ನಿಮ್ಮ ಇಂದಿನ ಗ್ರಹಬಲ: ಈ ರಾಶಿಯ ಅವಿವಾಹಿತರಿಗೆ ವೈವಾಹಿಕ ಪ್ರಸ್ತಾವಗಳು ಕಂಡುಬರುವುದು

Team Udayavani, Feb 19, 2021, 8:03 AM IST

19-02-2021

ಮೇಷ: ಧಾರ್ಮಿಕ ಕಾರ್ಯಗಳಲ್ಲಿ ವಿಶೇಷ ರೀತಿಯಲ್ಲಿ ಆಸಕ್ತಿಯು ತೋರಿಬರುವುದು. ನಿರುದ್ಯೋಗಿಗಳಿಗೆ ಉದ್ಯೋಗಕ್ಕಾಗಿ ಹೆಚ್ಚು ಶ್ರಮ ಪಡಬೇಕಾದೀತು. ಉತ್ತಮ ಧನಾಗಮನವಿದ್ದರೂ ಮನಸ್ಸಿಗೆ ಸಮಾಧಾನವಿಲ್ಲ.

ವೃಷಭ: ವೃತ್ತಿರಂಗದಲ್ಲಿ ಅಧಿಕಾರಿ ವರ್ಗದವರ ದಬ್ಟಾಳಿಕೆಯು ಕಂಡುಬಂದು ಮನಸ್ಸು ರೋಸಿ ಹೋದೀತು. ಸಾಮಾಜಿಕವಾಗಿ ಹಲವು ಕಾರ್ಯಗಳಲ್ಲಿ ತೊಡಗಿಸಿ ಕೊಳ್ಳುವುದರಿಂದ ವ್ಯವಧಾನವೇ ದೊರಕದು. ಶುಭವಿದೆ.

ಮಿಥುನ: ಶಿಕ್ಷಣ ಕ್ಷೇತ್ರದಲ್ಲಿ ಸಣ್ಣಪುಟ್ಟ ಬದಲಾವಣೆ ಇದ್ದರೂ ಸ್ಥಾನಮಾನ, ಗೌರವ, ಪ್ರಶಂಸೆಗೆ ಕುಂದು ಬಾರದು. ಶುಭದಿನಗಳು ಒಂದೊಂದಾಗಿ ಕಂಡುಬಂದು ಸಂತೋಷ ತರುವುದು. ತಾಳ್ಮೆಯಿಂದ ಕಾಯಿರಿ.

ಕರ್ಕ: ಪ್ರಾರಂಭಿಸಿರುವ ಕೆಲಸ ಕಾರ್ಯಗಳು ಉತ್ತಮ ರೀತಿಯಲ್ಲಿ ಕೈಗೂಡಿ ಸಮಾಧಾನ ತರಲಿದೆ. ಅವಿವಾಹಿತರಿಗೆ ವೈವಾಹಿಕ ಪ್ರಸ್ತಾವಗಳು ಕಂಡುಬರುವುದು. ಮಿತ್ರರಿಂದ ಸಹಕಾರವು ದೊರೆಯಲಿದೆ.

ಸಿಂಹ: ಉದ್ಯೋಗಿ ಜನರಿಗೆ ಅನಿರೀಕ್ಷಿತವಾಗಿ ಮುಂಭಡ್ತಿಯ ಅವಕಾಶವು ಒದಗಿ ಬರುವುದು. ಆರ್ಥಿಕವಾಗಿ ಖರ್ಚಿನ ಅಂಶವು ಅಧಿಕವಾಗಲಿದ್ದು ಆಲೋಚನೆಗೆ ಆಸ್ಪದ ತರುವುದು. ಒಳ್ಳೆಯ ದಿನಗಳಿವೆ.

ಕನ್ಯಾ: ವ್ಯಾಪಾರಾದಿ ಉದ್ಯಮಗಳಲ್ಲಿ ಲಾಭಾಂಶವು ಹಂತಹಂತವಾಗಿ ಹೆಚ್ಚಲಿದೆ. ಸಾಂಸಾರಿಕ ಜೀವನದಲ್ಲಿ ಸ್ವಲ್ಪ ವಿರಸ ಉಂಟಾಗಬಹುದಾದರೂ ಸುಧಾರಿಸಿ ಕೊಂಡು ಹೋಗಬಹುದು. ಬೆಸ್ತರಿಗೆ ಸ್ವಲ್ಪ ಉತ್ತಮವಿದೆ.

ತುಲಾ:ದೇಹಾರೋಗ್ಯದ ಬಗ್ಗೆ ಗಮನಕೊಡಿರಿ. ನೂತನ ಕಾರ್ಯಾರಂಭಕ್ಕೆ ದುಡುಕದಿರಿ. ಅವಿವಾಹಿತರಿಗೆ ಇದು ಉತ್ತಮ ಕಾಲವಲ್ಲ . ತಾಳ್ಮೆ ಸಮಾಧಾನದಿಂದ ಕಾಯುವುದು ಉತ್ತಮ. ಮನಸಂಕಲ್ಪ ಉತ್ತಮವಿರಲಿ.

ವೃಶ್ಚಿಕ: ಪ್ರಯತ್ನಬಲಕ್ಕೆ ಹೆಚ್ಚಿನ ಒತ್ತು ನೀಡಿದರೆ ಕಾರ್ಯದಲ್ಲಿ ಸಫ‌ಲವಾಗುವಿರಿ. ಆಗಾಗ ಅನಾರೋಗ್ಯದ ಅನುಭವವಾದರೂ ಒಟ್ಟಿನಲ್ಲಿ ಆರೋಗ್ಯವು ಉತ್ತಮವಿರುವುದು. ವೃತ್ತಿರಂಗದಲ್ಲಿ ಸ್ಥಾನಮಾನ ದೊರಕೀತು.

ಧನು: ನಿಮ್ಮ ಇಷ್ಟ ಕಾರ್ಯಗಳು ವಿಳಂಬ ಗತಿಯಲ್ಲಿ ನಡೆದರೂ ನೆರವೇರಿ ಸಂತೋಷ, ಸುಖಗಳು ದೊರಕಲಿದೆ. ಗೃಹದಲ್ಲಿ ಪತ್ನಿ, ಮಕ್ಕಳಿಂದ ಸಹಕಾರ ದೊರೆತು ಸಮಾಧಾನವಾಗಲಿದೆ. ದಿನವಿಡೀ ದುಡಿತವಿದೆ.

ಮಕರ: ಕೌಟುಂಬಿಕವಾಗಿ ಸಮಾಧಾನವಿದ್ದರೂ ಮನಸ್ಸಿ ನೊಳಗೆ ಚಿಂತೆಗಳು ಕಾಡಲಿವೆ. ನೀವು ಸದಾಕಾಲ ಚಟುವಟಿಕೆಯಿಂದ ಇರುವುದು ಒಳ್ಳೆಯದು. ಕೆಲಸ ಕಾರ್ಯಗಳಲ್ಲಿ ಸ್ವಲ್ಪ ಮಟ್ಟಿನ ಸುಧಾರಣೆ ಇದೆ.

ಕುಂಭ: ಒಮ್ಮೊಮ್ಮೆ ಮನಸ್ಸು ಯಾವುದೇ ನಿರ್ಧಾರ ತೆಗೆದುಕೊಳ್ಳಲು ಪೇಚಾಡಬೇಕಾದೀತು. ಆರ್ಥಿಕ ಸ್ಥಿತಿ ಒಂದು ಹಂತದಲ್ಲಿ ಅಭಿವೃದ್ಧಿಯಾಗಿ ಹೋಗುತ್ತಲೇ ಇರುತ್ತದೆ. ಆರೋಗ್ಯ ಸ್ಥಿತಿಯು ತೃಪ್ತಿಕರವಾಗಿ ಸಂತಸ.

ಮೀನ: ಯಾವುದೇ ರೀತಿಯ ತಾಪತ್ರಯಗಳಿಗೆ ಸಿಲುಕದಂತೆ ಜಾಗ್ರತೆ ವಹಿಸಿರಿ. ನಿಮ್ಮ ಹಿತಶತ್ರುಗಳು ನಿಮ್ಮನ್ನು ಸಿಲುಕಿಸಿಯಾರು. ಆರ್ಥಿಕವಾಗಿ ಅಭಿವೃದ್ಧಿ ಇದ್ದರೂ ನಿಮ್ಮ ತಾಪತ್ರಯ ಮುಗಿಯದು.

ಎನ್‌.ಎಸ್‌. ಭಟ್‌