 2023, 7:26 AM IST

ಮೇಷ: ಏಕಕಾಲದಲ್ಲಿ ಅನೇಕ ಬಗೆಯ ಕಾರ್ಯಗಳ ಒತ್ತಡ. ಉದ್ಯೋಗಸ್ಥರ ಮುನ್ನಡೆಗೆ ಯಾವುದೇ ಅಡ್ಡಿಯಿಲ್ಲ. ಸ್ವಂತ ವ್ಯವಹಾರಸ್ಥರಿಗೆ ಗ್ರಾಹಕರ ಅಪೇಕ್ಷೆಗಳ ಈಡೇರಿಕೆಯ ಸಮಸ್ಯೆ. ಆಪ್ತರಿಂದ ಅಪೇಕ್ಷಿತ ನೆರವು ವಿಳಂಬ. ಮನೆಯಲ್ಲಿ ಎಲ್ಲರ ಆರೋಗ್ಯ ತೃಪ್ತಿಕರ.

ವೃಷಭ: ಉದ್ಯೋಗಸ್ಥರಿಗೆ ನೆಮ್ಮದಿಯ ದಿನ. ವ್ಯವಹಾರ ಕ್ಷೇತ್ರದಲ್ಲಿ ಕೊಂಚ ಕಿರಿಕಿರಿ ಯಾದರೂ ಆದಾಯಕ್ಕೆ ಕೊರತೆಯಾಗದು. ಹೊಸ ಗ್ರಾಹಕರು ಸಂಪರ್ಕಕ್ಕೆ ಬರುವ ನಿರೀಕ್ಷೆಯಿದೆ. ವ್ಯವಹಾರ ಕ್ಷೇತ್ರ ವಿಸ್ತರಣೆಗೆ ಚಿಂತನೆ.

ಮಿಥುನ: ಮನೋಬಲವನ್ನು ಹೆಚ್ಚಿಸಿಕೊಳ್ಳುವ ಪ್ರಯತ್ನಕ್ಕೆ ಮುಂದಾಗಿರಿ. ಗುರುಕೃಪೆ ಹಾಗೂ ದೈವಾನುಗ್ರಹ ಉತ್ತಮ. ಉದ್ಯೋಗದಲ್ಲಿ ಆದಾಯ ಸ್ಥಿರ. ವ್ಯವಹಾರದಲ್ಲಿ ಪುಟ್ಟ ಏರುಪೇರುಗಳಾಗಬಹುದಾದರೂ ಆತಂಕಗೊಳ್ಳಬೇಕಾದ ಪ್ರಮೇಯವಿಲ್ಲ.

ಕರ್ಕಾಟಕ: ಮನೆಯಲ್ಲಿ ಎಲ್ಲರ ಆರೋಗ್ಯ ತೃಪ್ತಿಕರ. ಉದ್ಯೋಗಸ್ಥರಿಗೆ ನೆಮ್ಮದಿಯ ದಿನ. ವ್ಯವಹಾರಸ್ಥರ ಪ್ರಗತಿ ನಿಧಾನವಾದರೂ ಸ್ಥಿರವಾದ ಆದಾಯಕ್ಕೆ ಕೊರತೆಯಾಗದು. ವಿವಾಹ ಮಾತುಕತೆ ಮುನ್ನಡೆ. ಸರಕಾರಿ ನೌಕರರ ಉದ್ಯೋಗ ಸ್ಥಿತಿಯಲ್ಲಿ ಏರುಪೇರು.

ಸಿಂಹ: ಹಿರಿಯರು ತಮ್ಮ ಆರೋಗ್ಯದ ಕಡೆಗೆ ತಾವೇ ಗಮನ ಹರಿಸುವುದು ಅಗತ್ಯ. ನಿತ್ಯದ ಜಂಜಾಟಗಳಿಗೆ ಸ್ವಲ್ಪ ವಿರಾಮ ಸಿಕ್ಕಿದಂತೆ ಅನಿಸಿದರೂ ಕ್ರಿಯೆಯಲ್ಲಿರುವುದು ಅನಿವಾರ್ಯ. ದೂರದ ಆಪ್ತರಿಗೆ ಸಹಾಯ ಮಾಡುವ ಅವಕಾಶ.

ಕನ್ಯಾ: ಉದ್ಯೋಗಾಕಾಂಕ್ಷಿಗಳಿಗೆ ಉದ್ಯೋಗ ಪ್ರಾಪ್ತಿ. ಸ್ವಯಂ ಉದ್ಯೋಗಿಗಳಿಗೆ ಮಂದಗತಿಯ ಪ್ರಗತಿ. ರಾಜಕೀಯ ರಂಗಕ್ಕೆ ಪ್ರವೇಶಿಸಲು ಆಸಕ್ತಿ. ಆರ್ಥಿಕ ಮುಗ್ಗಟ್ಟಿಗೆ ತಾತ್ಕಾಲಿಕ ಪರಿಹಾರ. ತಪ್ಪು ಸಲಹೆ ನೀಡುವವರ ಬಗ್ಗೆ ಎಚ್ಚರ. ದೀರ್ಘ‌ ಕಾಲದಿಂದ ಅಸ್ವಸ್ಥರಾಗಿರುವವರ ಚೇತರಿಕೆ.

ತುಲಾ: ಕಾಗದದ ಹುಲಿಗಳಿಗೆ ಹೆದರಬೇಡಿ. ಸ್ವಾವಲಂಬನೆ ಸಾಧಿಸುವ ಗುರಿ ಗಟ್ಟಿಯಾಗಿದ್ದರೆ ಯಶಸ್ಸು ಖಂಡಿತ. ಅನಿರೀಕ್ಷಿತ ಧನಪ್ರಾಪ್ತಿಯ ಯೋಗವಿದೆ. ಉದ್ಯೋಗಸ್ಥರಿಗೆ ತಾತ್ಕಾಲಿಕ ನೆಮ್ಮದಿ. ಕಟ್ಟಡ ನಿರ್ಮಾಣ ಸಾಮಗ್ರಿ ವ್ಯಾಪಾರಿಗಳಿಗೆ ಲಾಭ.

ವೃಶ್ಚಿಕ: ಆರೋಗ್ಯ ಸುಧಾರಣೆ. ಹೊಸ ಕಾರ್ಯಕ್ಷೇತ್ರದ ಅನ್ವೇಷಣೆಯಲ್ಲಿ ಯಶಸ್ಸು. ದೂರದ ಬಂಧುಗಳ ಅನಿರೀಕ್ಷಿತ ಆಗಮನ. ನೂತನ ವಸ್ತ್ರ, ಆಭರಣ ಖರೀದಿಯ ಸಂಭ್ರಮ. ಬಂಧು ವರ್ಗದಲ್ಲಿ ಶುಭಕಾರ್ಯದ ತಯಾರಿ. ಮನೆಮಂದಿಯ ಕ್ಷೇಮಚಿಂತನೆ.

ಧನು: ಕಾಲೆಳೆಯಲು ಕಾಯುತ್ತಿರುವ ಶಕ್ತಿಗಳ ಬಗ್ಗೆ ಎಚ್ಚರ. ಜಾಣ್ಮೆ, ತಾಳ್ಮೆಗಳಿಂದ ವ್ಯವಹರಿಸಿದರೆ ಯಶಸ್ಸು ಖಂಡಿತ. ಹೊಸ ಪಾಲುದಾರಿಕೆ ವ್ಯವಹಾರಗಳಲ್ಲಿ ಆಸಕ್ತಿ ತೋರದಿರಿ. ಸಂಗೀತ ಶ್ರವಣದ ಮೂಲಕ ಶಾಂತಿಯನ್ನು ಅನುಭವಿಸಿರಿ.

ಮಕರ:ಅಪೇಕ್ಷಿತ ಕಾರ್ಯ ನಿಧಾನವಾದರೂ ಯಶಸ್ಸು ಖಂಡಿತ. ಉದ್ಯೋಗ ಕ್ಷೇತ್ರ ದಲ್ಲಿ ಕಾರ್ಯದ ಒತ್ತಡ. ಸಹೋದ್ಯೋಗಿಗಳಿಂದ ಸಹ ಕಾರ.ನಿಗದಿತ ಸಮಯದಲ್ಲಿ ನಿರೀಕ್ಷಿತ ಗುರಿ ಮುಟ್ಟುವ ತರಾತುರಿ. ಭರವಸೆಯ ಸಹಾಯ ಬರುವುದರಲ್ಲಿ ವಿಳಂಬ.

ಕುಂಭ: ಸದಾ ಚಟುವಟಿಕೆಯಲ್ಲಿರುವವರನ್ನು ಕೈಬೀಸಿ ಕರೆಯುವ ಅವಕಾಶಗಳ ಸರಮಾಲೆ. ನಿಯಮ ಪಾಲನೆಯ ಮೂಲಕ ಆರೋಗ್ಯ ರಕ್ಷಣೆಗೆ ಮುಂದಾಗಿ. ನೀವು ಆರಾಧಿಸುವ ದೇವರ ಕೃಪೆಯಿಂದ ದೀರ್ಘ‌ಕಾಲದ ಸಮಸ್ಯೆಯೊಂದರಿಂದ ಮುಕ್ತಿ.

ಮೀನ: ಬೆಟ್ಟದಂತೆ ಭಾಸವಾಗುವ ಸಮಸ್ಯೆಗಳು ಆಶ್ಚರ್ಯವಾಗುವಂತೆ ಮಾಯವಾಗುತ್ತವೆ. ಅಚಲ ನಿಷ್ಠೆಯ ಧ್ಯಾನದಿಂದ ಕಾರ್ಯಗಳು ಸುಗಮ. ಉದ್ಯೋಗಸ್ಥರಿಗೆ ತಾತ್ಕಾಲಿಕ ವಿರಾಮ. ಸ್ವಂತ ವ್ಯವಹಾರ ನಡೆಸುತ್ತಿರುವವರಿಗೆ ಮುಂದಿನ ಕಾರ್ಯದ ಪೂರ್ವಸಿದ್ಧತೆಗಳ ಚಿಂತೆ. ಸಂಸಾರದಲ್ಲಿ ನೆಮ್ಮದಿ ಹಿರಿಯರ ಆರೋಗ್ಯ ಸ್ಥಿರ.