ಹೊಸ ರೂಪದ ಮೌಸ್‌

Team Udayavani, Aug 24, 2018, 3:12 PM IST

ಲಾಗಿಟೆಕ್‌ ಎಂಎಕ್ಸ್‌ ಮೌಸ್‌ ನೂತನ ಅವತಾರದೊಂದಿಗೆ ಮಾರುಕಟ್ಟೆಗೆ ಬರುತ್ತಿದೆ. ಇದು 4,000 ಡಿಪಿಐ ಪ್ರಿಸಿಸಿಯನ್‌ ಸೆನ್ಸಾರ್‌ ಮತ್ತು ಕರ್ಸ್‌ರ್‌ ವೇಗದಿಂದ ಕೂಡಿರುವ ಮೌಸ್‌ ಆಗಿದ್ದು, ಮಾರುಕಟ್ಟೆಯಲ್ಲಿ ಗ್ರಾಹಕರ ನೆಚ್ಚಿದಾಗುವುದಾಗಿದೆ.

ಈ ಮೌಸ್‌ ಹ್ಯಾಂಡ್‌ಶೇಕ್‌ ಡಿಸೈನ್‌ ಎಂಬ ಹೊಸ ಅವತಾರದಲ್ಲಿ ಬರುತ್ತಿದ್ದು, ಎಲ್ಲ ಲ್ಯಾಪ್‌ಟಾಪ್‌ ಹಾಗೂ ಕಂಪ್ಯೂಟರ್‌ಗಳಿಗೆ ತಕ್ಕ ಜೋಡಿಯಾಗಲಿದೆ. ಇದರ ವೇಗ ಸಾಮಾನ್ಯ ಮೌಸ್‌ಗಳಿಗಿಂತ 10 ಪಟ್ಟು ಹೆಚ್ಚು ವೇಗದಿಂದ ಕೂಡಿದ್ದು, ಮೂವ್‌ಮೆಂಟ್‌ ಹಾಗೂ ಕೈಗೆ ಅನುಕೂಲವಾಗುವಂತೆ ವಿನ್ಯಾಸಗೊಳಿಸಲಾಗಿದೆ. ಇದರ ದರ 7, 000 ರೂ. ಹಲವು ವೈವಿಧ್ಯಮಯ ವಿನ್ಯಾಸದಲ್ಲಿ ಈ ಮೌಸ್‌ ಮಾರುಕಟ್ಟೆಯಲ್ಲಿ ದೊರೆಯುತ್ತಿದ್ದು, ರಬ್ಬರ್‌ನಿಂದ ಮಾಡಿದ ಮೌಸ್‌ ಬಳಕೆಗೆ ಅನುಕೂಲವಾಗಿದೆ.

ವಯರ್‌ ಲೆಸ್‌ ಆಗಿದ್ದು, ಬಹಳ ಕಾಲ ಬಾಳಿಕೆ ಬರುತ್ತದೆ. ಒಂದು ತಿಂಗಳ ಅವಧಿಯ ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿರುತ್ತದೆ. ಅಲ್ಲದೇ ವಿಶೇಷವಾಗಿ ಎರಡು ಕಂಪ್ಯೂಟರ್‌ಗಳಿಗೆ ಇದನ್ನು ಆಯ್ಕೆ ಮಾಡಿಕೊಂಡು ಬಳಕೆ ಮಾಡಬಹುದಾಗಿದೆ.