ನಿಮ್ಮ ಗ್ರಹ ಬಲ:ಈ ರಾಶಿಯವರಿಂದು ಮಾತು ಕಡಿಮೆ ಮಾಡಿದರೆ ಕಾರ್ಯಕ್ಷೇತ್ರದಲ್ಲಿ ಉತ್ತಮವಾಗಲಿದೆ

Team Udayavani, Jan 12, 2021, 10:47 AM IST

12-01-2021

ಮೇಷ: ಅತೀ ಮಹತ್ವದ ಕಾರ್ಯಗಳಿಗಾಗಿ ಧನವಿನಿಯೋಗ ಮಾಡುವಿರಿ. ಶತ್ರುಗಳೂ ಚಕಿತಗೊಳ್ಳುವಂತೆ ಸಾಧನೆ ಮಾಡುವಿರಿ. ಪ್ರಯಾಣ, ಪ್ರವಾಸಾದಿಗಳಿಂದ ಸಂಭ್ರಮ ಪಡುವಿರಿ. ಆಯಕ್ಕಿಂತ ವ್ಯಯ ಅಧಿಕವಿರುವುದು.

ವೃಷಭ: ವರ್ಗಾವಣೆಯ ಕುರುಹು ವೃತ್ತಿಪರರಿಗೆ ಕಾಣಿಸಲಿದೆ. ಶಿಕ್ಷಣ ಕ್ಷೇತ್ರದವರಿಗೆ ತಲೆಚಿಟ್ಟು ಹಿಡಿವ ಹಾಗೆ ಕೆಲಸವಿರುತ್ತದೆ. ಮಾತು ಕಡಿಮೆ ಮಾಡಿದರೆ ಕಾರ್ಯಕ್ಷೇತ್ರದಲ್ಲಿ ಉತ್ತಮವಾಗಲಿದೆ. ಮುನ್ನಡೆಯಿರಿ.

ಮಿಥುನ: ಮಂಗಳ ಕಾರ್ಯದಲ್ಲಿ ಭಾಗಿಗಳಾಗುವಿರಿ. ಎಲೆಕ್ಟ್ರಾನಿಕ್‌ ಮಾಧ್ಯಮದವರಿಗೆ, ವೃತ್ತಿ ನಿರತರಿಗೆ ಒಳ್ಳೆಯ ಅವಕಾಶಗಳು ಕೂಡಿ ಬರಲಿದೆ. ಸರಕಾರಿ ಕಾರ್ಯ ಸಿಗುವ ಯೋಗವಿದೆ. ಎಲ್ಲಾ ಕಾರ್ಯದಲ್ಲಿ ಜಯವಿದೆ.

ಕರ್ಕ: ಸಂತಾನಾಪೇಕ್ಷಿಗಳಿಗೆ ಉತ್ತಮ ಯೋಗವು ಬಂದೀತು. ಗೃಹ ನಿರ್ಮಾಣದಂತಹ ಕೆಲಸ ಆರಂಭಿಸಲಿದ್ದೀರಿ. ನಿವೇಶನ ಖರೀದಿಗೆ ಇದು ಸಕಾಲ. ಧನವ್ಯಯ ಅತಿಯಾಗಿದ್ದರೂ ಇಷ್ಟಾರ್ಥ ಪ್ರಾಪ್ತಿಯಾಗಲಿದೆ. ಶುಭವಿರುವುದು.

ಸಿಂಹ: ವ್ಯವಹಾರದಲ್ಲಿ ಲಾಭವಿದೆ. ಆದರೂ ಧನಹಾನಿಗೆ ಹಲವು ಕಾರಣಗಳಿರುತ್ತವೆ. ಗುರಿಯತ್ತ ಮನಸಿಟ್ಟು ಕಾರ್ಯ ಕೈಗೊಂಡರೆ ಗೆಲುವು ಖಚಿತವಾಗಿರುತ್ತದೆ. ಆಪ್ತರ ಸಲಹೆಗೆ ಮನ ಕೊಡಿರಿ. ದುಃಖ ಹಂಚಿಕೊಳ್ಳಿರಿ.

ಕನ್ಯಾ: ಯೋಜನೆ ಹಾಕಿ ಕೆಲಸ ಸಾಧಿಸಿದ ಮೇಲೆಯೇ ಪ್ರಕಟಗೊಳ್ಳುವ ಮನೋವೃತ್ತಿಯವರಾದ ನೀವಿಂದು ಸ್ವಲ್ಪ ದಾರಿ ಬೇರೆ ಮಾಡಬೇಕಾದೀತು. ಸಂಪಾದನೆಯು ಚೆನ್ನಾಗಿದ್ದು ಲಾಭಾಂಶವೂ ಸಂಗ್ರಹವೂ ವೃದ್ಧಿಯಾಗಲಿದೆ.

ತುಲಾ: ಮಕ್ಕಳ ವಿದ್ಯಾಭ್ಯಾಸದಲ್ಲಿ ಪ್ರಗತಿ ಇರುತ್ತದೆ. ಪಿತ್ರಾರ್ಜಿತ ಆಸ್ತಿಯಲ್ಲಿ ಸೂಕ್ತ ವ್ಯವಸ್ಥೆಯಾಗಿ ಸಿಗಲಿದೆ. ವೃತ್ತಿಕ್ಷೇತ್ರದಲ್ಲಿ ಕಿರುಕುಳ ಕಂಡುಬಂದೀತು. ಪಿತ್ತಾಧಿಕ್ಯದಿಂದ ಆರೋಗ್ಯ ಹಾನಿಯಾಗಲಿದೆ.

ವೃಶ್ಚಿಕ: ವಿದ್ಯಾರ್ಥಿಗಳಿಗೆ ಸೂಕ್ತ ಮಾಹಿತಿ ದೊರಕದೆ ಉನ್ನತ ವಿದ್ಯಾಭ್ಯಾಸದಲ್ಲಿ ಕೊರತೆ ಕಾಣಿಸಲಿದೆ. ದಿನಸಿ ವ್ಯಾಪಾರ, ಕೃಷಿ ಉತ್ಪನ್ನದಲ್ಲಿ ಲಾಭಾಂಶ ಕಡಿಮೆಯಾಗುವ ಸಂಭವವಿದೆ. ಚಿಂತೆ ಮಾಡದಿರಿ.

ಧನು: ಹೋಟೇಲ್‌, ವಸತಿಗೃಹ, ಕಲಾಕ್ಷೇತ್ರಗಳ ಪ್ರಗತಿ ನಿಧಾನವಾಗಲಿದೆ. ದಿನವಹಿ ಸಂಭಾವನೆ ಪಡೆವ ನೌಕರರಿಗೆ ವೃತ್ತಿ ಸ್ಥಿರತೆ ಕಂಡುಬರಲಿದೆ. ವಂಚನಾ ಜಾಲಕ್ಕೆ ಸಿಲುಕದಿರಿ. ಧನ ವಿನಿಯೋಗವಿದೆ.

ಮಕರ: ಪತ್ನಿಯ ಅನಾರೋಗ್ಯ ನಿಮ್ಮ ತಲೆಗೆಡಿಸಲಿದೆ. ಪರಸ್ಪರ ಅನುಭವದ ಕೊರತೆಯಿಂದ ಅರ್ಧಕ್ಕೆ ನಿಂತೀತು. ಅಪಾದನೆಗಳು ಕಂಡುಬಂದೀತು. ಆದಾಯವು ಉತ್ತಮವಿದ್ದರೂ ತಾಪತ್ರಯ ತಪ್ಪದು.

ಕುಂಭ :ಬಂಧು ಭಾಂದವರ ಪ್ರೋತ್ಸಾಹ ದೊರಕಲಿದೆ. ಗಂಡಹೆಂಡತಿಯಲ್ಲಿ ವಿರಸವಿದ್ದರೂ ಸುಖಾಂತ್ಯ ಸುಗಮ ವೆನಿಸೀತು. ದೇವತಾರಾಧನೆಯಿಂದ ಶುಭಫ‌ಲ ಹೆಚ್ಚಿಸಿಕೊಳ್ಳಿರಿ. ಜನಾಕ್ರೋಶ ಭೀತಿಯ ವಾತಾವರಣವಿರುತ್ತದೆ.

ಮೀನ: ಅಲೆದಾಟಗಳು ಅಧಿಕವಾಗಿದ್ದು ಆರೋಗ್ಯವು ಹದಗೆಡಲಿದೆ. ಆಂತರಿಕ ಕಲಹ, ಗೃಹಕೃತ್ಯ, ಮಂಗಲ ಕಾರ್ಯ, ಪ್ರವಾಸ, ಆಭರಣ ಖರೀದಿ ಹೀಗೆ ಹಲವು ತರದ ಖರ್ಚುವೆಚ್ಚಗಳು. ತಲೆಬಿಸಿ ಮಾಡಲಿದೆ. ಶುಭವಿದೆ.

ಎನ್.ಎಸ್.ಭಟ್