ನಿಮ್ಮ ಗ್ರಹಬಲ: ಈ ರಾಶಿಯ ಉದ್ಯೋಗಿಗಳಿಗೆ ಅನಿರೀಕ್ಷಿತ ಉದ್ಯೋಗ ಬದಲಾವಣೆ ಇದ್ದೀತು.

Team Udayavani, Feb 18, 2021, 7:40 AM IST

18-02-2021

ಮೇಷ: ನಿಮ್ಮ ಇಷ್ಟಾರ್ಥ ಸಿದ್ಧಿಗೆ ಸೂಚನೆ ದೊರಕಲಿದೆ. ಕಾರ್ಯರಂಗದಲ್ಲಿ ನಾನಾ ರೀತಿಯ ಉತ್ಸಾಹದ ಚಟುವಟಿಕೆಗಳು ಗೋಚರಕ್ಕೆ ಬರುತ್ತದೆ. ಆರ್ಥಿಕವಾಗಿ ಆದಾಯವಿರುತ್ತದೆ. ಕಿರು ಸಂಚಾರವಿರುತ್ತದೆ.

ವೃಷಭ: ಗೃಹದಲ್ಲಿ ಶುಭಮಂಗಲ ಯಾ ದೇವತಾ ಕಾರ್ಯಗಳು ಜರಗಿ ಸಂಭ್ರಮವೆನಿಸಲಿದೆ. ಮಿತ್ರ ವರ್ಗ ಯಾ ಬಂಧುಬಳಗದವರ ಸಮ್ಮಿಲನದಿಂದ ಸಂತಸವಾಗಲಿದೆ. ಆರೋಗ್ಯವು ಸುಧಾರಣೆಯಾಗಲಿದೆ.

ಮಿಥುನ: ವ್ಯಾಪಾರ, ವ್ಯವಹಾರಗಳಲ್ಲಿ ಕೊಂಚ ಉತ್ತೇಜನ ತೋರಿ ಬರುವುದು. ಮನೆಯಲ್ಲಿ ಪತ್ನಿಯಿಂದ ಒಳ್ಳೆಯ ಸಹಕಾರವು ತೋರಿಬರುವುದು. ಉದ್ಯೋಗಿಗಳಿಗೆ ಅನಿರೀಕ್ಷಿತ ಉದ್ಯೋಗ ಬದಲಾವಣೆ ಇದ್ದೀತು.

ಕರ್ಕ: ಸಂಚಾರದಲ್ಲಿ ಜಾಗ್ರತೆ ಮಾಡಿರಿ. ಆರ್ಥಿಕ ಸ್ಥಿತಿಯಲ್ಲಿ ಅಭಿವೃದ್ಧಿ ಕಂಡುಬರುವುದು. ಯಾವ ಕೆಲಸಕ್ಕೆ ಕೈಹಾಕುವ ಮುನ್ನ ಆಲೋಚಿಸಿ ಮುನ್ನಡೆಯಿರಿ. ಬಂಧುಗಳ ಆಗಮನದಿಂದ ಸಮಾಧಾನವಾಗಲಿದೆ.

ಸಿಂಹ: ತಾತ್ಕಾಲಿಕ ಹುದ್ದೆಯವರಿಗೆ ಸಂತಸ ದೊರಕಲಿದೆ. ದೂರ ಸಂಚಾರದಿಂದ ಕಾರ್ಯಾನುಕೂಲವಾಗಲಿದೆ. ವಾರಾಂತ್ಯದಲ್ಲಿ ಆಭರಣ ಯಾ ವಸ್ತುಗಳ ಖರೀದಿಯು ಕಂಡುಬಂದೀತು. ಗೆಳೆಯರಿಂದ ಸಲಹೆ ಸಿಗಲಿದೆ.

ಕನ್ಯಾ: ಉದ್ವೇಗ ಹಾಗೂ ಆತಂಕಗಳು ಹಂತಹಂತವಾಗಿ ಕಡಿಮೆಯಾಗಲಿದೆ. ನೂತನ ಸಂಬಂಧದ ಮಾತುಕತೆಗಳು ಫ‌ಲಪ್ರದವಾಗಲಿದೆ. ಆರೋಗ್ಯದ ಬಗ್ಗೆ ಆಗಾಗ ಕೊರತೆ ಕಾಣಿಸಿದರೂ ದೈವಾನುಗ್ರಹದಿಂದ ಸರಿ ಹೋದೀತು.

ತುಲಾ: ಉದ್ಯೋಗಿಗಳಿಗೆ ಕೆಲಸದಲ್ಲಿನ ಶ್ರದ್ಧೆಯು ಮುಂಭಡ್ತಿಗೆ ಕಾರಣವಾಗಲಿದೆ. ಕಾರ್ಯರಂಗದಲ್ಲಿ ಪದೇ ಪದೇ ಕಿರುಕುಳ ಕೊಡುತ್ತಿದ್ದ ಶತ್ರುಗಳು ಹೇಳ ಹೆಸರಿಲ್ಲದಂತೆ ದೂರವಾದಾರು. ಧಾರ್ಮಿಕ ಮನೋಭಾವ ಬೆಳೆಸಿಕೊಳ್ಳಿ.

ವೃಶ್ಚಿಕ: ಆರ್ಥಿಕ ಪರಿಸ್ಥಿತಿಯಲ್ಲಿ ಆಯವು ಅಧಿಕ ವಿದ್ದರೂ ವ್ಯಯವು ಅಷ್ಟೇ ಕಂಡುಬರುವುದು. ಕೆಲಸ ಕಾರ್ಯದ ಜವಾಬ್ದಾರಿ, ಸಂಚಾರಗಳು ಅಧಿಕವಾದೀತು. ನಿಮ್ಮ ಪ್ರಭಾವಕ್ಕೆ, ಉನ್ನತಿಗೆ ಹಿತಶತ್ರುಗಳು ಅಸೂಯೆಪಟ್ಟಾರು.

ಧನು: ಆಗಾಗ ಅಭಿವೃದ್ಧಿದಾಯಕ ವಾತಾವರಣ ತೋರಿಬಂದರೂ ಅಸುಖ, ಅತೃಪ್ತಿ ಹಣದ ಮುಗ್ಗಟ್ಟು ಅನುಭವಕ್ಕೆ ಬರಲಿದೆ. ದೂರಸಂಚಾರದಲ್ಲಿ ಜಾಗ್ರತೆ ಮಾಡಿರಿ. ಅನಿರೀಕ್ಷಿತ ಅವಘಡಗಳು ಸಂಭವಿಸೀತು. ಜಾಗ್ರತೆ ಮಾಡಿರಿ.

ಮಕರ: ಕಾರ್ಯಶೀಲರಾದ ನಿಮಗೆ ನಿಮ್ಮ ಪ್ರಯತ್ನಬಲವನ್ನು ಹಾಗೂ ವಿಶ್ವಾಸವನ್ನು ಒರೆಗಲ್ಲಿಗೆ ತಿಕ್ಕಿ ನೋಡುವ ಪ್ರಸಂಗಗಳು ಎದುರಾಗಲಿದೆ. ಮಕ್ಕಳಿಂದ ಸಂತಸ, ಸಮಾಧಾನವು ದೊರಕಲಿದೆ. ಸಹನೆ ಇರಲಿ.

ಕುಂಭ: ನಿರುದ್ಯೋಗಿಗಳಿಗೆ ಜೀವನ ಕಹಿ ಎನಿಸಲಿದೆ. ಬ್ಯಾಂಕಿಂಗ್‌ ವ್ಯವಹಾರದಲ್ಲಿ ಪ್ರಗತಿ ಇರದು. ರಾಜಕೀಯ ದಲ್ಲಿ ಗೊಂದಲಗಳಿದ್ದರೂ ಹೊಸ ಸ್ಥಾನಮಾನ ಕಲ್ಪಿಸಲಿದೆ. ಕ್ರಿಯಾಶೀಲತೆಯಲ್ಲಿ ನೀವಿಟ್ಟ ವಿಶ್ವಾಸ ಸಫ‌ಲವಾಗಲಿದೆ.

ಮೀನ: ವೃತ್ತಿರಂಗದಲ್ಲಿ ಹಿತಶತ್ರುಗಳ ಪೀಡೆ ಕಂಡುಬರಲಿದೆ. ಮನೆಯಲ್ಲಿ ಶುಭಮಂಗಲ ಕಾರ್ಯದ ಚಟುವಟಿಕೆ ಕಂಡುಬರಲಿದೆ. ಆದಾಯದ ಕೊರತೆ ಇಲ್ಲವಾದರೂ ಖರ್ಚುವೆಚ್ಚಗಳು ನಿರಂತರವಾಗಿರುತ್ತದೆ.

ಎನ್‌.ಎಸ್‌. ಭಟ್‌