ಹಲವು ಕ್ಷೇತ್ರಗಳಲ್ಲಿ ಮಹಿಳಾ ಮತದಾರರೇ ನಿರ್ಣಾಯಕರು

Team Udayavani, Apr 27, 2023, 6:37 AM IST

ಬೆಂಗಳೂರು: ಒಟ್ಟು ಮತದಾರರ ಸಂಖ್ಯೆಯಲ್ಲಿ ಪುರುಷರ ಮೇಲುಗೈ ಇರಬಹುದು. ಆದರೆ ಜಿಲ್ಲಾವಾರು ಮತ್ತು ವಿಧಾನಸಭಾ ಕ್ಷೇತ್ರವಾರು ಮತದಾರರ ಸಂಖ್ಯೆ ಗಮ ನಿಸಿ ದರೆ ರಾಜ್ಯದ ಹಲವು ಕ್ಷೇತ್ರ ಗಳಲ್ಲಿ ಮಹಿಳಾ ಮತದಾರರೇ ಪ್ರಾಬಲ್ಯ ಹೊಂದಿದ್ದಾರೆ.

ರಾಜ್ಯದಲ್ಲಿ ಸದ್ಯ 5.30 ಕೋಟಿ ಮತದಾರರು ಇದ್ದಾರೆ. ಇದರಲ್ಲಿ 2.66 ಕೋಟಿ ಪುರುಷರು, 2.63 ಕೋಟಿ ಮಹಿಳೆ ಯರು. ಒಟ್ಟು ಮತ ದಾರರ ವಿಚಾರಕ್ಕೆ ಬಂದರೆ ಮಹಿಳೆಯರು ಪುರುಷ ರೊಂದಿಗೆ ನಿಕಟ ಪೈಪೋಟಿಯಲ್ಲಿ ದ್ದಾರೆ. ಜತೆಗೆ ಅರ್ಧ ರಾಜ್ಯದಲ್ಲಿ ಸ್ತ್ರೀಯರೇ ನಿರ್ಣಾಯಕರಾಗಿದ್ದಾರೆ.

ರಾಜ್ಯದ 34 ಚುನಾವಣ ಜಿಲ್ಲೆ ಗಳ ಪೈಕಿ 19 ಜಿಲ್ಲೆಗಳಲ್ಲಿ, 224 ಕ್ಷೇತ್ರ ಗಳ ಪೈಕಿ 100ರಲ್ಲಿ ಪುರುಷ ರಿಗಿಂತ ಮಹಿಳಾ ಮತ ದಾರರು ಹೆಚ್ಚಿನ ಸಂಖ್ಯೆ ಯಲ್ಲಿದ್ದಾರೆ. ಈ ಜಿಲ್ಲೆ ಮತ್ತು ವಿಧಾನಸಭಾ ಕ್ಷೇತ್ರ ಗಳಲ್ಲಿ ಪುರುಷರು ಮತ್ತು ಮಹಿಳಾ ಮತದಾರರ ನಡುವಿನ ಅಂತರ ಸಾವಿರದಿಂದ ಲಕ್ಷದವರೆಗೆ ಇದೆ.

ರಾಯಚೂರು ಜಿಲ್ಲೆಯ 7, ಉಡುಪಿ ಜಿಲ್ಲೆಯ 4, ಚಿಕ್ಕಬಳ್ಳಾಪುರ ಜಿಲ್ಲೆಯ 5, ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ 4, ದಕ್ಷಿಣ ಕನ್ನಡ ಜಿಲ್ಲೆಯ 8, ಕೊಡಗು ಜಿಲ್ಲೆಯ 2 ಕ್ಷೇತ್ರಗಳಲ್ಲಿ ಮಹಿಳೆಯರು ಪುರುಷ ಮತದಾರರಿಗಿಂತ ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ.

ಕಾರ್ಕಳ, ಕಾಪು, ಕುಂದಾಪುರದಲ್ಲಿ ತಲಾ 8 ಸಾವಿರ ಮಹಿಳಾ ಮತದಾರರು ಪುರುಷರಿಗಿಂತ ಹೆಚ್ಚಿದ್ದಾರೆ.

ವಿಜಯನಗರ (ಹೊಸಪೇಟೆ) ಕ್ಷೇತ್ರದಲ್ಲಿ 7 ಸಾವಿರ, ಉಡುಪಿಯಲ್ಲಿ 6 ಸಾವಿರ, ಬೈಂದೂರಿನಲ್ಲಿ 5 ಸಾವಿರ ಮಹಿಳಾ ಮತದಾರರು ಪುರುಷ ಮತದಾರರಿಗಿಂತ ಹೆಚ್ಚಿನ ಸಂಖ್ಯೆಯಲ್ಲಿ ಇದ್ದಾರೆ.

ಬಾಗಲಕೋಟೆ, ರಾಯಚೂರು, ಕೊಪ್ಪಳ, ಚಿತ್ರದುರ್ಗ, ಶಿವಮೊಗ್ಗ, ಉಡುಪಿ, ಚಿಕ್ಕಮಗಳೂರು, ತುಮಕೂರು, ಚಿಕ್ಕಬಳ್ಳಾಪುರ, ಕೋಲಾರ, ಬೆಂಗಳೂರು ಗ್ರಾಮಾಂತರ, ರಾಮನಗರ, ಮಂಡ್ಯ, ಹಾಸನ, ಕೊಡಗು, ದಕ್ಷಿಣ ಕನ್ನಡ ಮೈಸೂರು, ಚಾಮರಾಜನಗರ, ವಿಜಯನಗರ ಜಿಲ್ಲೆಗಳಲ್ಲಿ ಪುರುಷರಿಗಿಂತ ಮಹಿಳಾ ಮತದಾರರು ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ. ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಪುರುಷರಿಗಿಂತ ಮಹಿಳೆ ಮತದಾರರು 1 ಲಕ್ಷ ಅಧಿಕವಾಗಿದ್ದಾರೆ. ಈ ಜಿಲ್ಲೆಯಲ್ಲಿ ಪುರುಷ ಮತದಾರರು 8.70 ಲಕ್ಷ ಇದ್ದರೆ, ಮಹಿಳಾ ಮತದಾರರು 9.10 ಲಕ್ಷ ಇದ್ದಾರೆ.