![18](https://www.udayavani.com/wp-content/uploads/2024/09/18-1-415x249.jpg)
ಹಬ್ಬದ ಸಂಭ್ರಮಕ್ಕೆ ಸೀರೆಯ ಮೆರುಗು
Team Udayavani, Nov 2, 2018, 12:45 PM IST
![2-november-10.gif](https://www.udayavani.com/wp-content/uploads/2018/11/2/2-november-10.gif)
ಹಬ್ಬಕ್ಕೂ ಸೀರೆಗೂ ಅದೇನೊ ನಂಟು. ಹಬ್ಬ ಬಂತೆಂದರೆ ಸಾಕು ಹೆಣ್ಮಕ್ಕಳು ಸಹಿತ ಮಹಿಳೆಯರವರೆಗೂ ಸೀರೆ ಖರೀದಿಸಲು ಮನಸ್ಸು ಮಾಡುತ್ತಾರೆ. ನವನವೀನ ವಿನ್ಯಾಸಗಳನ್ನು ಹುಡುಕಿ ಆಯ್ಕೆ ಮಾಡುವ ಚಾಕಚಾಕ್ಯತೆ ಬೆಳೆಸಿಕೊಳ್ಳುತ್ತಾರೆ. ಸೀರೆ ಉಡುಗೊರೆ ಕೊಡುವುದೆಂದರೆ ಮತ್ತೂ ಖುಷಿ. ಹೊಚ್ಚ ಹೊಸ ಮಾದರಿಯ ಸೀರೆಗಳೇ ಈಗಿನ ಫೇವರೆಟ್ ಹಬ್ಬ-ಹರಿದಿನಗಳು ಬಂತೆಂದರೆ ಸಾಕು ಜೀನ್ಸ್ ತೊಟ್ಟು ಮಿನುಗುತ್ತಿದ್ದ ಯುವತಿಯರು, ಮಹಿಳೆಯರು ಸಾಂಪ್ರದಾಯಿಕ ಧಿರಿಸಿನತ್ತ ಮುಖ ಮಾಡುತ್ತಾರೆ. ಹಬ್ಬಕ್ಕೆ ಸಾರಿ ಉಟ್ಟು ಸ್ವಲ್ಪ ಸ್ಟೈಲಿಶ್ ಆಗಿ ಕಾಣಬೇಕು ಅಂದುಕೊಳ್ಳುತ್ತಾರೆ. ಅದಕ್ಕಾಗಿ ವಿನೂತನ ಶೈಲಿಯ ಹೊಸ ಟ್ರೆಂಡಿ ಸೀರೆಗಳ ಆಯ್ಕೆ ಮಾಡಿಕೊಳ್ಳಲು ಉತ್ಸುಹರಾಗುತ್ತಾರೆ.
ಯುವತಿಯರು ಹಾಗೂ ಮಹಿಳೆಯರಿಗೆ ಸೀರೆಯ ಮೇಲಿನ ವ್ಯಾಮೋಹ ಹಬ್ಬಗಳನ್ನು ಹೊರತುಪಡಿಸಿಯೂ ಇರುತ್ತದೆ. ಈ ಕಾರಣದಿಂದಲೇ ಹೊಸ ಟ್ರೆಂಡಿ ಸೀರೆಗಳು ದಿನಕ್ಕೊಂದರಂತೆ ಮಾರುಕಟ್ಟೆಗಳಿಗೆ ಲಗ್ಗೆ ಇಡುತ್ತದೆ. ಪ್ರಸ್ತುತ ಸುಂದರವಾದ ಸೀರೆಯ ಡಿಸೈನ್ಗಳು ಚಾಲ್ತಿಯಲ್ಲಿದೆ. ಸಿನೆಮಾ ಸೇರಿದಂತೆ ರಿಯಾಲಿಟೋ ಶೋಗಳಲ್ಲಿ ನಟಿಯರು ಧರಿಸುವ ಸೀರೆಗಳನ್ನು ನೋಡಿ ಅದೇ ವಿನ್ಯಾಸಗಳಲ್ಲಿ ಸೀರೆಗಳ ಖರೀದಿಗೆ ಯುವತಿಯರು ಮುಂದಾಗುತ್ತಾರೆ. ದಸರಾ ಸಂಭ್ರಮ ಮುಗಿದಿದೆ. ದೀಪಗಳ ಹಬ್ಬ ದೀಪಾವಳಿ ಸಮೀಪಿಸುತ್ತಿದೆ. ಹಬ್ಬಕ್ಕಾಗಿ ಹೊಸ ಮಾದರಿಯ ಸೀರೆಗಳ ಖರೀದಿಗೆ ಹಂಬಲಿಸುವವರು ಈ ಸೀರೆಗಳನ್ನು ನೋಡಬಹುದು.
ರಫಲ್ಡ್ ಸಾರಿ
ಈ ಬಾರಿ ಸೀರೆಯ ಲೋಕದಲ್ಲಿ ಹೆಚ್ಚು ಪ್ರಸಿದ್ಧಿಯನ್ನು ಪಡೆದ ರಫಲ್ಡ್ ಸೀರೆಗಳು ನೋಡಲು ಆಕರ್ಷಕವಾಗಿ ಕಾಣುತ್ತದೆ.
ಬೆಲ್ಟ್ ಹೊಂದಿರುವ ಸೀರೆಗಳು
ಪ್ರಸ್ತುತ ಹೊಸ ಟ್ರೆಂಡಿ ಸೀರೆಗಳಲ್ಲಿ ಬೆಲ್ಟ್ ಧರಿಸುವ ಫ್ಯಾಷನ್ ಆರಂಭಗೊಂಡಿದೆ. ಸಿಂಪಲ್ ಸಾಫ್ಟ್ ಫ್ಯಾನ್ಸಿ ವಿಧದ ಸೀರೆಗಳಿಗೆ ಅದಕ್ಕೊಪ್ಪುವ ಬೆಲ್ಟ್ ಧರಿಸಿ ಸಂಭ್ರಮಿಸಲಾಗುತ್ತಿದೆ. ರೇಷ್ಮೆ, ಕಾಟನ್ ಸಾರಿಗಳನ್ನು ಹೊರತುಪಡಿಸಿ ಮಾಡರ್ನ್ ಲುಕ್ ಇರುವ ಸೀರೆಗಳಿಗೆ ಮಾತ್ರವೇ ಬೆಲ್ಟ್ ಧರಿಸಬಹುದಾಗಿದೆ.
ಪೆಪ್ಲಮ್ ಬ್ಲೌಸ್ನ ಸೀರೆಗಳು
ಪೆಪ್ಲಮ್ ಬ್ಲೌಸ್ನಲ್ಲಿ ಸೀರೆಗಿಂತ ಬ್ಲೌಸ್ ಆಕರ್ಷಣೀಯವಾಗಿರುತ್ತದೆ. ಸುಂದರ ಸೀರೆಗೆ ಶರ್ಟ್ ತರಹದ ಬ್ಲೌಸ್ಗಳನ್ನು ಧರಿಸಲಾಗುತ್ತದೆ. ಇದನ್ನು ಸೀರೆಯ ಮೇಲ್ಮಾಗಕ್ಕೂ ಧರಿಸಲಾಗುತ್ತದೆ.
ಜಾಕೆಟ್ ಮಾದರಿಯ ಸೀರೆಗಳು
ಇದರಲ್ಲಿ ಸೀರೆಗೆ ಧರಿಸುವ ಬ್ಲೌಸ್ಗಳು ಜಾಕೆಟ್ ಮಾದರಿಯಲ್ಲಿ ಆವರಿಸಿಕೊಳ್ಳುತ್ತದೆ. ಹಾಗಾಗಿ ಸೀರೆಗಿಂತ ಬ್ಲೌಸ್ ಹೆಚ್ಚು ಆಕರ್ಷಣೀಯವಾಗಿರುತ್ತದೆ. ಟೀ ಶರ್ಟ್ ಮೇಲೆ ಓವರ್ ಕೋಟ್ ಧರಿಸಿದಂತೆ ಸೀರೆಯ ಬ್ಲೌಸ್ ಇರುತ್ತದೆ.
ಸೀರೆಯೊಂದಿಗೆ ಪ್ಯಾಂಟ್
ಸಂಪ್ರದಾಯ ಪ್ರತಿಬಿಂಬಿಸುವ ಸೀರೆಗಳಿಗೆ ಮಾಡರ್ನ್ ಲುಕ್ ನೀಡುವ ಪ್ರಯತ್ನ ಫ್ಯಾಷನ್ ಲೋಕದಲ್ಲಿ ನಡೆಯುತ್ತಿದೆ. ಸೀರೆಯನ್ನು ಪ್ಯಾಂಟ್ ನೊಂದಿಗೆ ಧರಿಸುವ ನಟಿಯರನ್ನು ಕಾಣಬಹುದಾಗಿದೆ. ಬಹುತೇಕ ಸಿನೆಮಾ ನಟಿಯರ ಪಾರ್ಟಿಗಳಲ್ಲಿ ಇಂತಹ ಟ್ರೆಂಡ್ ಕಾಣಿಸಿಕೊಳ್ಳುತ್ತಿದೆ.
ಸೀರೆಗಳ ಆಯ್ಕೆ ಹೀಗಿದ್ದರೆ ಚೆಂದ
ರೇಷ್ಮೆ , ಕಾಟನ್ ಸಿಲ್ಕ್, ರಾ ಸಿಲ್ಕ್ ಸೀರೆ ಸೆಲೆಕ್ಟ್ ಮಾಡಿಕೊಳ್ಳಿ.
ನಿಮಗೆ ಯಾವುದರಲ್ಲಿ ಹೆಚ್ಚು ಕಂಫರ್ಟ್ ಇರುತ್ತೋ ಅದನ್ನು ಆಯ್ಕೆ ಮಾಡಿ
ಕ್ಯಾರಿ ಮಾಡಲು ಬಾರದೇ ಇರಿಸು ಮುರಿಸು ಉಂಟಾಗೋ ಅಲಂಕಾರ ಬೇಡ.
ಇತ್ತೀಚೆಗೆ ಕಲಂಕಾರಿ ಹೆಚ್ಚು ಟ್ರೆಂಡ್ ಆಗಿದೆ. ಅದರಲ್ಲಿ ನಾನಾ ವೆರೈಟಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ.
ಕಲಂಕಾರಿ ಬ್ಲೌಸ್ ಜತೆಗೆ ರೇಷ್ಮೆ ಸೀರೆ ಉಡುವುದು ಹೊಸ ಟ್ರೆಂಡ್
ಮಧ್ಯ ವಯಸ್ಕರು ಆದಷ್ಟು ಪ್ರಿಂಟೆಡ್ ರೇಷ್ಮೆ ಸೀರೆಗಳನ್ನು ಆಯ್ಕೆ ಮಾಡಿಕೊಂಡರೆ ಚೆಂದ.
ಶ್ವೇತ ವರ್ಣದವರಿಗೆ ಗಾಢ ಬಣ್ಣ ಚೆನ್ನಾಗಿ ಕಾಣಿಸುತ್ತದೆ.
ಉದ್ಯೋಗಸ್ಥರು ಎಲ್ಲ ಕಾಲದಲ್ಲೂ ಬಳಸಬಹುದಾದ, ವಿನ್ಯಾಸ ಇರುವಂತಹ ರೇಷ್ಮೆ ಸೀರೆ, ಲೈಟ್ಟ್ ವೇಯ್ಟ್ ಸೀರೆಗಳನ್ನು ಆಯ್ಕೆ ಮಾಡಿಕೊಳ್ಳುವುದು ಸೂಕ್ತ.
ಬ್ಲೌಸ್ ಆಯ್ಕೆಯೂ ಚೆನ್ನಾಗಿರಲಿ
ಸುಂದರ ಹಾಗೂ ಆಕರ್ಷಕ ಸೀರೆಗಳನ್ನು ಖರೀದಿಸಿದರೆ ಸಾಲದು ಅದಕ್ಕೆ ಒಪ್ಪುವಂತಹ ಬ್ಲೌಸ್ಗಳನ್ನು ಆಯ್ಕೆ ಮಾಡಿಕೊಳ್ಳಬೇಕಾಗುತ್ತದೆ. ಸೀರೆ ಗಾಢ ಬಣ್ಣದಾಗಿದ್ದರೆ ಸೀರೆಯ ವಿರುದ್ಧ ದಿಕ್ಕಿನ ಬಣ್ಣದ ಬ್ಲೌಸ್ ಧರಿಸಿಕೊಳ್ಳಬೇಕು. ಕ್ಲೋಸ್ಡ್ ನೆಕ್ ಇರೋ ಬ್ಲೌಸ್ಗಳೂ ಕೂಡ ಸಿಲ್ಕ್ ಸಾರಿಗಳಿಗೆ ಒಳ್ಳೆ ಲುಕ್ ನೀಡುತ್ತೆ. ಇಂತಹ ಬ್ಲೌಸ್ಗಳು ಸುಂದರವಾಗಿ ಕಾಣಿಸುವಂತೆ ಮಾಡುವುದರ ಜತೆಗೆ ಸಿಲ್ಕ್ ಸಾರಿಯಲ್ಲೂ ಮಾಡರ್ನ್ ಲುಕ್ ಕೊಡಲಿದೆ. ಇದರೊಂದಿಗೆ ಹ್ಯಾಂಡ್ ಮೇಡ್ ಡಿಸೈನ್ ಹೊಂದಿರೋ ಬ್ಲೌಸ್ ಗಳು ಕೂಡ ಬೆಸ್ಟ್ ಆಯ್ಕೆಯಾಗಿರುತ್ತದೆ. ಸೀರೆಗಳು ಸಿಂಪಲ್ ಆಗಿದ್ರೆ ಡಿಸೈನರ್ ಬ್ಲೌಸ್ ಹಾಕೋ ಮೂಲಕ ಮಿಂಚಬಹುದು.
ಪ್ರಜ್ಞಾ ಶೆಟ್ಟಿ
ಟಾಪ್ ನ್ಯೂಸ್
![18](https://www.udayavani.com/wp-content/uploads/2024/09/18-1-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.