ನಿಮ್ಮ ಗ್ರಹಬಲ: ಈ ರಾಶಿಯವರಿಗಿಂದು ನಿಮ್ಮ ಮಿತ್ರರಿಂದಲೇ ನಿಮಗೆ ಮೋಸ ಕಂಡುಬರಲಿದೆ!

Team Udayavani, Feb 5, 2021, 7:44 AM IST

05-02-2021

ಮೇಷ: ಮನೆಯಲ್ಲಿ ಹೆಂಡತಿ ಮಕ್ಕಳೊಂದಿಗೆ ಕಿರಿಕಿರಿ, ಜಟಾಪಟಿಗಳಾದಾವು. ಉದ್ಯೋಗ, ವ್ಯವಹಾರದಲ್ಲಿ ಭರದಿಂದ ಅಭಿವೃದ್ಧಿ ಕಾಣುವುದು. ಇಷ್ಟ ಕಾರ್ಯವು ಸಿದ್ಧಿಯಾದೀತು. ಸರಕಾರಿ ಕೆಲಸಗಳು ಸಫ‌ಲವಾದೀತು.

ವೃಷಭ: ಕೋರ್ಟು ಕಚೇರಿ ಕಾರ್ಯದಲ್ಲಿ ಯಶಸ್ಸಿದೆ. ಶತ್ರುಗಳು ಮಿತ್ರರಾಗುವರು. ವಾದವಿವಾದದಲ್ಲಿ ಗೆಲುವನ್ನು ಕಾಣುವಿರಿ. ದಾನಧರ್ಮ, ಪರೋಪಕಾರದಲ್ಲಿ ಮನಸ್ಸು ಹಾರಾಡುವುದು. ವ್ಯಾಪಾರವು ಭರದಿಂದ ಸಾಗಲಿದೆ.

ಮಿಥುನ: ಶುಭ ಅಶುಭ ಫ‌ಲಗಳಿಂದ ಸುಖದುಃಖದ ಸಮ್ಮಿಲನವಾಗಲಿದೆ. ಭೂಮಿಯಿಂದ ಉತ್ತಮ ಫ‌ಲ ಪ್ರಾಪ್ತಿ ಇರುತ್ತದೆ. ಗಣ್ಯ ವ್ಯಕ್ತಿಗಳಿಂದ ಯಾ ಸಂಘ-ಸಂಸ್ಥೆಗಳಿಂದ ನಿಮಗೆ ಗೌರವವು ದೊರಕಲಿದೆ.

ಕರ್ಕ: ವ್ಯಾಪಾರ, ವ್ಯವಹಾರದಲ್ಲಿ ಸಾಧಾರಣ ಧನಲಾಭವು ಆಗಲಿದೆ. ಎಣ್ಣೆಕಾಳು ಹಾಗೂ ಕಪ್ಪು ಬಣ್ಣದ ವಸ್ತುಗಳ ವ್ಯಾಪಾರದಿಂದ ಅಧಿಕ ಲಾಭ ಸಿಗಲಿದೆ. ವಾದವಿವಾದದಲ್ಲಿ ಗೆಲುವಿದೆ. ಮಿತ್ರರಿಂದ ಸಹಕಾರ ಸಿಗಲಿದೆ.

ಸಿಂಹ: ಅಧಿಕಾರಿಗಳ ಮನಸ್ಸನ್ನು ಗೆಲ್ಲುವುದರಿಂದ ಸಮಾಧಾನವಾಗಲಿದೆ. ಆದರೂ ಅದರೊಂದಿಗೆ ಅವರ ಕಿರುಕುಳವೂ ಕಂಡುಬರಲಿದೆ. ಪ್ರಮೋಶನ್‌ ಹಿಂದೆ ಹೋಗಲಿದೆ. ನಿಮ್ಮ ಕರ್ತವ್ಯದಲ್ಲಿ ಏನೂ ಚ್ಯುತಿ ಬಾರದಂತೆ ಇರಿ.

ಕನ್ಯಾ: ನಿಮ್ಮ ಮಿತ್ರರಿಂದಲೇ ನಿಮಗೆ ಮೋಸ ಕಂಡುಬರಲಿದೆ. ವ್ಯಾಪಾರ, ಉದ್ಯಮಗಳು ಭರದಿಂದ ಸಾಗಲಿದೆ. ಇಷ್ಟ ಕಾರ್ಯವು ಸಿದ್ಧಿಯಾಗಲಿದೆ. ಲಾಭ ಕಡಿಮೆ ಖರ್ಚು ಹೆಚ್ಚು ಇರಲಿದೆ. ಹಣದ ಅಡಚಣೆ ಉಂಟು.

ತುಲಾ: ನೆರೆಹೊರೆಯವರೊಂದಿಗೆ ಸ್ನೇಹದಿಂದ ವರ್ತಿಸಿರಿ. ಹೆಚ್ಚು ಪರಿಶ್ರಮ ವಹಿಸಿ ಅಭ್ಯಾಸ ಮಾಡಿದರೆ ಹೆಚ್ಚಿನ ಪ್ರತಿಫ‌ಲ ದೊರೆಯುವುದು. ಉತ್ತಮ ಧನಲಾಭ ಕಂಡು ಬರಲಿದೆ. ಖರ್ಚಿನ ಪ್ರಮಾಣವು ಹೆಚ್ಚಿದೆ.

ವೃಶ್ಚಿಕ: ನಿಮ್ಮ ಪ್ರಾಪಂಚಿಕ ಜೀವನವು ಸುಖಕರವಾಗಲಿದೆ. ಬಂಧುಗಳು ಪ್ರೀತಿ ವಿಶ್ವಾಸದಿಂದ ನಡೆಯುವರು. ವಿರೋಧಿಗಳಿಂದ ಉಪದ್ರವವು ಕಂಡುಬರಲಿದೆ. ತಾಳ್ಮೆ ಸಹನೆಯ ಅವಶ್ಯಕತೆಯು ಕಂಡು ಬರಲಿದೆ.

ಧನು: ನಿಮ್ಮ ಕೌಟುಂಬಿಕ ಜೀವನವು ಸಮಾಧಾನಕರವಾಗಲಿದೆ. ಆದರೂ ಆಗಾಗ ಸ್ವಲ್ಪ ಕಿರಿಕಿರಿಯು ಕಾಡಲಿದೆ. ವಾದವಿವಾದಗಳಿಂದ ದೂರ ಇದ್ದರೆ ಉತ್ತಮ. ವ್ಯಾಪಾರ, ವ್ಯವಹಾರವು ಅಲ್ಪ ಪ್ರಮಾಣದಲ್ಲಿ ಕುಂಟುತ್ತಾ ಸಾಗಲಿದೆ.

ಮಕರ: ಅಧಿಕ ಖರ್ಚು, ಹಣದ ಅಡಚಣೆಯು ಕಂಡು ಬರವುದು. ಯಾರೊಂದಿಗೂ ಹೇಳಿಕೊಳ್ಳಲಾಗದ ಸ್ಥಿತಿ ನಿಮ್ಮದು. ಎಲ್ಲಾ ಕೆಲಸ ಕಾರ್ಯಗಳಲ್ಲಿ ಅಡಚಣೆಯು ಕಂಡು ಬರುವುದು. ಕೌಟುಂಬಿಕ ಜೀವನದಲ್ಲಿ ಸೌಖ್ಯವೂ ಸಂತೋಷ ಇರುವುದು.

ಕುಂಭ: ನಿಮ್ಮ ವ್ಯಾಪಾರ, ವ್ಯವಹಾರಗಳಲ್ಲಿ ಅಡ್ಡಿ ಆತಂಕಗಳು ಮುಂದುವರಿಯಲಿದೆ. ಹಣಕಾಸಿನ ಅಡಚಣೆಯು ಹೆಚ್ಚಾಗಲಿದೆ. ಎಲ್ಲಾ ಕೆಲಸಗಳಲ್ಲಿ ಆತಂಕಗಳು, ಹಲವಾರು ಚಿಂತೆಗಳು, ಕುಟುಂಬದಲ್ಲಿ ಅಸಮಾಧಾನವು ಕಂಡುಬರುವುದು.

ಮೀನ: ಆ ಆಗಾಗ ಅಸಮಾಧಾನದ ಘಟನೆಗಳಿಂದ ಹೆಂಡತಿ, ಮಕ್ಕಳೊಂದಿಗೆ ವಿರಸ ಕಂಡುಬರಲಿದೆ. ಅತಿಯಾದ ಬೇಸರದಿಂದ ಆರೋಗ್ಯದಲ್ಲಿ ಏರುಪೇರಾದೀತು. ಬಂಧುಗಳಿಂದ ಅಸಹಕಾರ ಮೂಡಿಬರಲಿದೆ. ಸಂಚಾರವಿರುತ್ತದೆ.