ಕುಸಿಯುತ್ತಲೇ ಇರುವ ಗುಡ್ಡ: ಮನೆಮಂದಿಗೆ ಆತಂಕ

Team Udayavani, Jul 14, 2018, 11:50 AM IST

ಎಡಪದವು: ಭಾರೀ ಮಳೆಯಿಂದ ಮನೆಯ ಸಮೀಪದ ಗುಡ್ಡ ಕುಸಿಯುತ್ತಲೇ ಇದ್ದು ಮನೆ ಮಂದಿ ಆತಂಕಕ್ಕೆ ಸಿಲುಕಿದ ಘಟನೆ ಗಂಜಿಮಠ ಪಂಚಾಯತ್‌ ವ್ಯಾಪ್ತಿಯ ಮಳಲಿ ಬೋರ್ಗ ಎಂಬಲ್ಲಿ ನಡೆದಿದೆ. ಇಲ್ಲಿ ಪರಮೇಶ್ವರ ಅವರು ಮನೆ ನಿರ್ಮಿಸಿದ್ದು, ಸಮೀಪದಲ್ಲಿಯೇ ಗುಡ್ಡವೊಂದಿದೆ.

ಜೂನ್‌ನಿಂದ ಮಳೆ ಆರಂಭಗೊಂಡ ಸಂದರ್ಭದಿಂದಲೂ ಈ ಗುಡ್ಡ ಕುಸಿಯುತ್ತಲೇ ಇದ್ದು, ಮನೆ ತೀರಾ ಅಪಾಯಕಾರಿಯಾಗಿ ಪರಿಣಮಿಸಿದೆ. ಕಳೆದ ಬಾರಿ ಗುಡ್ಡದ ಮಣ್ಣನ್ನು ಮನೆಯವರೇ ತೆಗೆದಿದ್ದರು. ಇದೀಗ ಮತ್ತೆ ಕುಸಿದಿದ್ದು, ಮನೆಯವರು ಆತಂಕದಿಂದ ಕಾಲ ಕಳೆಯುವಂತಾಗಿದೆ. ಸೂಕ್ತ ಪರಿಹಾರಕ್ಕಾಗಿ ಗಂಜಿಮಠ ಪಂಚಾಯತ್‌ಗೆ ದೂರು ನೀಡಲಾಗಿದೆ.