ಹೆಸರು ಬೇಳೆ ಲಾಡು

Team Udayavani, Aug 31, 2019, 5:10 AM IST

ಬೇಕಾಗುವ ಸಾಮಗ್ರಿಗಳು
ಹೆಸರು ಬೇಳೆ- 1 ಕಪ್‌
ತುಪ್ಪು- ಕಾಲು ಕಪ್‌
ಸಕ್ಕರೆ- ಕಾಲು ಕಪ್‌
ಏಲಕ್ಕಿ – 3-4
ಗೋಡಂಬಿ, ಬಾದಾಮಿ- ಸಣ್ಣಗೆ ಕತ್ತರಿಸಿದ್ದು ಅರ್ಧ ಕಪ್‌
ಪಿಸ್ತಾ- ಸ್ವಲ್ಪ (ಅಲಂಕಾರಕ್ಕೆ)

ಮೊದಲು ಹೆಸರು ಬೇಳೆಯನ್ನು ಚೆನ್ನಾಗಿ ಹುರಿದು ಪುಡಿ ಮಾಡಿಟ್ಟುಕೊಳ್ಳಬೇಕು. ಅನಂತರ ಸಕ್ಕರೆ, ಏಲಕ್ಕಿಯನ್ನು ಪುಡಿ ಮಾಡಿಕೊಳ್ಳಬೇಕು. ಒಲೆಯ ಮೇಲೆ ಬಾಣಲೆ ಇಟ್ಟು ಪುಡಿ ಮಾಡಿಕೊಂಡ ಹೆಸರುಬೇಳೆ ಪುಡಿ ಹಾಕಿ ಅದಕ್ಕೆ ತುಪ್ಪ ಹಾಕಿ ಸಣ್ಣ ಉರಿಯಲ್ಲಿ ಚೆನ್ನಾಗಿ ಮಿಶ್ರಣ ಮಾಡಿ 10 ನಿಮಿಷ ಕೈಯಾಡಿಸಬೇಕು. ಅನಂತರ ಇದನ್ನು ಪಾತ್ರೆಯೊಂದಕ್ಕೆ ಹಾಕಿ ಬಾದಾಮಿ ಚೂರುಗಳನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು. ಬಳಿಕ ಈಗಾಗಲೇ ಪುಡಿ ಮಾಡಿಕೊಂಡ ಸಕ್ಕರೆ ಹಾಗೂ ಏಲಕ್ಕಿ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ ಅಂಗೈಗೆ ಸ್ವಲ್ಪ ತುಪ್ಪ ಹಾಕಿಕೊಂಡು ಸಣ್ಣ ಸಣ್ಣ ಉಂಡೆಗಳನ್ನಾಗಿ ಮಾಡಿ ಮಧ್ಯೆ ಪಿಸ್ತಾ ಇಟ್ಟರೆ ರುಚಿಕರ ಹಾಗೂ ಆರೋಗ್ಯಕರವಾದ ಹೆಸರು ಬೇಳೆ ಲಾಡು ಸವಿಯಲು ಸಿದ್ಧ.

(ಸಂಗ್ರಹ)
ಧನ್ಯಶ್ರೀ ಬೋಳಿಯಾರ್‌