ಉನ್ನತ ಶಿಕ್ಷಣ ಸಂಸ್ಥೆ; ಹೀಗೊಂದು ಚಿಂತನೆ 

Team Udayavani, Oct 7, 2018, 1:10 PM IST

ಸ್ಮಾರ್ಟ್‌ ನಗರಿಯಾಗಿ ಬೆಳೆಯುತ್ತಿರುವ ಮಂಗಳೂರು ನಗರದ ಸುತ್ತಮುತ್ತ ನೂರಾರು ಕಾಲೇಜುಗಳಿದ್ದು ಶಿಕ್ಷಣ ಕಾಶಿಯೆಂದೇ ಹೆಸರು ವಾಸಿಯಾಗಿದೆ. ಆದರೆ ನಮ್ಮ ಮಂಗಳೂರಿನ ಯಾವುದೇ ಕಾಲೇಜು ದೇಶದ, ವಿಶ್ವದ ಉನ್ನತ ನೂರರೊಳಗೆ ಸ್ಥಾನ ಪಡೆಯಲು ಸಾಧ್ಯವಾಗಿಲ್ಲದಿರುವುದು ವಿಷಾದನೀಯ. ಮುಂಬಯಿಯ ಐಐಟಿಗೆ 162 ಸ್ಥಾನವಿದ್ದು, ಬೆಂಗಳೂರಿನ ಇಂಡಿಯನ್‌ ಇನ್‌ಸ್ಟಿಟ್ಯೂಟ್‌ ಆಫ್ ಸೈನ್ಸ್‌ 170ನೇ ಸ್ಥಾನದಲ್ಲಿದೆ. ಆದರೆ ನಮ್ಮ ಮಂಗಳೂರಿನ ಶಿಕ್ಷಣ ಸಂಸ್ಥೆಗಳು ಇದರೊಳಗೆ ಸ್ಥಾನ ಪಡೆದುಕೊಳ್ಳಲು ಪ್ರಯತ್ನಿಸದಿರುವುದು ಎಲ್ಲರೂ ಯೋಚಿಸಬೇಕಾದ ಸಂಗತಿ.

ಏನು ಮಾಡಬಹುದು?
 ವಿಶ್ವಾವಿದ್ಯಾನಿಲಯಗಳ ಮಟ್ಟದಲ್ಲೇ ಈ ಚಿಂತನೆ ನಡೆಯಲಿ. ಇತರ ಶಿಕ್ಷಣ ಸಂಸ್ಥೆಗಳಿಗೆ ಪ್ರೇರೇಪಣೆ ಕೊಡುವಂತಾಗಲಿ.

ಮ್ಯಾನೇಜ್‌ ಮೆಂಟ್‌ ಸ್ಕೂಲ್‌ ಅಥವಾ ಸ್ಕೂಲ್‌ ಆಫ್ ಎಕನಾಮಿಕ್ಸ್‌ ಎನ್ನುವ ವಿಶ್ವಮಟ್ಟದ ಶಿಕ್ಷಣ ಸಂಸ್ಥೆ ಸ್ಥಾಪನೆಗೆ ಚಿಂತನೆಯಾಗಬೇಕು.

 ಕೆಲವು ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಗಳು ಸೇರಿ ಉನ್ನತ ಮಟ್ಟದ ಶಿಕ್ಷಣ ಸಂಸ್ಥೆಯನ್ನು ಪ್ರಾರಂಭಿಸುವ ಬಗ್ಗೆ ಚರ್ಚಿಸಬಹುದು.

 ಈ ಬಗ್ಗೆ ವಿಶೇಷವಾಗಿ ಯೋಚಿಸಿ ಮತ್ತು ಚರ್ಚಿಸಿ ರಾಜ್ಯ ಮತ್ತು ಕೇಂದ್ರ ಸರಕಾರದ ಮುಂದೆ ಪ್ರಸ್ತಾ ವನೆ ಸಲ್ಲಿಸಬೇಕು.

 ಉನ್ನತ ಶಿಕ್ಷಣ ಸಂಸ್ಥೆಯಾಗಿ ಬೆಳೆಯಲಿಚ್ಛಿಸುವ ಶಿಕ್ಷಣ ಸಂಸ್ಥೆಯು ಅವಧಿಯ ಗುರಿ ನಿಗದಿಪಡಿಸಿ ಚಿಂತನೆ ರೂಪಿಸಬೇಕು.

ಲಾಭವೇನು?
 ಶಿಕ್ಷಣ, ಉದ್ಯೋಗಕ್ಕಾಗಿ ಇಲ್ಲಿನ ವಿದ್ಯಾರ್ಥಿಗಳು ವಿದೇಶಕ್ಕೆ ಹೋಗುವುದನ್ನು ತಡೆಯಬಹುದು.

 ಮಾನವ ಸಂಪನ್ಮೂಲಗಳ ಕ್ರೋಡೀಕರಣ ಇದರಿಂದ ಸಾಧ್ಯವಿದೆ.

ನಗರದ ಪ್ರತಿಷ್ಠೆಯನ್ನು ಹೆಚ್ಚಿಸಬಹುದು.

ಒಟ್ಟಿನಲ್ಲಿ ಸ್ಮಾರ್ಟ್‌ ನಗರವಾಗಿ ಬೆಳೆಯುತ್ತಿರುವ ಮಂಗಳೂರಿನಲ್ಲಿ ಉನ್ನತ ಶಿಕ್ಷಣಕ್ಕೆ ಪೂರಕ ಯೋಜನೆಗಳು ಈಗಲೇ ರೂಪುಗೊಂಡರೆ ಭವಿಷ್ಯದಲ್ಲಿ ವಿಶ್ವದ ಉನ್ನತ ನೂರು ಕ್ರಮಾಂಕದ ಒಳಗಿನ ಕಾಲೇಜು ಅಥವಾ ವಿಶ್ವವಿದ್ಯಾಲಯಗಳಲ್ಲಿ ಮಂಗಳೂರಿನ ಹೆಸರು ಸೇರ್ಪಡೆಯಾಗಲು ಸಾಧ್ಯವಿದೆ.

 ವಿಶ್ವನಾಥ್‌ ಕೋಟೆಕಾರ್‌, ಕೋಡಿಕಲ್‌