Daily Horoscope: ಉದ್ಯೋಗ ಕ್ಷೇತ್ರದಲ್ಲಿ ಮತ್ತಷ್ಟು ಜವಾಬ್ದಾರಿಗಳು ಹೆಚ್ಚಾಗಲಿವೆ

Team Udayavani, Sep 21, 2023, 7:21 AM IST

ಮೇಷ: ಬಗೆಬಗೆಯ ಚಟುವಟಿಕೆಗಳು ತುಂಬಿರುವ ದಿನ. ಉದ್ಯೋಗ ವಲಯದ ಜವಾಬ್ದಾರಿಗಳೂ ವೈವಿಧ್ಯ ಮಯ. ಮೇಲಧಿಕಾರಿಗಳ ಮೆಚ್ಚುಗೆ. ಮನೆಯಿಂದಲೇ ಕೆಲಸ ಮಾಡುವವರಿಗೆ ಹೊಸ ಅನುಭವಗಳಾಗಲಿವೆ. ಸಿವಿಲ್‌ ಎಂಜಿನಿಯರರು, ಮೇಸ್ತ್ರಿಗಳು ಮೊದಲಾದವರಿಗೆ ಮಧ್ಯಮ ಫ‌ಲ.

ವೃಷಭ:ಮನೆಯಲ್ಲಿ ಎಲ್ಲರ ಆರೋಗ್ಯ ಉತ್ತಮ. ಹವಾಮಾನದ ಏರುಪೇರಿನ ಪರಿಣಾಮವಾಗಿ ಕೆಲವು ಬಗೆಯ ವ್ಯವಹಾರಗಳು ಮಂದಗತಿಯಲ್ಲಿ ಸಾಗಲಿವೆ. ಉದ್ಯೋಗ ಕ್ಷೇತ್ರದಲ್ಲಿ ಸ್ಥಿರ ವಾತಾವರಣ. ಹೊಸ ಬೆಳವಣಿಗೆಗಳು, ಸಮಸ್ಯೆಗಳು ಇರಲಾರವು.

ಮಿಥುನ: ಆರೋಗ್ಯ ಉತ್ತಮ. ಉದ್ಯೋಗ ಕ್ಷೇತ್ರದಲ್ಲಿ ಮತ್ತಷ್ಟು ಜವಾಬ್ದಾರಿಗಳು ಅಯಾಚಿತವಾಗಿ ಬರಲಿವೆ. ಮೇಲಧಿಕಾರಿಗಳ ಮನವೊಲಿಸು ವುದರಲ್ಲಿ ಯಶಸ್ವಿಯಾಗುವಿರಿ. ವ್ಯವಹಾರಸ್ಥರಿಂದ ಇನ್ನೊಂದು ಹೊಸ ರಂಗಕ್ಕೆ ಪ್ರವೇಶ ಸಂಭವ.

ಕರ್ಕಾಟಕ: ಸಂಸಾರದಲ್ಲಿ ಹೊಸ ಬೆಳವಣಿಗೆಗಳ ನಿರೀಕ್ಷೆ. ಎಲ್ಲರ ಆರೋಗ್ಯ ತಕ್ಕಮಟ್ಟಿಗೆ ತೃಪ್ತಿಕರ. ಉದ್ಯೋಗ ಕ್ಷೇತ್ರದಲ್ಲಿ ಸ್ಥಿರ ವಾತಾವರಣ. ಸಹೋದ್ಯೋಗಿಗಳಿಂದ ಒಳ್ಳೆಯ ಸಹಕಾರ. ವಸ್ತ್ರ, ಆಭರಣ ವ್ಯಾಪಾರಿಗಳಿಗೆ ಆದಾಯವೃದ್ಧಿ.

ಸಿಂಹ: ಉದ್ಯೋಗಸ್ಥರ ಸಾಧನೆಗೆ ಸರ್ವತ್ರ ಮೆಚ್ಚುಗೆ. ಎಲ್ಲ ಬಗೆಯ ಸ್ವಂತ ವ್ಯವಹಾರಸ್ಥರು ಯಶಸ್ಸಿನೆಡೆಗೆ ದಾಪುಗಾಲು. ರಸ್ತೆ ಕಾಮಗಾರಿ ನಿರ್ವಾಹಕರಿಗೆ ಅಪವಾದ. ಸರಕಾರಿ ನೌಕರರಿಗೆ ಮೇಲಿನವರ ಕಿರುಕುಳ. ಕೃಷ್ಯುತ್ಪನ್ನ ಮಾರಾಟಗಾರರ ಆದಾಯ ವೃದ್ಧಿ.

ಕನ್ಯಾ: ಆರೋಗ್ಯ ಪಾಲನೆಯತ್ತ ಗಮನ ಇರಲಿ. ವ್ಯವಹಾರ ಸಂಬಂಧ ಸಣ್ಣ ಪ್ರವಾಸ ಸಂಭವ. ಉದ್ಯೋಗಸ್ಥರ ಸ್ಥಾನ ಬದಲಾವಣೆಯ ಸಾಧ್ಯತೆ. ಎಲ್ಲ ಲೋಹಗಳ ವ್ಯಾಪಾರಸ್ಥರಿಗೂ ಆದಾಯ ವೃದ್ಧಿ. ಕೃಷಿ, ಹೈನುಗಾರಿಕೆ ಕ್ಷೇತ್ರಗಳಲ್ಲಿ ವ್ಯವಹರಿಸುವವರಿಗೆ ಆದಾಯ ಮಧ್ಯಮ.

ತುಲಾ: ಆರೋಗ್ಯದಲ್ಲಿ ಸುಧಾರಣೆ. ಹಿರಿಯರಿಂದ ಸಂಸಾರದ ಕ್ಷೇಮ ಚಿಂತನೆಗೆ ಫ‌ಲ ಲಭಿಸುವ ಸಾಧ್ಯತೆ. ಸಾಹಿತ್ಯ ಚಿಂತಕರಿಗೆ, ಅನ್ವೇಷಣಶೀಲರಿಗೆ ಅನುಕೂಲದ ವಾತಾವರಣ. ಅಧ್ಯಾತ್ಮ ಸಾಧಕರಿಗೆ ಉತ್ತೇಜನದ ಸನ್ನಿವೇಶಗಳು ಸೃಷ್ಟಿಯಾಗಲಿವೆ.

ವೃಶ್ಚಿಕ: ಸಮಾಜದಲ್ಲಿ, ಬಂಧುವರ್ಗದಲ್ಲಿ ಗೌರವ ಪ್ರಾಪ್ತಿ. ದೂರದ ನೆಂಟರಿಂದ ಯೋಗಕ್ಷೇಮ ವಿಚಾರಣೆ. ಅನಿರೀಕ್ಷಿತ ಧನಾಗಮ ಸಂಭವ.ಉದ್ಯೋಗಸ್ಥರ ಸಾಧನೆಗೆ ಸಹೋದ್ಯೋಗಿಗಳಿಂದ ಪ್ರಶಂಸೆ. ಮನೆಯಲ್ಲಿ ಎಲ್ಲರ ಆರೋಗ್ಯ ಉತ್ತಮ.

ಧನು: ಹಿರಿಯರಿಗೆ ಆರೋಗ್ಯದ ಸಮಸ್ಯೆ ಯಿದ್ದರೂ ಕ್ರಿಯಾಶೀಲರಾಗಿರಬೇಕಾದ ಅನಿವಾರ್ಯತೆ. ಉದ್ಯೋಗ ರಂಗದಲ್ಲಿ ಸ್ಥಿರ ವಾತಾವರಣ. ಹತ್ತಿರದವರಿಂದ ನಿರೀಕ್ಷಿತ ಸಹಾಯ ವಿಳಂಬ. ನಿರ್ಮಾಣ ಸಾಮಗ್ರಿ ವ್ಯಾಪಾರಿಗಳಿಗೆ ಆದಾಯ ತೃಪ್ತಿಕರ.

ಮಕರ: ಭಗವಂತನ ಅನುಗ್ರಹದಿಂದ ಆಪತ್ತು ತೊಲಗಿ ನೆಮ್ಮದಿ. ಉದ್ಯೋಗ ಕ್ಷೇತ್ರದಲ್ಲಿ ನಿಗದಿತ ಸಮಯದಲ್ಲಿ ಕಾರ್ಯ ಮುಗಿಸುವ ತರಾತುರಿ. ಲೆಕ್ಕ ಪರಿಶೋಧಕರು, ಸಂಸ್ಥೆಗಳ ಉನ್ನತ ಸ್ಥಾನಾಪನ್ನರಿಗೆ ಸಮಯದೊಂದಿಗೆ ಹೋರಾಡುವ ಅನಿವಾರ್ಯತೆ.

ಕುಂಭ: ಮನೆಯಲ್ಲಿ ಎಲ್ಲರ ಆರೋಗ್ಯ ಉತ್ತಮ. ಮೇಲಿಂದ ಮೇಲೆ ಬರುವ ಹೊಸ ಜವಾಬ್ದಾರಿಗಳ ನಿರ್ವಹಣೆಯಲ್ಲಿ ಯಶಸ್ಸು. ಅಧ್ಯಾಪಕರು, ವಿದ್ಯಾರ್ಥಿ ಕ್ಷೇಮಪಾಲಕರು, ಶುಶ್ರೂಷಕಿಯರು ಮೊದಲಾದ ಸೇವಾಪರರ ಪಾಲಿಗೆ ಹೊಸ ಹೊಣೆಗಾರಿಕೆಗಳು.

ಮೀನ: ವ್ಯವಹಾರದಲ್ಲಿ ಪ್ರಗತಿ. ದೇವತಾರಾಧನೆಯಲ್ಲಿ ಅಧಿಕ ಆಸಕ್ತಿ. ತಾಯಿ ಅಥವಾ ತಾಯಿಗೆ ಸಮಾನರಾದವರ ಭೇಟಿಯಿಂದ ಆನಂದ. ದೇವತಾ ಸಾನ್ನಿಧ್ಯಕ್ಕೆ ಭೇಟಿ ಸಂಭವ. ಸಮಾಜ ಸಂಘಟನೆಯಲ್ಲಿ ಹೊಸ ಜವಾಬ್ದಾರಿಯ ನಿರೀಕ್ಷೆ. ದಾಂಪತ್ಯ ಜೀವನದಲ್ಲಿ ಸಮಾಧಾನ. ಬಂಧುವರ್ಗದ ಮಂಗಲಕಾರ್ಯಕ್ಕೆ ನೆರವು.ಮಕ್ಕಳ ಶಿಕ್ಷಣದಲ್ಲಿ ಪ್ರಗತಿ.