ಪ್ರವಾಸದ ವೇಳೆಯೂ ವ್ಯಾಯಾಮ ಮಾಡಿ

Team Udayavani, Sep 17, 2019, 5:15 AM IST

ನೀವು ಪ್ರವಾಸ ಪ್ರಿಯರೇ? ಹೆಚ್ಚು ಸಮಯ ವ್ಯವಹಾರ, ಉದ್ಯೋಗದ ಕಾರಣ ಇಲ್ಲವೇ ಮೋಜು ಮಸ್ತಿಯ ಪ್ರವಾಸದ ಕಾರಣದಿಂದಾಗಿ ನಿಮ್ಮ ದೈನಂದಿನ ವ್ಯಾಯಾಮದ ಚಟುವಟಿಕೆಗೆ ವಿರಾಮ ನೀಡಬೇಕಾಗಿ ಬರುವುದೇ? ಹಾಗಾದರೆ ಇಲ್ಲಿದೆ ಅದಕ್ಕೆ ಪರಿಹಾರ. ಪ್ರವಾಸದ ಸಮಯದಲ್ಲೂ ವ್ಯಾಯಾಮ ಚಟುವಟಿಕೆ ಕೈಗೊಳ್ಳುವ ಮೂಲಕ ದೇಹವನ್ನು ಫಿಟ್‌ ಆಗಿರಿಸಿಕೊಳ್ಳಬಹುದು. ಅಂಥ ಕೆಲವು ಚಟುವಟಿಕೆಗಳು ಇಲ್ಲಿವೆ

ಫಿಟ್‌ನೆಸ್‌ ಬಟ್ಟೆಗಳು ಜತೆಗಿರಲಿ
ಪ್ರವಾಸದ ಕೈಗೊಳ್ಳುವ ಸಮಯದಲ್ಲಿ ನಿಮ್ಮ ಬ್ಯಾಗ್‌ಗಳಲ್ಲಿ ಅಗತ್ಯ ವಸ್ತುಗಳ ಜತೆ ಶೂ, ವ್ಯಾಯಾಮಕ್ಕೆ ಸಂಬಂಧಿ ಫಿಕ್ಲೃಸ್‌ ಉಡುಪುಗಳು ಜತೆ ಇರಲಿ.

ಬಿಡುವಿರಲಿ
ಪ್ರವಾಸದ ವೇಳೆ ಒಂದೇ ಸಮನೇ ಬಿಡುವಿಲ್ಲದೆ ಪಯಣ ಮಾಡುವ ಬದಲು ನಡು ನಡುವೆ ಬಿಡುವು ಕೊಡುವುದು ಅತ್ಯುತ್ತಮ. ಇದರಿಂದ ದೈಹಿಕ ಹಾಗೇ ಮಾನಸಿಕ ಒತ್ತಡ ನಿವಾರಣೆ ಜತೆ ಸ್ಟ್ರೇಚಿಂಗ್‌, ಜತೆಜತೆಗೆ ಸಣ್ಣ ವಾಕ್‌ ಇರಲಿ. ಎಚ್ಚರದಿಂದ ವಾಹನ ಚಲಾಯಿಸಲು ಸಾಧ್ಯವಾಗುವುದು.

ಸ್ಥಳೀಯ ಪರಿಸರದ ಪರಿಚಯ
ತಾವು ಭೇಟಿ ನೀಡುವ ಸ್ಥಳದ ಹಿನ್ನೆಲೆ, ಮತ್ತು ಸುತ್ತ ಮುತ್ತ ಇರುವ ಸ್ಥಳಗಳ ಬಗ್ಗೆ ಮೊದಲೆ ತಿಳಿದುಕೊಳ್ಳಿ( ಇಂದು ತಂತ್ರಜ್ಞಾನಗಳ ಬೆಳವಣಿಗೆಯಿಂದ ಗೂಗಲ್‌ ಮ್ಯಾಪ್‌ನಂತಹ ಮೊಬೈಲ್‌ ಆ್ಯಪ್‌ ಮೂಲಕ ಎಲ್ಲ ಸ್ಥಳೀಯ ಸ್ಥಳಗಳ ಮಾಹಿತಿ ಪಡೆಯಬಹುದಾಗಿದೆ.) ಸ್ಥಳೀಯ ಪಾರ್ಕ್‌ , ವಾಕಿಂಗ್‌ ವೇ ಮೊದಲಾದ ಸ್ಥಳಗಳನ್ನು ಗುರುತಿಸಿ ಬಳಿಕ ಇಲ್ಲಿ ಸೈಟ್‌ ಸೀಯಿಂಗ್‌, ವಾಕಿಂಗ್‌ ನಂತಹ ಚಟುವಟಿಕೆ ಕೈಗೊಳ್ಳಬಹುದು.

ಒಟ್ಟಾರೆ ದೈನಂದಿನ ಚಟುವಟಿಕೆಗೆ ವಿರಾಮ ನೀಡದೆ, ಬೆಳಗ್ಗೆ ಹೆಚ್ಚು ವ್ಯಾಯಾಮದಲ್ಲಿ ತೊಡಗಿರುವವರು ಸಣ್ಣ ವಾಕ್‌ನಂತಹ ವ್ಯಾಯಾಮಗಳನ್ನು, ಸಂಜೆ ವ್ಯಾಯಮಾಭ್ಯಾಸ ಇದ್ದವರು ಪ್ರವಾಸದ ಸಮಯದಲ್ಲೂ ಸಂಜೆ ವಾಕ್‌ ಹಾಗೇ ಮುಂದುವರಿಸಬಹುದು ಇದರಿಂದ ಪ್ರವಾಸದ ಸ್ಥಳದ ಪರಿಚಯವಾಗುವುದರ ಜತೆಜತೆಗೆ ಆರೋಗ್ಯವು ಉತ್ತಮವಾಗಿರುವುದು.

ಸ್ಥಳೀಯ ವ್ಯಾಯಾಮ ಸೌಲಭ್ಯಗಳ ಬಗ್ಗೆ ವಿಚಾರಿಸಿ
ಇಂದು ಹೊಟೇಲ್‌ ಮಾಲ್‌ಗ‌ಳಲಿ ವ್ಯಾಯಾಮ ಚಟುವಟಿಕೆಗೆ ಸಂಬಂಧಿ ಜಿಮ್‌ಗಳ ವ್ಯವಸ್ಥೆ ಇವೆ. ನೀವು ಉಳಿದು ಕೊಳ್ಳುವ ಸ್ಥಳದಲ್ಲಿ ಇಂತಹ ಸೌಲಭ್ಯಗಳು ಇದ್ದಲ್ಲಿ ಅದರ ಸದುಪಯೋಗ ಪಡೆಯಬಹುದು.

-  ಕಾರ್ತಿಕ್‌ ಚಿತ್ರಾಪುರ