ನಿಮ್ಮ ಗ್ರಹಬಲ: ಈ ರಾಶಿಯವರಿಗಿಂದು ಹಳೆ ಶತ್ರುಗಳು ಪುನಃ ಕಾಡುವರು!

Team Udayavani, Jan 20, 2021, 7:58 AM IST

20-01-2021

ಮೇಷ: ಸಂಬಂಧಗಳ ಏಳುಬೀಳುಗಳಲ್ಲೂ ಸಂಗಾತಿಯ ಕೈವಾಡವಿರುತ್ತದೆ. ಪತ್ನಿಗೆ ಸ್ವಲ್ಪ ಸಮಾಧಾನದಲ್ಲಿ ಬುದ್ದಿವಾದ ಹೇಳಿದರೆ ಉತ್ತಮ. ಅರಿತುಕೊಂಡಾರು.

ವೃಷಭ: ನಿಮ್ಮ ಬಗ್ಗೆ ಕಾಳಜಿ ವಹಿಸುವವರು ಸಿಟ್ಟಿಗೆದ್ದು ನಿಮ್ಮನ್ನು ನಿರ್ಲಕ್ಷಿಸಬಹುದು. ಕ್ಷಣಕಾಲಕ್ಕೆ ಮಾತ್ರ ನಿಮ್ಮ ಸಹೋದ್ಯೋಗಿಗಳು ನಿಮಗೆ ಉತ್ತಮ ಸಹಕಾರ ನೀಡುವರು. ಅಕ್ಕಪಕ್ಕದವರ ಕಿರಿಕಿರಿ ಬೇಸರ ತಂದೀತು.

ಮಿಥುನ: ಹಳೆ ಶತ್ರುಗಳು ನಿಮ್ಮನ್ನು ಪುನಃಹ ಕಾಡುವರು. ನೀವು ಅವರಿಂದ ದೂರವಿರಲು ಪ್ರಯತ್ನಿಸಿದಷ್ಟು ಅವರು ನಿಮ್ಮನ್ನು ಸೆಳೆಯಲಿದ್ದಾರೆ. ಹಳಸಿದ ಸಂಬಂಧವನ್ನು ಪುನಃಹ ಜೋಡಣೆ ಮಾಡಲು ಪ್ರಯತ್ನಿಸುವುದು.

ಕರ್ಕ: ನಿಮ್ಮ ಮನಸ್ಸಿನ ಭಾವನೆಯನ್ನು ಅಂದಾಜಿಸಿ ನಿರ್ಧಾರವನ್ನು ತಿಳಿಸಿದರೆ ಇತರರಿಗೆ ಸಮಾಧಾನವಾದೀತು. ತಟ್ಟನೆ ಉತ್ತರ ಕೊಡುವ ನಿಮ್ಮ ಸ್ವಭಾವವನ್ನು ಬದಲಿಸಿರಿ. ವೃತ್ತಿಯಲ್ಲಿ ಹಣಕಾಸಿನ ವಿಚಾರದಲ್ಲಿ ಪ್ರಗತಿ ಇಲ್ಲ.

ಸಿಂಹ: ಸುಮ್ಮನೆ ಕುಳಿತು ಕಾಲಕಳೆಯೋಕೆ ನಿಮ್ಮಿಂದ ಆಗದು. ಇತರ ಚಟುವಟಿಕೆಗಳತ್ತ ನಿಮ್ಮ ಮನಸ್ಸು ಹೊರಳಬಹುದು. ಹಳೇ ಮಿತ್ರರಿಂದ ಶುಭ ಸಮಾಚಾರ ಕೇಳಲಿದ್ದೀರಿ. ನಿಮ್ಮ ನಿಷ್ಠೆ ಹಾಗೂ ನಿಯತ್ತು ಕಾಪಾಡಲಿದೆ.

ಕನ್ಯಾ: ವಿನಾಕಾರಣ ದೂರ ಇರುವುದು, ಯಾವುದೋ ಊರಿಗೆ ಹೊರಟು ಹೋಗುವುದು, ಮೊದಲಾದ ಅಭ್ಯಾಸಗಳು ನಿಮ್ಮ ಮಧ್ಯೆ ಬಿರುಕಿಗೆ ಕಾರಣವಾದೀತು. ಸಹನೆಯಿಂದ ಇದ್ದರೆ ಜೀವನವು ಸ್ವರ್ಗವಾದೀತು. ಇಲ್ಲದಿದ್ದಲ್ಲಿ ನರಕ.

ತುಲಾ: ನಿಮ್ಮ ಕನಸಿನ ರಾಣಿಯನ್ನು ಸದ್ಯದಲ್ಲೇ ಭೇಟಿಯಾಗಲಿದ್ದೀರಿ. ವಿವಾಹಿತರು ಸಾಂಸಾರಿಕ ಸಂಘರ್ಷಗಳಲ್ಲಿ ವಿಜೇತರಾಗುತ್ತಾರೆ. ಅತೀ ಅವಸರದ ತೀರ್ಮಾನಗಳಿಂದ ದೂರವಿರುವುದು ನಿಮಗೆ ಉತ್ತಮ. ಶುಭವಿರುತ್ತದೆ.

ವೃಶ್ಚಿಕ: ನೀವು ಹಿಂದೆ ಮಾಡಿದ ತಪ್ಪು ಆಯ್ಕೆಗಳು ಈಗಲೂ ನಿಮ್ಮನ್ನು ಕಾಡುತ್ತಿರುತ್ತದೆ. ಮನೆಮಂದಿಯೊಡನೆ ಗಂಭೀರವಾಗಿ ಚಿಂತಿಸಿ ಮುನ್ನಡೆಯುವುದು. ನಿಮ್ಮ ಸಂಬಂಧಿಕರ ಸಮಸ್ಯೆಗಳನ್ನು ಸರಿಮಾಡುವುದೇ ನಿಮ್ಮ ಕೆಲಸ.

ಧನು: ನೀವೀಗ ಎಲ್ಲರೊಂದಿಗೆ ಮುಕ್ತವಾಗಿ ಬೆರೆಯುವಿರಿ. ಆದರೆ ಅದರಿಂದ ನೀವು ಸಂಕಷ್ಟ ಗೊಳಗಾಗುವಿರಿ. ಗೆಳೆಯರ ಪ್ರೀತಿಯ ಮಾತು ಬದ್ಧತೆ ಮತ್ತು ಶಿಫಾರಸುಗಳಲ್ಲೂ ವಂಚನೆಯ ನೆರಳು ಕಾಣಬಹುದು. ಶುಭವಿದೆ.

ಮಕರ: ನಿಮ್ಮ ಸಂಸಾರದ ಏಳುಬೀಳುಗಳನ್ನು ಸರಿಪಡಿಸುವುದರಲ್ಲೇ ನಿಮ್ಮ ಸಮಯ ವ್ಯರ್ಥವಾಗಲಿದೆ. ಮೂರನೆಯವರನ್ನು ನಿಮ್ಮೊಂದಿಗೆ ಬೆರೆಯಲು ಬಿಡಬೇಡಿರಿ. ಮೌನವೇ ಎಲ್ಲಕ್ಕೂ ಮದ್ದು. ಸಹನೆ ಕಳೆದುಕೊಳ್ಳದಿರಿ.

ಕುಂಭ: ನಿಮಗೆ ಬೇಕಾಗಿರುವುದು ಒಂದು ಅರ್ಥಪೂರ್ಣ ಸಂಸಾರ. ಮನೆಯವರ ಹಾಗೂ ಸಂಬಂಧಿಕರ ಒತ್ತಾಯಕ್ಕೆ ಮಣಿದು ಯಾರನ್ನೂ ಒಪ್ಪಿಕೊಳ್ಳದಿರಿ. ಇಂಥಾ ವಿಚಾರಗಳಲ್ಲಿ ಕಾದು ನೋಡುವುದು ಜಾಣತನ. ವ್ಯವಹರಿಸುವುದು ಉತ್ತಮ.

ಮೀನ: ಭಾವುಕ ಸನ್ನಿವೇಶವು ಎದುರಾಗಲಿದೆ. ದೂರದರ್ಶಿತ್ವ ಕಳಕೊಳ್ಳದಿರಿ. ಸಹನೆಯ ಅಗತ್ಯವಿದೆ. ಮಾತುಮಾತಿಗೆ ಸಿಡುಕಿ ಭಾವೋದ್ವೇಗಕ್ಕೆ ಒಳಗಾಗದಂತೆ ಸಹನೆ ಕಾಯ್ದುಕೊಳ್ಳುವದು. ಆತ್ಮವಿಶ್ವಾಸ ಅಗತ್ಯವಿದೆ.

ಎನ್.ಎಸ್.ಭಟ್