ಪತ್ತೀಸ್‌ ಗ್ಯಾಂಗ್‌ನಲ್ಲಿ ಅನಂತ್‌ನಾಗ್‌ ಹೇಳಿದ್ದೇನು?

Team Udayavani, Jul 12, 2018, 1:17 PM IST

ತುಳು ಸಿನೆಮಾ ರಂಗ ಪ್ರಸ್ತುತ ಸ್ಯಾಂಡಲ್‌ವುಡ್‌ಗೂ ಸ್ಪರ್ಧೆ ನೀಡುವ ಮಟ್ಟಕ್ಕೆ ಬೆಳೆಯುತ್ತಿದೆ. ಒಂದಕ್ಕಿಂತ ಒಂದು ಸಿನೆಮಾ ಇಲ್ಲಿ ಅತ್ಯುತ್ತಮ ರೀತಿಯಲ್ಲಿ ಮೂಡಿಬರುವ ಮೂಲಕ ತುಳು ಸಿನೆಮಾ ರಂಗ ಎವರ್‌ಗ್ರೀನ್‌ ಆಗಿದೆ… ಹೀಗೆಂದಿರುವುದು ಖ್ಯಾತ ನಟ ಅನಂತ್‌ನಾಗ್‌. ಮನೋಜ್‌ ಕುಮಾರ್‌ ಪ್ರಸ್ತುತಿಯ, ಸೂರಜ್‌ ಬೋಳಾರ್‌ ಹಾಗೂ ಪ್ರೀತಂ ಎಂ.ಎನ್‌. ನಿರ್ದೇಶನದ ‘ಪತ್ತೀಸ್‌ ಗ್ಯಾಂಗ್‌’ ಸಿನೆಮಾದ ಆಡಿಯೋ ರಿಲೀಸ್‌ ಅನ್ನು ಮಂಗಳೂರಿನ ಫೋರಂ ಮಾಲ್‌ನಲ್ಲಿ ಬಿಡುಗಡೆ ಮಾಡಿದ ಅನಂತರ ಅವರು ಮಾತನಾಡಿದರು.

ಅಂದಹಾಗೆ ಸಿನೆಮಾದಲ್ಲಿ ಎರಡು ಹಾಡುಗಳಿವೆ. ಕದ್ರಿ ಮಣಿಕಾಂತ್‌ ಸಂಗೀತ ನೀಡಿ ಅವರೇ ಹಾಡಿರುವುದು ಈ ಸಿನೆಮಾದ ವಿಶೇಷ. ಮೈತ್ರಿ ಅಯ್ಯರ್‌ ಕೂಡ ಧ್ವನಿಗೂಡಿಸಿದ್ದಾರೆ. ಮುಂದಿನ ತಿಂಗಳು ಈ ಸಿನೆಮಾ ತೆರೆಕಾಣಲಿದೆ. ಸಿನೆಮಾದಲ್ಲಿ ಮೋಹನ್‌ ಶೇಣಿ, ಅಜಯ್‌ರಾಜ್‌, ವಿಸ್ಮಯ ವಿನಾಯಕ್‌, ಚಂದ್ರಹಾಸ್‌ ಉಳ್ಳಾಲ್‌, ನವ್ಯತಾ ರೈ ಮುಖ್ಯ ತಾರಾಗಣದಲ್ಲಿದ್ದರೆ, ಅರವಿಂದ ಬೋಳಾರ್‌, ಕಿಶೋರ್‌ ಡಿ.ಶೆಟ್ಟಿ, ವಿಜಯ್‌ಕುಮಾರ್‌ ಕೊಡಿಯಾಲ್‌ಬೈಲು ಹಾಗೂ ದೀಪಕ್‌ ರೈ ಪಾಣಾಜೆ ವಿಶೇಷ ಪಾತ್ರದಲ್ಲಿದ್ದಾರೆ.