‘ಮಂಜಲ್ ಪಾದೆ’ಯಲ್ಲಿ ಎರಡನೇ ಎಂಟ್ರಿ!

Team Udayavani, Jul 25, 2019, 5:00 AM IST

ಈಗಾಗಲೇ ‘ಮಂಜಲ್ ಪಾದೆ’ ಹಾಗೂ ‘ಮಿ.ವೆಂಕು’ ಎಂಬ 2 ಕಿರು ಚಿತ್ರಗಳನ್ನ ನೀಡಿದ್ದ ಟೀಮ್‌ ಕೆಟರ್‌ಬಾಕ್ಸ್‌ ನ ಮೂರನೇ ಕಿರು ಸಿನೆ ಮಾವೇ ‘ಮಂಜಲ್ಪಾದೆ-2’. ಖ್ಯಾತ ಕಲಾವಿದರಾದ ರಮೇಶ್‌ ರೈ ಕುಕ್ಕುವಳ್ಳಿ, ಭಾಸ್ಕರ್‌ ಅದ್ಯಪಾಡಿ, ತೇಜಸ್‌ ಶೆಟ್ಟಿ, ಶ್ರೀಕಾಂತ್‌ ನಾಯಕ್‌ ಈ ಸಿನೆಮಾದಲ್ಲಿ ಬಣ್ಣ ಹಚ್ಚಿದ್ದಾರೆ.

ಧನುಷ್‌ ಮೊಯಿಲಿ ಕುಡುಪು ನಿರ್ದೇಶನದ ಈ ಕಿರು ಸಿನೆಮಾದ ಕಥೆ ಹಾಗೂ ಸಂಭಾಷಣೆಯನ್ನು ಅವರೇ ಮಾಡಿದ್ದಾರೆ. ಕಾಲೇಜು ಸಮಯದಲ್ಲಿಯೇ ಹೀಗೆ ಸಿನೆಮಾ ಮಾಡಬೇಕು ಎಂಬ ಆಸಕ್ತಿಯಿಂದ ಮಂಜಲ್ಪಾದೆ 2 ಸಿನೆಮಾ ರೆಡಿಯಾಗಿದೆ. ‘ಮಂಕು ಬಾಯಿ ಫಾಕ್ಸಿ ರಾಣಿ’ ಎಂಬ ಕನ್ನಡ ಸಿನೆಮಾದ ಯುವ ನಿರ್ದೇಶಕ ಗೀತೇಶ್‌ ಮಾಡೂರ್‌ ಅವರಿಂದ ಪ್ರೇರಣೆಯಾಗಿ ಈ ಕಿರು ಸಿನೆಮಾ ಸೃಷ್ಟಿಯಾಗಿದೆ. ವಿಶೇಷವೆಂದರೆ ಕಿರುಚಿತ್ರದ ಮಟ್ಟಿಗೆ ಅದ್ದೂರಿ ವೆಚ್ಚದಲ್ಲಿ ನಿರ್ಮಾಣವಾದ ಸಿನೆಮಾ ಇದು. ಈಗಾಗಲೇ ಚಿತ್ರದ ಹಾಡು ‘ಪಾಪಿ ಲೋಕದ ರಾಯಭಾರಿ’ ವೈರಲ್ ಆಗಿದ್ದು ಸೋಶಿಯಲ್ ಮೀಡಿಯಾದಲ್ಲಿ ಭರ್ಜರಿ ಸದ್ದು ಮಾಡುತ್ತಿದೆ. ಸೋಶಿಯಲ್ ಮೀಡಿಯಾದಲ್ಲಿ ಇದು ಸಾಕಷ್ಟು ಹಿಟ್ ಆಗಿದೆ. ಛಾಯಾಗ್ರಹಣ ಸಂಕಲನ: ಅಕ್ಷಯ್‌ ಎಸ್‌ ಶೆಟ್ಟಿ, ಸಂಗೀತ: ಅನಂದ್‌ ಪೆರ್ಡೂರ್‌, ಗಾಯನ ಸಾಹಿತ್ಯ: ಸುದೇಶ್‌ ಕಾಪು ಅವರದ್ದು.