ಮ್ಯಾಂಗೋ ಕೋಕನಟ್‌ ಬರ್ಫಿ

Team Udayavani, Dec 7, 2019, 4:58 AM IST

ಬೇಕಾಗುವ ಸಾಮಗ್ರಿಗಳು
ತೆಂಗಿನ ತುರಿ -1 ಕಪ್‌
ಮಾವಿನ ಹಣ್ಣಿನ ಹೋಳುಗಳು-1 ಕಪ್‌
ಹಾಲು-1 ಕಪ್‌
ಸಕ್ಕರೆ-1 ಕಪ್‌
ಏಲಕ್ಕಿ -1 ಟೀ ಸ್ಪೂನ್‌
ಡ್ರೈ ಫ್ರುಟ್ಸ್‌ -(ಬೇಕಾದಷ್ಟು)
ಪಿಸ್ತಾ-ಸ್ವಲ್ಪ
ತುಪ್ಪ – ಸ್ವಲ್ಪ

ಮಾಡುವ ವಿಧಾನ:
ಕಾದ ಕಡಾಯಿಗೆ ತೆಂಗಿನ ತುರಿಯನ್ನು ಹಾಕಿ ಹೊಂಬಣ್ಣಕ್ಕೆ ತಿರುಗುವವರೆಗೆ ಅದನ್ನು ಬಿಸಿ ಮಾಡಿ. ಅನಂತರ ಅದಕ್ಕೆ ಹಾಲು, ಸ್ವಲ್ಪ ತುಪ್ಪ, ಸಕ್ಕರೆ ಹಾಗೂ ಮಾವಿನ ಹಣ್ಣಿನ ಹೋಳುಗಳನ್ನು ಸೇರಿಸಿ ಚೆನ್ನಾಗಿ ಕಲಸಿ ಮಧ್ಯಮ ಉರಿಯಲ್ಲಿ ಕುದಿಸಿ. ಇಲ್ಲದೆ ಇದ್ದರೆ ಮ್ಯಾಂಗೋ ಫ್ಲೇವರ್‌ಗಳನ್ನು ಕೂಡ ಬಳಸಬಹುದು. ಸುಮಾರು 18- 20 ನಿಮಿಷಗಳ ಕಾಲ ಈ ಪಾಕವನ್ನು ಚೆನ್ನಾಗಿ ತಿರುವುತ್ತಿರಿ. ಅದು ನಿಧಾನವಾಗಿ ಗಟ್ಟಿಗೊಳ್ಳತೊಡಗಿದ ಅನಂತರ ಅದನ್ನು ಕೆಳಗಿಟ್ಟು ಅದಕ್ಕೆ ಏಲಕ್ಕಿ, ಪಿಸ್ತಾ ಪೌಡರ್‌ ಮತ್ತು ಡ್ರೈಫ್ರುಟ್ಸ್‌ ಗಳನ್ನು ಸೇರಿಸಿ ಮಿಕ್ಸ್‌ ಮಾಡಿ. ನಂತರ ಒಂದು ಬಟ್ಟಲಿಗೆ ತುಪ್ಪ ಹಚ್ಚಿ ಈ ಪಾಕವನ್ನು ಅದರಲ್ಲಿ ಹಾಕಿ ಕೊಂಚ ಹೊತ್ತು ಫ್ರೀಜರ್‌ನಲ್ಲಿಟ್ಟರೆ ಘಮಘಮಿಸುವ ರುಚಿಕರ ಮ್ಯಾಂಗೋ ಕೋಕನಟ್‌ ಬರ್ಫಿ ರೆಡೀ ಟು ಸರ್ವ್‌.

-   ಭುವನಾ ಪುತ್ತೂರು