Daily Horoscope: ಹೊಸ ತಿರುವು ತೆಗೆದುಕೊಂಡ ಬದುಕಿಗೆ ಹೊಂದಿಕೊಳ್ಳುವ ಪ್ರಯತ್ನ

Team Udayavani, Sep 1, 2023, 7:24 AM IST

ಮೇಷ: ವ್ಯವಹಾರಗಳಲ್ಲಿ ಪಾರದರ್ಶಕತೆ ಕಾಯ್ದುಕೊಂಡರೆ ಯಶಸ್ಸು ಕಟ್ಟಿಟ್ಟ ಬುತ್ತಿ. ಉದ್ಯೋಗಸ್ಥರಿಗೆ ಪದೋನ್ನತಿ ಅಥವಾ ವೇತನ ಶ್ರೇಣಿ ಪರಿಷ್ಕರಣೆ ಸಂಭವ. ನಿಮ್ಮ ಕಾರ್ಯಕ್ಷಮತೆಗೆ ಸಹೋದ್ಯೋಗಿಗಳ ಮೆಚ್ಚುಗೆ.

ವೃಷಭ: ಅವಕಾಶ ತಪ್ಪಿ ಹೋಗುವುದೆಂದು ಅವಸರ ಪಡಬೇಡಿ. ಕೆಲಸದಲ್ಲಿ ಪರಿ ಪೂರ್ಣ ಸಾಧನೆಯಿಂದ ಜನರ ಮೆಚ್ಚುಗೆಗೆ ಪಾತ್ರರಾಗುವಿರಿ. ಮನೆಯಲ್ಲಿ ಉತ್ಸಾಹದ ವಾತಾವರಣ.ಲೇವಾದೇವಿ ವ್ಯವಹಾರಸ್ಥರಿಗೆ ಹಿನ್ನಡೆ.

ಮಿಥುನ: ನಿರೀಕ್ಷಿತ ಸಹಾಯ ಕೊನೆಗೂ ಕೈಸೇರಿ ಸಂತೃಪ್ತಿಯ ಅನುಭವ. ಹೊಸ ತಿರುವು ತೆಗೆದುಕೊಂಡ ಬದುಕಿಗೆ ಹೊಂದಿಕೊಳ್ಳುವ ಪ್ರಯತ್ನ. ಹೂಡಿಕೆ ವ್ಯವಹಾರದಲ್ಲಿ ಸಮಾಧಾನಕರ ಪ್ರಗತಿ. ದೇವತಾ ಕಾರ್ಯಕ್ಕೆ ಧನ ವಿನಿಯೋಗ.

ಕರ್ಕಾಟಕ: ಪ್ರಯತ್ನಿಸಿರಿ ಮಂದಗತಿಯ, ಆದರೆ ಸ್ಥಿರವಾದ ಪ್ರಗತಿಯನ್ನು ಕಾಣುವಿರಿ. ಸಣ್ಣ ಕೈಗಾರಿಕೆಗಳನ್ನು ನಡೆಸುತ್ತಿರುವವರ ಸಮಸ್ಯೆ ಪರಿಹಾರ. ಬಂಧುವರ್ಗದ ಸಹಾಯ ಲಭ್ಯ. ಅಲ್ಪ$ಕಾಲದ ಹೂಡಿಕೆಯನ್ನು ಮಾಡಬೇಡಿ.

ಸಿಂಹ: ಕಾರ್ಯದಲ್ಲಿ ಇದುವರೆಗಿನ ಪ್ರಗತಿಯನ್ನು ಅವಲೋಕಿಸಿ ಮುಂದಡಿ ಯಿಡಿರಿ. ಹೊಸ ಪ್ರಸ್ತಾವಗಳನ್ನು ಪರೀಕ್ಷಿಸಿ ನಿರ್ಧಾರಕ್ಕೆ ಬನ್ನಿ. ಉದ್ಯೋಗಸ್ಥರಿಗೆ ಯಶಸ್ಸು, ಪ್ರಶಂಸೆ ಸಂಭವ. ದೂರದಿಂದ ಶುಭವಾರ್ತೆ ಬಂದು ಹರ್ಷ.

ಕನ್ಯಾ: ಜಾಣತನ ಮತ್ತು ಸಹನೆಯಿಂದ ಉದ್ಯೋಗ ಕ್ಷೇತ್ರ ಹಾಗೂ ಮನೆಯಲ್ಲಿ ವಾತಾವರಣ ತಿಳಿಯಾಗಿರುವಂತೆ ನೋಡಿಕೊಳ್ಳಿ. ಆಶ್ರಿತರ ಯೋಗಕ್ಷೇಮದ ಕಡೆಗೆ ಹೆಚ್ಚು ಗಮನ ಕೊಡಿ. ಹತ್ತಿರದ ದೇವತಾ ಸನ್ನಿಧಿಯನ್ನು ಸಂದರ್ಶಿಸುವ ಯೋಗ.

ತುಲಾ: ಜಪ, ಧ್ಯಾನಗಳಿಂದ ಮನಸ್ಸಿನ ಸಮತೋಲನವನ್ನು ಕಾಯ್ದುಕೊಳ್ಳಲು ಪ್ರಯತ್ನಿಸಿರಿ. ಉದ್ಯೋಗಸ್ಥರಿಗೆ ದಿನದ ಕೊನೆಯಲ್ಲಿ ಶುಭವಾರ್ತೆ. ಅನ್ಯರ ಹಣಕಾಸು ವ್ಯವಹಾರ ನಿರ್ವಹಿಸುವವರು ಎಚ್ಚರವಾಗಿರಬೇಕು.

ವೃಶ್ಚಿಕ:ಸ್ಥಿರವಾದ ಆರೋಗ್ಯ. ದೇವತಾರ್ಚನೆ ಯತ್ತ ಹೆಚ್ಚಾದ ಒಲವು. ಉದ್ಯೋಗ ರಂಗದಲ್ಲಿ ತೃಪ್ತಿಕರ ಸಾಧನೆ. ವ್ಯವಹಾರಸ್ಥರಿಗೆ ಹೆಚ್ಚಿನ ಯಶಸ್ಸು. ಕಿರಿಯರ ವಿವಾಹ ಮಾತುಕತೆ ಮುಂದುವರಿಕೆ. ಹಿರಿಯರ ಚಿಕಿತ್ಸೆಗಾಗಿ ವೈದ್ಯರ ಭೇಟಿ ಸಂಭವ.

ಧನು: ಕಾರ್ಯನಿಷ್ಠೆ, ಸಹನೆಯಿಂದ ಮೇಲಧಿ ಕಾರಿಗಳ ಮೆಚ್ಚುಗೆಗೆ ಪಾತ್ರರಾಗುವಿರಿ. ವ್ಯವಹಾರಸ್ಥರಿಗೆ ಹೊಸ ಸವಾಲುಗಳ ಅನುಭವವಾಗುವ ಸಂಭವ. ಕೃಷ್ಯುತ್ಪನ್ನ ಮಾರಾಟಗಾರರಿಗೆ ಲಾಭ ಮಧ್ಯಮ. ಕೋಳಿ ಸಾಕಾಣಿಕೆ, ಮತ್ಸೋದ್ಯಮಿಗಳಿಗೆ ಅನುಕೂಲ.

ಮಕರ:ಯಶಸ್ವಿ ಕಾರ್ಯನಿರ್ವಹಣೆಯಿಂದ ಪರಿಸರದವರ ಮೆಚ್ಚುಗೆಗೆ ಪಾತ್ರರಾಗುವಿರಿ. ಮನೆಯಲ್ಲಿ ಮಂಗಲ ಕಾರ್ಯದ ಸಮಯ ಸನ್ನಿಹಿತ. ದೇವತಾ ಪ್ರಾರ್ಥನೆಯಿಂದ ಕಾರ್ಯಗಳು ಸುಗಮ. ಅರ್ಹರಿಗೆ ನೆರವಾಗುವ ಯೋಗದಿಂದ ಸಮಾಧಾನ.

ಕುಂಭ: ಸೇವಾ ಚಟುವಟಿಕೆಗಳನ್ನು ಹೆಚ್ಚಿಸುವ ಕುರಿತು ಚಿಂತಿಸುವಿರಿ. ಉದ್ಯೋಗರಂಗದಲ್ಲಿ ನಿರೀಕ್ಷೆಗೆ ಮೀರಿದ ಯಶಸ್ಸು ಹಾಗೂ ಗೌರವ ಪ್ರಾಪ್ತಿ. ಸಂಗಾತಿಯ ಆರೋಗ್ಯದತ್ತ ಗಮನವಿರಲಿ. ಸಹೋದರ, ಸಹೋದರಿಯರೊಡನೆ ಮಿಲನ ಸಂಭವ.

ಮೀನ: ಸ್ಥಿರವಾದ ಆರೋಗ್ಯದ ಅನುಭವ. ಮಾತೃಸಮಾನರ ಹಿತ ನುಡಿಯಿಂದ ಮನಸ್ಸಿಗೆ ನೆಮ್ಮದಿ. ಬಂಧು ಬಾಂಧವರ ಭೇಟಿ ಸಂಭವ. ಉದ್ಯೋಗ, ವ್ಯವಹಾರದಲ್ಲಿ ಸ್ಥಿರವಾದ ಯಶಸ್ಸಿನ ಅನುಭವ. ವಾಹನ, ಆಸ್ತಿ ಖರೀದಿ, ಮಾರಾಟ ವ್ಯವಹಾರಸ್ಥರಿಗೆ ಅನುಕೂಲ ವಾತಾವರಣ.