ಮಂಗಳೂರಿನ   ಮಂಕುಭಾಯ್‌, ಫಾಕ್ಸಿ ರಾಣಿ ​​​​​​!

Team Udayavani, Mar 21, 2019, 7:43 AM IST

ವಿಭಿನ್ನ ಟೈಟಲ್‌ನ ಸಿನೆಮಾದಲ್ಲಿ ಈಗ ಮಂಗಳೂರಿನ ಹುಡುಗ ರೂಪೇಶ್‌ ಶೆಟ್ಟಿ ಕಾಣಿಸಿಕೊಳ್ಳುತ್ತಿದ್ದಾರೆ. ಗೀತೇಶ್‌ ಮಾಡೂರ್‌ ಆ್ಯಕ್ಷನ್‌ ಕಟ್‌ ಹೇಳಿರುವ ಈ ಸಿನೆಮಾದ ಹೆಸರು ‘ಮಂಕು ಭಾಯ್‌ ಫಾಕ್ಸಿ ರಾಣಿ’. ಸದ್ಯ ವಿಟ್ಲ, ಪುತ್ತೂರು ಭಾಗದಲ್ಲಿ ಕೊನೆಯ ಹಂತದ ಶೂಟಿಂಗ್‌ ಕಾಣುತ್ತಿರುವ ಈ ಸಿನೆಮಾ ಸ್ಯಾಂಡಲ್‌ವುಡ್‌ನ‌ಲ್ಲಿ ಹೊಸ ನಿರೀಕ್ಷೆ ಮೂಡಿಸುವ ಭರವಸೆಯಲ್ಲಿದೆ.

ಖ್ಯಾತ ಕಲಾವಿದ ಪ್ರಕಾಶ್‌ ತೂಮಿನಾಡ್‌ ಸಿನೆಮಾದಲ್ಲಿ ಹೊಸ ಗೆಟಪ್‌ನಲ್ಲಿದ್ದಾರೆ. ‘ಬ್ರಹ್ಮ ಟು’ ಎಂಬ ಧಾರವಾಹಿಯ ಕಲಾವಿದೆ ಮೂಲತಃ ಕರಾವಳಿಯ ಗೀತಾ ಭಾರತೀ ಭಟ್‌ ಈ ಸಿನೆಮಾದಲ್ಲಿ ರೂಪೇಶ್‌ ಅವರ ಜತೆಗಿರಲಿದ್ದಾರೆ.  ಪಂಚಮಿ ರಾವ್‌, ಅರ್ಜುನ್‌ ಕಜೆ, ಕೀರ್ತನ್‌ ಭಂಡಾರಿ, ಯೋಗೀಶ್‌ ಎಸ್‌, ಸಂದೇಶ್‌ ನೀರುಮಾರ್ಗ, ಗುರುಕಿರಣ್‌ ರೈ, ಅಕ್ಷತ್‌ ವಿಟ್ಲ, ಗೋಕುಲ್‌ ಕೃಷ್ಣ ಆಚಾರ್ಯ, ಸವ್ಯರಾಜ್‌ ಕಲ್ಲಡ್ಕ, ಮೋಕ್ಷಿತ್‌ ಶೆಟ್ಟಿ, ಉತ್ಸವ್‌ ಗುರುಪುರ, ಸೂರಜ್‌ ಶೆಟ್ಟಿ, ನಿಧಿ ರೈ, ವಿನಯ್‌ ಶೆಟ್ಟಿಗಾರ್‌ ಇದ್ದಾರೆ.

ಎಂ.ಕೆ.ಶಾಜನ್‌ ಛಾಯಾಗ್ರಹಣ, ವಿನ್ಯಾಸ್‌ ಅವರ ಸಂಗೀತ ಹಾಗೂ ಸುಶಾಂತ್‌ ಶೆಟ್ಟಿ ಸಂಕಲನವಿದೆ. ದಪ್ಪದ ಹುಡುಗಿಯ ಮದುವೆ ಹಾಗೂ ಅದರಿಂದ ಎದುರಾಗುವ ಸಂಗತಿಗಳೇ ‘ಮಂಕು ಭಾಯ್‌ ಫಾಕ್ಸಿ ರಾಣಿ’ಯ ಹೈಲೈಟ್ಸ್‌.