ಕಾಂಗ್ರೆಸ್ ಭಯೋತ್ಪಾದಕರ ಜತೆ ನಿಂತಿದೆ..: ‘ದಿ ಕೇರಳ ಸ್ಟೋರಿ’ ಉಲ್ಲೇಖಿಸಿ ಪ್ರಧಾನಿ ಮೋದಿ

Team Udayavani, May 5, 2023, 4:20 PM IST

ಬಳ್ಳಾರಿ: ಕೇರಳ ರಾಜ್ಯದಲ್ಲಿನ ಧಾರ್ಮಿಕ ಮತಾಂತರಗಳನ್ನು ಆಧರಿಸಿದ ‘ದಿ ಕೇರಳ ಸ್ಟೋರಿ’ ಚಲನಚಿತ್ರವು ಭಯೋತ್ಪಾದನಾ ಸಂಘಟನೆಯ ನೈಜತೆ ಮತ್ತು ಅವರ ತಂತ್ರಗಳನ್ನು ಬಹಿರಂಗಪಡಿಸುತ್ತದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.

ಬಳ್ಳಾರಿಯಲ್ಲಿ ವಿಧಾನಸಭಾ ಚುನಾವಣೆಯ ಪ್ರಚಾರ ಸಭೆಯಲ್ಲಿ ಮಾತನಾಡಿದ ಅವರು, “ಭಯೋತ್ಪಾದನೆಯ ಸಂಚಿನ ಮೇಲೆ ನಿರ್ಮಿಸಲಾದ ಕೇರಳ ಕಥೆಯು ಇತ್ತೀಚಿನ ದಿನಗಳಲ್ಲಿ ಚರ್ಚೆಯಲ್ಲಿದೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದರು, “ಈ ಚಲನಚಿತ್ರವು ರಾಜ್ಯದಲ್ಲಿ ಭಯೋತ್ಪಾದಕರ ಸಣ್ಣ ನೀತಿಗಳನ್ನು ಬಹಿರಂಗಪಡಿಸುತ್ತದೆ” ಎಂದರು.

ಇದನ್ನೂ ಓದಿ:ಅತ್ಯಾಚಾರ ಆರೋಪ ಪ್ರಕರಣ: ಸಚಿವ ಬಾಬುಷ್ ಮೊನ್ಸೆರೇಟ್ ಗೆ ತಾತ್ಕಾಲಿಕ ರಿಲೀಫ್ 

“ದಿ ಕೇರಳದ ಸ್ಟೋರಿ ಆ ಸುಂದರ ರಾಜ್ಯದಲ್ಲಿ ಏನಾಗುತ್ತದೆ ಎಂಬುದನ್ನು ಆಧರಿಸಿದೆ. ಆದರೆ ಕಾಂಗ್ರೆಸ್ ನೋಡಿ. ಅವರು ಭಯೋತ್ಪಾದಕರ ಜೊತೆ ನಿಂತಿದ್ದಾರೆ. ಅದನ್ನು ನಿಷೇಧಿಸಲು ಪ್ರಯತ್ನಿಸುತ್ತಿದ್ದಾರೆ” ಎಂದು ಪ್ರಧಾನಿ ಮೋದಿ ಹೇಳಿದರು.

ಇಷ್ಟು ಮಾತ್ರವಲ್ಲದೆ, ಈ ಭಯೋತ್ಪಾದನೆಯ ಪ್ರವೃತ್ತಿಯೊಂದಿಗೆ ನಂಟು ಹೊಂದಿರುವವರೊಂದಿಗೆ ಹಿಂಬಾಗಿಲಿನ ರಾಜಕೀಯ ಮಾತುಕತೆಗಳಲ್ಲಿ ಕಾಂಗ್ರೆಸ್ ಸಹ ಭಾಗವಹಿಸುತ್ತಿದೆ ಎಂದು ಹೇಳಿದರು.