ಬೋಳಾರ್‌ ಕೊಂಡಾಡಿದ ಪವರ್‌ಸ್ಟಾರ್‌!

Team Udayavani, Nov 7, 2019, 3:35 AM IST

ಅರವಿಂದ ಬೋಳಾರ್‌ ಕೋಸ್ಟಲ್‌ವುಡ್‌ನ‌ ಬಹುನಿರೀಕ್ಷಿತ ನಟ. ಕಾಮಿಡಿ ಮೂಲಕವೇ ಮನೆಮಾತಾದ ಬೋಳಾರ್‌ ಸಿನೆಮಾ ಬಗ್ಗೆ ಕರಾವಳಿಯಲ್ಲಿ ತುಂಬಾನೆ ಕುತೂಹಲ. ಸ್ಯಾಂಡಲ್‌ವುಡ್‌ನ‌ಲ್ಲಿಯೂ ಸಿನೆಮಾ ಮಾಡಿದ ಬೋಳಾರ್‌ ಬಗ್ಗೆ ಪ್ರೇಕ್ಷಕರಿಗೆ ಬಹಳಷ್ಟು ಪ್ರೀತಿ. ಗಿರಿಗಿಟ್‌ ಸಕ್ಸಸ್‌ ಬರೆದ ಬಳಿಕವಂತು ಬೋಳಾರ್‌ ಅವರ ಬಗ್ಗೆ ಎಲ್ಲೆಲ್ಲಿಯೂ ಒಳ್ಳೆಯ ಮಾತುಗಳೇ ಕೇಳಿಬರುತ್ತಿವೆ. ಇಂತಹ ಕಾಲದಲ್ಲಿಯೇ ಸ್ಯಾಂಡಲ್‌ವುಡ್‌ನ‌ ಪವರ್‌ಸ್ಟಾರ್‌ ಪುನೀತ್‌ ರಾಜ್‌ಕುಮಾರ್‌ ಅವರು ಅರವಿಂದ ಬೋಳಾರ್‌ ಅವರನ್ನು ಕೊಂಡಾಡಿದ್ದಾರೆ.

ಅಂದಹಾಗೆ, ಇತ್ತೀಚೆಗೆ ವಿದೇಶದಲ್ಲಿ ನಡೆದ ಪಟ್ಲ ಫೌಂಡೇಶನ್‌ ಕಾರ್ಯಕ್ರಮದಲ್ಲಿ ಪುನೀತ್‌ ರಾಜ್‌ಕುಮಾರ್‌ ಭಾಗವಹಿಸಿದ್ದರು. ಇದರಲ್ಲಿ ಅರವಿಂದ ಬೋಳಾರ್‌ ಅವರು ಕೂಡ ಪಾಲ್ಗೊಂಡಿದ್ದರು. ಈ ಕಾರ್ಯಕ್ರಮದಲ್ಲಿ ಪುನೀತ್‌ ಹಾಗೂ ಬೋಳಾರ್‌ ಇಬ್ಬರು ಸಿನೆಮಾ ಇಂಡಸ್ಟ್ರಿ ಬಗ್ಗೆ ಮಾತನಾಡಿದ್ದಾರೆ. ಅದರಲ್ಲಿಯೂ ಬೋಳಾರ್‌ ಅವರಿಗೆ ವಿದೇಶದಲ್ಲಿ ತುಳು ಅಭಿಮಾನಿಗಳು ನೀಡಿದ ಪ್ರೀತಿಯನ್ನು ಕಂಡ ಪುನೀತ್‌, ಅವರ ಡೈಲಾಗ್‌ ಹಾಗೂ ಹಾವಭಾವ ನೋಡಿ ಖುಷಿಯಾದರು.

ತುಳು ಫಿಲ್ಮ್ ಇಂಡಸ್ಟ್ರಿಯಲ್ಲಿ ಬೋಳಾರ್‌ ಅವರ ವಿಶೇಷತೆ ಬಗ್ಗೆ ತಿಳಿದ ಪುನೀತ್‌ ಅವರು ಬೋಳಾರ್‌ ಅವರನ್ನು ಭಾಷಣ ದಲ್ಲಿಯೂ ಶ್ಲಾಘಿಸಿದರು. ಅನಂತರ ಮಾತ ನಾಡಿದ ಅವರು, ನಮ್ಮ ಸಿನೆಮಾ ದಲ್ಲಿ ನೀವು ಅಭಿನ ಯಿ ಸಬೇಕು ಎಂದು ಆಫರ್‌ ಕೂಡ ಕೊಟ್ಟ ರು. ಇತ್ತೀಚೆಗೆ ಕನ್ನಡ ಸಿನೆಮಾ ದಲ್ಲಿ ಅಭಿನಯಿಸಲು ಬೆಂಗಳೂರಿಗೆ ತೆರಳಿದ್ದ ಬೋಳಾರ್‌ ಅವರಿಗೆ ಮತ್ತೆ ಪುನೀತ್‌ ಅವರು ಸಿಕ್ಕಿದ್ದರು.

ಆಗಲೂ ನಮ್ಮ ಸಿನೆಮಾದಲ್ಲಿ ನೀವು ಅಭಿನಯಿಸಬೇಕು ಎಂದು ಮತ್ತೆ ಕೇಳಿಕೊಂಡಿದ್ದಾರೆ. ಹೀಗಾಗಿ ಪುನೀತ್‌ ಅವರ ಜತೆಗೆ ಬೋಳಾರ್‌ ಕಾಂಬಿನೇಶನ್‌ ಕೆಲವೇ ದಿನದಲ್ಲಿ ಸೆಟ್ಟೇರುವ ಸಾಧ್ಯತೆಯಿದೆ.