ನಿಮ್ಮ ಗ್ರಹಬಲ: ಈ ರಾಶಿಯ ಅವಿವಾಹಿತರಿಗೆ ಇಂದು ಮಂಗಲ ಕಾರ್ಯದ ಶುಭವಾರ್ತೆ

Team Udayavani, Jan 9, 2021, 7:56 AM IST

09-01-2021

ಮೇಷ: ಸ್ಥಾನ ಪ್ರಾಪ್ತಿಯೂ, ಮುಂಭಡ್ತಿಯು ದೊರಕುವುದರಿಂದ ಕೊಂಚ ನೆಮ್ಮದಿ ಕಂಡುಬರಲಿದೆ. ಸೋದರ ವರ್ಗದವರೊಡನೆ ಮನಸ್ತಾಪ ಕಂಡುಬಂದೀತು. ಬಂಧುವರ್ಗದವರಿಗೆ ಉಪಕಾರ ಮಾಡುವಿರಿ.

ವೃಷಭ: ಕಾರ್ಯ ಹೊರೆಯಿಂದ ಬೇಸರ, ಅಪವಾದದ ಭಯ ಕಂಡುಬಂದೀತು. ಸಾಹಸ ಪ್ರವೃತ್ತಿಯವರಿಗೆ ಸೂಕ್ತ ಅವಕಾಶ ಕಂಡುಬಂದೀತು. ಎಚ್ಚರ ತಪ್ಪಿದ್ದಲ್ಲಿ ಪತನ ಭಯವೂ ಕಂಡುಬಂದೀತು. ಶುಭವಾರ್ತೆ.

ಮಿಥುನ: ದೂರ ಪ್ರಯಾಣದಿಂದ ಆರೋಗ್ಯ ಹಾನಿ ಹಾಗೂ ಖರ್ಚಿನ ಬಾಬ್ತು ಹೆಚ್ಚು ಕಂಡುಬಂದೀತು. ಗೆಳೆತನದ ಸಹಾಯಹಸ್ತ ಕಂಡುಬರುವುದು. ಮಕ್ಕಳ ಆರೋಗ್ಯದ ಬಗ್ಗೆ ಚಿಂತೆಯಾದೀತು. ಮಕ್ಕಳಿಂದ ಸಂತೋಷ.

ಕರ್ಕ: ವಿದ್ಯಾರ್ಥಿಗಳಿಗೆ ಅಭ್ಯಾಸದಲ್ಲಿ ವಿಳಂಬದಿಂದ ತೊಂದರೆ. ಕೃಷಿ ಕಾರ್ಯಕ್ಕೆ ಭಂಗ ಕಂಡುಬರಲಿದೆ. ಬರಬೇಕಾದ ಹಣವು ನಿಧಾನವಾದರೂ ಕೈಗೆ ಬರುವುದು. ಜಗಳ, ವಿವಾದಗಳ ಸಹವಾಸಕ್ಕೆ ಹೋಗದಿರುವುದು.

ಸಿಂಹ: ಆರೋಗ್ಯ ಹಾಗೂ ಮಾನಸಿಕವಾಗಿ ತುಂಬಾ ಚಿಂತೆಗೊಳಗಾಗಿರುವಿರಿ. ಶುಭ ಕಾರ್ಯ, ಧರ್ಮಕಾರ್ಯ ಗಳಲ್ಲಿ ವಿಘ್ನ ಕಂಡುಬರಲಿದೆ. ಅಧಿಕಾರಿ ವರ್ಗದವರಿಂದ ಕಿರಿಕಿರಿ ತೋರಿಬಂದು ಅಸಮಾಧಾನವಾದೀತು.

ಕನ್ಯಾ: ಮೋಸದ ವ್ಯವಹಾರದವರ ವ್ಯೂಹದಿಂದ ಹೊರಗೆ ಬರುವುದು ಉತ್ತಮ. ನೀವು ಸಿಕ್ಕಿ ಹಾಕಿಕೊಳ್ಳುವಿರಿ. ಹಣದ ಮುಗ್ಗಟ್ಟು ಕಾಡುತ್ತಿದ್ದರೂ ಸ್ಥಾನಮಾನಕ್ಕೆ ಸ್ಥಿರತೆ ಇರುವುದು. ಯಾತ್ರೆಯ ಸಂಭವವಿದೆ.

ತುಲಾ: ದೇಹಾರೋಗ್ಯದಲ್ಲಿ ಏರುಪೇರು ಕಂಡು ಬರಲಿದೆ. ಪ್ರವಾಸದಿಂದ ನಿರೀಕ್ಷೆಗೆ ಮೀರಿ ಖರ್ಚು ಬಂದೀತು. ಆದರೂ ಸಂತೃಪ್ತಿ ಇದೆ. ಅವಿವಾಹಿತರಿಗೆ ಮಂಗಲ ಕಾರ್ಯದ ಶುಭವಾರ್ತೆ. ಸಂತಾನ ಲಾಭ ಕಂಡುಬರುವುದು.

ವೃಶ್ಚಿಕ: ಮುಂಗೋಪವನ್ನು ಕಡಿಮೆ ಮಾಡಿಕೊಳ್ಳಿರಿ. ಪೋಷಕರ ಆರೋಗ್ಯಕ್ಕಾಗಿ ಖರ್ಚು ಬರಲಿದೆ. ಭಡ್ತಿಯ ಸಂಭವವೂ ದೂರವಾದೀತು. ಮಂಗಲ ಕಾರ್ಯದ ಸಂಭ್ರಮ ತಂದೀತು. ಹಿತಶತ್ರುಗಳಿಂದ ದೂರವಿರಿ.

ಧನು: ಕ್ಷುಲ್ಲಕ ವಿಷಯಕ್ಕಾಗಿ ಜಗಳ ಮಾಡಿ ಸಂಬಂಧವನ್ನು ಕೆಡಿಸಿಕೊಳ್ಳದಿರಿ. ತೂಕತಪ್ಪಿ ಮಾತನಾಡದಿರುವುದೇ ಲೇಸು. ಧಾರ್ಮಿಕ ಪ್ರಕ್ರಿಯೆಗಳಿಗೆ ವಿಘ್ನ ಮೂಡಿ ಬಂದು ನಿಶ್ಚಿತ ಸಮಯದಲ್ಲಿ ನಡೆಯಲಾರದು.

ಮಕರ: ಕಲಾವಿದರಿಗೆ ಸಾಫ‌ಲ್ಯವಿದೆ. ಆದರೂ ಯೋಗ್ಯ ಪುರಸ್ಕಾರ ದೊರೆಯದು. ವೈವಾಹಿಕ ಹಾಗೂ ಮಂಗಲ ಕಾರ್ಯ ಮುಂದೆ ಹೋಗಲಿದೆ. ದೀರ್ಘ‌ಕಾಲೀಕ ಧನವಿನಿಯೋಗ ಸಾಫ‌ಲ್ಯ ತಂದುಕೊಡಲಿದೆ. ಆಕಸ್ಮಿಕ ಪ್ರಯಾಣವಿದೆ.

ಕುಂಭ: ಕರ ಸಂದಾಯದ ಚಿಂತೆಯಿದ್ದರೂ ಗೃಹಕೃತ್ಯದಲ್ಲಿ ತೃಪ್ತಿ ಇದೆ. ಉಷ್ಣಭಾದೆಯಿಂದಲೋ,ರಕ್ತದೋಷದಿಂದಲೋ ಆರೋಗ್ಯ ಹಾನಿಯಿದೆ. ಹೊಸದಾಗಿ ಉದ್ಯೋಗ ಪ್ರಾಪ್ತಿ ಸಂಭವವಿದೆ. ದೂರದೂರಿಗೆ ಪ್ರಯಾಣವಿದೆ.

ಮೀನ: ಕಾರ್ಯಬಾಹುಳ್ಯದಿಂದ ದೇಹಭಾದೆ, ಶಿಕ್ಷಣಕ್ಕಾಗಿ ಧನವಿನಿಯೋಗ, ಗೃಹ ಪರಿಹಾರಕ್ಕಾಗಿ ಖರ್ಚು ಹೆಚ್ಚಲಿದೆ. ನೆಂಟರಿಷ್ಟರ ಆಗಮನದಿಂದ ಕೊಂಚ ಸಂತಸವಿದ್ದರೂ ಬೇಡಿಕೆಗೂ, ಪೂರೈಕೆಗೂ ಅಜಗಜಾಂತರ. ಚಿಂತೆ ತಪ್ಪದು.

ಎನ್.ಎಸ್.ಭಟ್