ಮನೆಯ ಸ್ವಚ್ಛತೆಗೆ ಆಲಿವ್‌ ಎಣ್ಣೆ

Team Udayavani, Aug 17, 2019, 5:10 AM IST

ಅನೇಕ ಆರೋಗ್ಯ ಅಂಶಗಳನ್ನು ಹೊಂದಿರುವ ಆಲಿವ್‌ ಎಣ್ಣೆಯನ್ನು ಮನೆಯ ವಸ್ತುಗಳನ್ನು ಸ್ವಚ್ಛಗೊಳಿಸಲು ಬಳಕೆ ಮಾಡಬಹುದು ಎಂದು ಬಹಳಷ್ಟು ಮಂದಿಗೆ ತಿಳಿದಿಲ್ಲ. ಕಲೆ, ಗ್ರೀಸ್‌ ಇತ್ಯಾದಿಗಳನ್ನು ತೆಗೆದು ಹಾಕಲು ಆಲಿವ್‌ ಎಣ್ಣೆಯನ್ನು ಉಪಗೋಗಿಸಬಹುದು.

1 ಮನೆಯಲ್ಲಿ ಕ್ಯಾಂಡಲ್ ಅಥವಾ ಮೇಣದ ಬತ್ತಿ ಉಪಯೋಗವನ್ನು ಸಾಮಾನ್ಯವಾಗಿ ಎಲ್ಲರೂ ಮಾಡುತ್ತಾರೆ. ಮೇಣ ಉರಿದಂತೆ ನೆಲದ ಮೇಲೆ ಅಥವಾ ಮೇಣ ಇಟ್ಟ ಸ್ಟಿಲ್ ತಳದಲ್ಲಿ ಮೇಣದ ಅಂಟು ಅಂಟಿಕೊಳ್ಳುತ್ತದೆ. ಈ ಸಂದರ್ಭದಲ್ಲಿ ಆಲಿವ್‌ ಎಣ್ಣೆಯನ್ನು ತಳಕ್ಕೆ ಹಚ್ಚಿದರೆ, ಮೇಣ ಅಂಟುವುದಿಲ್ಲ ಮತ್ತು ಯಾವುದೇ ಕಲೆ ಉಳಿಯುವುದಿಲ್ಲ.

2 ಆಲಿವ್‌ ಎಣ್ಣೆ ಗೆ ಸ್ವಲ್ಪ ವಿನೆಗೆರ್‌ ಬೆರೆಸಿ ಗ್ರೀಸ್‌ ಅಂಟಿಕೊಂಡಿರುವ ಜಾಗದಲ್ಲಿ ಜೋರಾಗಿ ತಿಕ್ಕಿದರೆ ಗ್ರೀಸ್‌ ಕಲೆ ಮಾಯವಾಗುತ್ತದೆ.

3 ಲೆದರ್‌ ಕುರ್ಚಿ, ಸೋಫಾ ಇತ್ಯಾದಿಗಳಲ್ಲಿ ಧೂಳು, ಕಲೆಗಳು ಇದ್ದರೆ ಒಂದು ಬಟ್ಟೆಗೆ ಆಲಿವ್‌ ಎಣ್ಣೆ ಹಾಕಿ ಉಜ್ಜಿದರೆ ಸ್ವಚ್ಛವಾಗುವುದು ಮತ್ತು ಉತ್ತಮ ಹೊಳಪು ಬರುವುದು.

4 ಕೆಲವೊಂದು ಅಡುಗೆ ಮಾಡಿದ ಅನಂತರ ಬಾಣಲೆ ತಳದಲ್ಲಿ ದಪ್ಪಕ್ಕೆ ಆಹಾರ ಅಂಟಿಕೊಳ್ಳುತ್ತದೆ. ಅದನ್ನು ತೊಳೆಯಲು ಗೃಹಿಣಿಯರು ಅಧಿಕ ಶ್ರಮಪಡಬೇಕಾಗುತ್ತದೆ. ಆಲಿವ್‌ ಎಣ್ಣೆಯ ಜತೆ ಉಪ್ಪು ಸೇರಿಸಿ ತಿಕ್ಕಿದರೆ ಕಲೆಗಳು ಹೋಗುತ್ತವೆ.

5 ಆಲಿವ್‌ ಎಣ್ಣೆಯಿಂದ ಬೆಳ್ಳಿ ಪಾತ್ರೆಗಳನ್ನು ತೊಳೆದರೆ ಅದರ ಹೊಳಪು ಹೆಚ್ಚುತ್ತದೆ.

6 ತರಕಾರಿ ಕತ್ತರಿಸುವ ಮರದ ತುಂಡಿನಲ್ಲಿ ಕಲೆಗಳು ಇದ್ದರೆ ಅದನ್ನು ಆಲಿವ್‌ ಎಣ್ಣೆ ಬಳಸಿ ತೊಳೆಯಬಹುದು

7 ಚಾಕು, ಕತ್ತರಿಗಳಲ್ಲಿ ಇರುವ ತುಕ್ಕು, ಕಲೆಗಳನ್ನು ನಿವಾರಿಸಲು ಆಲಿವ್‌ ಎಣ್ಣೆ ಸಹಕಾರಿ.

8 ವುಡ್‌ ಪಾಲಿಶ್‌ ಆಗಿ ಕೂಡ ಈ ತೈಲವನ್ನು ಬಳಸಬಹುದು.