ಇಂದಿನ ಗ್ರಹಬಲ: ವೈಯಕ್ತಿಕವಾಗಿ ಆಗುಹೋಗುಗಳಲ್ಲಿ ಚಿಂತಿತರಾಗದೆ ಧೈರ್ಯದಿಂದ ಮುನ್ನಡೆಯಿರಿ

Team Udayavani, Feb 15, 2021, 7:46 AM IST

15-02-2021

ಮೇಷ: ಇತರರ ಅಧಿಕಾರವನ್ನು ಸಹಿಸದ ನೀವು ಉದ್ದೇಶವನ್ನೇ ಪ್ರತಿಪಾದಿಸುವ ಮುಖಂಡತ್ವ ಸಾಧಿಸುವುದು ಖಂಡಿತ. ಸ್ವತಂತ್ರ ಜೀವನದ ಅಪೇಕ್ಷೆಯಿಂದ ಇರುವ ನೀವು ಬೇರೆಯವರ ಕೈಕೆಳಗೆ ಇರಲಾರಿರಿ.

ವೃಷಭ: ಮಾತಾಪಿತರಲ್ಲಿ ಗೌರವ, ಸ್ವಂತ ಕುಟುಂಬದಲ್ಲಿ ಆಸಕ್ತಿ- ಪ್ರೀತಿ ಹೊಂದಿರುವ ನಿಮಗೆಸಮಾಧಾನ ಸಿಗಲಿದೆ. ವೈಯಕ್ತಿಕವಾಗಿ ಆಗು- ಹೋಗುಗಳಲ್ಲಿ ಚಿಂತಿತರಾಗದೆ ಧೈರ್ಯದಿಂದ ಮುನ್ನಡೆ, ಜಯಸಾಧಿಸುವಿರಿ.

ಮಿಥುನ: ಆಗಾಗ ದೇಹಾಯಾಸ, ಆರೋಗ್ಯ ನಷ್ಟ ಕೊಟ್ಟು ಕ್ಷೇಶ ತಂದೀತು. ಆದರೆ ಧನ ಸಂಪತ್ತಿಗೆ ಕೊರತೆಯು ಕಾಣದು. ಹೆಚ್ಚಿನ ಸಮಸ್ಯೆಗಳು ಕಂಡು ಬಂದರೂ ಅದು ಮಿಂಚಿನಂತೆ ಕರಗಿ ಹೋಗಲಿದೆ. ಶುಭವಿದೆ.

ಕರ್ಕ: ಸಮಸ್ಯೆಗಳು ಹೆಚ್ಚಿನ ರೀತಿಯಲ್ಲಿ ತೋರಿಬರುವುದರಿಂದ ಮನಸ್ಸನ್ನು ಆದಷ್ಟು ನಿಗ್ರಹಿಸುವ ಅಗತ್ಯವಿದೆ. ಶತ್ರುವಿನ ಕೈವಾಡದಿಂದ ವ್ಯವಹಾರದಲ್ಲಿ ಆರ್ಥಿಕ ಕ್ಷೋಭೆ, ಗೃಹ ಕೃತ್ಯದಲ್ಲಿ ಹಲವು ಸಮಸ್ಯೆ ಎದುರಾಗಲಿದೆ.

ಸಿಂಹ: ಯಾವುದೇ ಪರಿಸ್ಥಿತಿಯನ್ನು ಚೆನ್ನಾಗಿ ಎದುರಿಸಿ ನಿಭಾಯಿಸಿ ಮುಂದುವರಿಯುವ ಸಾಧ್ಯತೆ ತಂದೀತು. ವಿವಿಧ ರೀತಿಯಲ್ಲಿ ಧನಾಗಮನಗಳು ಸಕಾಲದಲ್ಲಿ ನಡೆಯುವ ಕೆಲಸ ಕಾರ್ಯಗಳಿಗೆ ಅನುಕೂಲವಾಗಲಿದೆ.

ಕನ್ಯಾ: ಕುಟುಂಬದಲ್ಲಿ ಮಂಗಲ ಕಾರ್ಯಗಳಾದ ಉಪನಯನ, ವಿವಾಹ, ದೇವತಾ ಕಾರ್ಯಗಳಿಂದ ಸಂತಸ ತೋರಿಬರಲಿದೆ. ಹಾಗೇ ಜೀವನವನ್ನು ಇನ್ನಷ್ಟು ಪ್ರಗತಿ ಪಥದಲ್ಲಿ ಮುನ್ನಡೆಸಲು ಸಹಕಾರಿಯಾದೀತು.

ತುಲಾ: ಗುರುವಿನ ಪ್ರತಿಕೂಲತೆ ಆಗಾಗ ಸಮಸ್ಯೆಗಳನ್ನು ತಂದೊಡ್ಡಬಹುದು. ನಿಮ್ಮಿಂದ ಸಹಾಯ ಪಡೆದಮಿತ್ರರು ನಿಮಗೆ ವಂಚಿಸಲಿದ್ದಾರೆ. ಅಧಿಕಾರಿ ವರ್ಗದವರಿಂದ ಅಹಂಭಾವ ತಲೆಯನ್ನು ಕೆಡಿಸಲಿದೆ.

ವೃಶ್ಚಿಕ: ಕೌಟುಂಬಿಕವಾಗಿ ಸ್ತ್ರೀಮೂಲವಾದ ವಿವಾದವೊಂದು ತಲೆಹರಟೆ ತಂದೀತು. ಅಡಿಗೆ ವೃತ್ತಿಯವರಿಗೆ ಉತ್ತಮ ಲಾಭವು ದೊರಕಲಿದೆ. ಬ್ಯಾಂಕಿಂಗ್‌ ಉದ್ಯಮದವರಿಗೆ ಪ್ರಗತಿ ಇರುತ್ತದೆ. ವಿಲಾಸೀ ವಸ್ತು ಖರೀದಿ ಇದೆ.

ಧನು: ಉದ್ಯಮಿಗಳಿಗೆ ಚೇತರಿಕೆಯು ಕಂಡು ಬರುವುದು. ಆದರೆ ಮಾನಸಿಕವಾಗಿ ಸಮಾಧಾನವಿರದು. ಕೈಹಾಕಿದ ಕೆಲಸ ಕಾರ್ಯಗಳು ಅರ್ಧದಲ್ಲೇ ನಿಂತು ಹೋದಾವು. ಸತತ ಪರಿಶ್ರಮದಿಂದ ವಿಜಯಶಾಲಿಯಾಗುವಿರಿ.

ಮಕರ: ಪ್ರವಾಸ, ಯಾತ್ರಾದಿಗಳಿಂದ ಸತ್ಪಲ ದೊರಕಲಿದೆ. ಸ್ವರ್ಣ ವ್ಯಾಪಾರಿಗಳಿಗೆ ಉತ್ತಮ ಲಾಭವಿದ್ದು ಸಂತಸ ತರಲಿದೆ. ನೂತನ ದಂಪತಿಗಳಿಗೆ ಸಂತಾನಪ್ರಾಪ್ತಿ ಇದೆ. ಅವಿವಾಹಿತರಿಗೆ ಮಾಂಗಲ್ಯ ಭಾಗ್ಯವಿದೆ.

ಕುಂಭ: ಆದಾಯವು ಉತ್ತಮವಿದ್ದರೂ ಸಮಸ್ಯೆಗಳು ತೊಡಕುಗಳು ತಲೆ ತಿನ್ನಲಿವೆ. ಆರೋಗ್ಯದ ಏರುಪೇರು ಕಡಿಮೆಯಾಗಿ ಸಮಾಧಾನವಾಗಲಿದೆ. ನಿಶ್ಚಿಂತೆಯಿಂದ ಎದುರಾದ ಸಮಸ್ಯೆಗಳಿಗೆ ಪರಿಹಾರ ಹುಡುಕುವಿರಿ.

ಮೀನ: ಕುಟುಂಬ ಸ್ಥಾನದಲ್ಲಿ ನಿಮ್ಮ ಸ್ಥಾನಮಾನ, ಗೌರವಕ್ಕೆ ಚ್ಯುತಿಯಾಗದು. ಚಿನ್ನ, ಬೆಳ್ಳಿ ಖರೀದಿಗೆ ಇದು ಸಕಾಲವಾಗಲಿದೆ. ಗಂಡಂದಿರ ಬಗ್ಗೆ ಹೆಚ್ಚಿನ ಜಾಗ್ರತೆ ವಹಿಸಿರಿ. ಕಾರ್ಯಸಾಧನೆಯಾಗಲಿದೆ. ಶುಭವಿದೆ.

ಎನ್.ಎಸ್. ಭಟ್‌