ಹಾಡಿನಲ್ಲಿ ಮೋಡಿ ಮಾಡುವ ಕಟ್ಟಪ್ಪ !

Team Udayavani, Mar 21, 2019, 7:53 AM IST

ರಾಜೇಶ್‌ ಬ್ರಹ್ಮಾವರ ನಿರ್ಮಾಣ ಹಾಗೂ ಭರವಸೆಯ ನಟ ಜೆ.ಪಿ. ತುಮಿನಾಡ್‌ ನಿರ್ದೇಶನದ ಬಹುನಿರೀಕ್ಷೆಯ ‘ಕಟಪಾಡಿ ಕಟ್ಟಪ್ಪ’ ಸಿನೆಮಾ ಇದೇ ತಿಂಗಳಾಂತ್ಯಕ್ಕೆ ದೇಶದ ಮೂಲೆ ಮೂಲೆಯಲ್ಲಿ ರಿಲೀಸ್‌ ಆಗಲಿದೆ. ಈ ಮೂಲಕ ಕುಡ್ಲದ ಸಿನೆಮಾವೊಂದು ಜಗದಗಲ ರಿಲೀಸ್‌ ಭಾಗ್ಯ ಕಾಣಲಿದೆ.  ಪ್ರಕಾಶ್‌ ಸಂಗೀತ ನೀಡಿರುವ ಈ ಸಿನೆಮಾ ಹಲವಾರು ವಿಶೇಷತೆಗಳೊಂದಿಗೆ ಸದ್ದು ಮಾಡುತ್ತಿದೆ.

ತುಳುನಾಡಿನ ಸ್ಟಾರ್‌ ನಟರೇ ಇದರಲ್ಲಿ ಅಭಿನಯಿಸಿದ ಹಿನ್ನೆಲೆಯಲ್ಲಿ ಸಿನೆಮಾಕ್ಕೆ ಬಹಳಷ್ಟು ಗಟ್ಟಿತನ ದೊರಕಿದೆ. ಜತೆಗೆ ಸುದೀಪ್‌ ಕೆಲವು ತಿಂಗಳ ಹಿಂದೆ ಈ ಸಿನೆಮಾದ ಆಡಿಯೋ ರಿಲೀಸ್‌ ಮಾಡುವ ಮೂಲಕ ಸ್ಯಾಂಡಲ್‌ವುಡ್‌ನ‌ಲ್ಲಿಯೂ ಕಟ್ಟಪ್ಪನ ಹವಾ ಸೃಷ್ಟಿಯಾಗಿತ್ತು. ಈಗ ಸಿನೆಮಾದ ಒಂದೊಂದೇ ಹಾಡುಗಳನ್ನು ಸಾಮಾಜಿಕ ಜಾಲತಾಣದ ಮೂಲಕ ರಿಲೀಸ್‌ ಮಾಡುತ್ತಿರುವ ಚಿತ್ರತಂಡ ಕಟ್ಟಪ್ಪನ ಬಗ್ಗೆ ಹೆಚ್ಚು ನಿರೀಕ್ಷೆ ಮೂಡಿಸಿದೆ. ಕಾಮಿಡಿ ಹಾಗೂ ಕುತೂಹಲದ ನೆಲೆಯ ಕಥೆಯಲ್ಲಿ ಈ ಸಿನೆಮಾ ಮೂಡಿಬಂದಿದ್ದು, ಕೋಸ್ಟಲ್‌ವುಡ್‌ನ‌ಲ್ಲಿ ಹೊಸ ನಿರೀಕ್ಷೆ ಮೂಡಿಸಿದೆ.