“ಭೋಜರಾಜ್‌’ “ಎಂಬಿಬಿಎಸ್‌’!

Team Udayavani, Feb 27, 2020, 4:12 AM IST

ಭೋಜರಾಜ್‌ ವಾಮಂಜೂರು ಮತ್ತೆ ಬ್ಯುಸಿಯಾಗಿದ್ದಾರೆ. ತನ್ನದೇ ಟೈಟಲ್‌ನಲ್ಲಿ ಸಿದ್ಧªಗೊಳ್ಳುತ್ತಿರುವ ಸಿನೆಮಾದಲ್ಲಿ ಭೋಜರಾಜ್‌ ತೊಡಗಿಸಿಕೊಂಡಿದ್ದಾರೆ. ವಿಶೇಷವೆಂದರೆ; ಈ ಬಾರಿ ಭೋಜರಾಜ್‌ ವೈದ್ಯರ ಗೆಟಪ್‌ನಲ್ಲಿದ್ದಾರೆ.

ಇಸ್ಮಾಯಿಲ್‌ ಮೂಡುಶೆಡ್ಡೆ ನಿರ್ದೇಶನದಲ್ಲಿ ಸಿದ್ಧಗೊಳ್ಳುತ್ತಿರುವ “ಭೋಜರಾಜ್‌ ಎಂಬಿಬಿಎಸ್‌’ ಸಿನೆಮಾ ಸದ್ಯ ಬಿರುಸಿನ ಶೂಟಿಂಗ್‌ ಕಾಣುತ್ತಿದೆ. ಒಂದನೇ ಹಂತದ ಶೂಟಿಂಗ್‌ ಮುಗಿಸಿರುವ ಈ ಸಿನೆಮಾ ಈಗ ಎರಡನೇ ಹಂತದ ಶೂಟಿಂಗ್‌ನಲ್ಲಿದೆ. ಕನ್ನಡದಲ್ಲಿ “ಬಣ್ಣಬಣ್ಣದ ಲೋಕ’ ಹಾಗೂ ತುಳುವಿನಲ್ಲಿ “ಪಮ್ಮಣ್ಣೆ ದಿ ಗ್ರೇಟ್‌’ ಸಿನೆಮಾ ನಿರ್ದೇಶಿಸಿದ್ದ ಇಸ್ಮಾಯಿಲ್‌ ಅವರು ಈಗ “ಭೋಜರಾಜ್‌ ಎಂಬಿಬಿಎಸ್‌’ ಸಿನೆಮಾಕ್ಕೆ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದಾರೆ. ಕುಡ್ಲ ಸಿನೆಮಾಸ್‌ ಬ್ಯಾನರ್‌ನಡಿಯಲ್ಲಿ ಸಿನೆಮಾ ನಿರ್ಮಾಣಗೊಳ್ಳುತ್ತಿದೆ.

ಭೋಜರಾಜ್‌ ವಾಮಂಜೂರು ಈ ಸಿನೆಮಾದ ಮುಖ್ಯ ಭೂಮಿಕೆಯಲ್ಲಿದ್ದಾರೆ. ಅವರನ್ನೇ ಕೇಂದ್ರವಾಗಿರಿಸಿ ಸಿನೆಮಾ ಸೆಟ್ಟೇರುತ್ತಿದೆ. ಹೀಗಾಗಿ ಕೋಸ್ಟಲ್‌ವುಡ್‌ನ‌ಲ್ಲಿ ಇದೊಂದು ವಿಶೇಷ ಪ್ರಯತ್ನ ಎಂದೇ ಬಣ್ಣಿಸಲಾಗುತ್ತಿದೆ. ಭೋಜರಾಜ್‌ ಅವರ ಮುಖೇನವೇ ಸಿನೆಮಾ ಸಾಗುತ್ತದೆ. ಅವರಿಗೆ ನಾಯಕಿಯರಾಗಿ ಶೀತಲ್‌ ನಾಯಕ್‌ ಹಾಗೂ ನವ್ಯಾ ಪೂಜಾರಿ ಜತೆಯಾಗಿದ್ದಾರೆ. ಅವರಿಬ್ಬರ ನಡುವೆ ಭೋಜರಾಜ್‌ ಅವರ ಅವತಾರ ಗಮನಸೆಳೆಯಲಿದೆ.

ವಿಶೇಷವೆಂದರೆ, ಅರವಿಂದ ಬೋಳಾರ ಈ ಸಿನೆಮಾದಲ್ಲಿ ವಿಭಿನ್ನವಾಗಿ ಕಾಣಿಸಲಿದ್ದಾರೆ. ಯಾಕೆಂದರೆ ಬೋಳಾರ್‌ಗೆ ಇದರಲ್ಲಿ ಮೂರು ಗೆಟಪ್‌ಗ್ಳಿವೆ. ಒಂದಕ್ಕಿಂತ ಒಂದು ಪಾತ್ರಗಳು ಇಲ್ಲಿ ವಿಭಿನ್ನ ಹಾಗೂ ವಿಶೇಷ.

ಉಳಿದಂತೆ ಖ್ಯಾತ ಕಲಾವಿದರಾದ ಸಾಯಿಕೃಷ್ಣ, ಉಮೇಶ ಮಿಜಾರ್‌, ರವಿ ರಾಮಕುಂಜ, ವಿಟuಲ ನಾಯಕ್‌, ಗೋಪಿನಾಥ್‌ ಭಟ್‌, ಪ್ರಾಣ್‌ ಶೆಟ್ಟಿ ಮೊದಲಾದವರು ಸಿನೆಮಾದಲ್ಲಿದ್ದಾರೆ.