ನಗರದ ಟ್ರಾಫಿಕ್‌  ಸಮಸ್ಯೆ ನಿವಾರಣೆಯಾಗಲಿ 

Team Udayavani, Jan 13, 2019, 7:45 AM IST

ಮಂಗಳೂರು ನಗರದ ಜನ ಸಂಖ್ಯೆ ಮತ್ತು ವಾಹನಗಳ ಒಟ್ಟು ಸಂಖ್ಯೆಯು ವಾಹನಗಳ ಸಂಖ್ಯೆ ಜನ ಸಂಖ್ಯೆಗೆ ಸಮಾನಾಂತರವಾಗಿದೆ. ಹೊಸದಿಲ್ಲಿಯನ್ನು ಹೊರತುಪಡಿಸಿದರೆ ದೇಶದಲ್ಲಿಯೇ ಜನಸಂಖ್ಯೆಗೆ ಹೊಂದಿಕೊಂಡು ಹೆಚ್ಚು ವಾಹನಗಳಿರುವ ನಗರಗಳಲ್ಲಿ ನಮ್ಮ ನಗರವೂ ಒಂದಾಗಿದೆ. ಇತ್ತೀಚಿನ ದಿನಗಳಲ್ಲಿ ಎಲ್ಲ ದಿನವೂ ಟ್ರಾಫಿಕ್‌ ತೊಂದರೆ ತಪ್ಪಿದ್ದಲ್ಲ. ಹೀಗಾಗಿ ಅದನ್ನು ಪರಿಹರಿಸುವತ್ತ ಒಂದಷ್ಟು ಕ್ರಮಗಳನ್ನು ಅನುಸರಿಸಬೇಕಿದೆ. ಮುಖ್ಯವಾಗಿ:

„ ಬಹುತೇಕ ಎಲ್ಲ ರಸ್ತೆಗಳ ಸುಧಾರಣೆಯಾಗಬೇಕು. ಪಿವಿಎಸ್‌- ಬಂಟ್ಸ್‌ ಹಾಸ್ಟೆಲ್‌ ರಸ್ತೆಯನ್ನು ದ್ವಿಮುಖ ರಸ್ತೆಯಾಗಿ ಪರಿವರ್ತಿಸಬೇಕು.

„ ಹಂಪನಕಟ್ಟೆ ಪ್ರದೇಶದಿಂದ ಕೆ.ಎಂ.ಸಿ. ಕಾಲೇಜಿನ ತನಕ ಮತ್ತು ಲಾಲ್‌ ಬಾಗ್‌ ಬಲ್ಲಾಳ್‌ಬಾಗ್‌ ಮಧ್ಯಪ್ರದೇಶದಿಂದ ಪಿ.ವಿ.ಎಸ್‌. ತನಕ ಏಕ ಪಥದ ಮೇಲ್ಸೇತುವೆ ನಿರ್ಮಿಸಬೇಕು. ಇದರೊಂದಿಗೆ ವಾಹನಗಳ ನಿಲುಗಡೆಗೆ ಸ್ಪಷ್ಟ ನಿರ್ಧಾರ ಕೈಗೊಳ್ಳಬೇಕು.

„ ವಾಹನ ಪಾರ್ಕಿಂಗ್‌ ಮಾಹಿತಿ ಫ‌ಲಕಗಳಿಗೆ ಅನುಗುಣವಾಗಿಯೇ ನಡೆಸಬೇಕು. ಕೆಲವೊಂದು ಕಡೆ ಈ ನಿಯಮಗಳು ಸರಿಯಾಗಿ ಪಾಲನೆಯಾಗುತ್ತಿಲ್ಲ. ಈ ನಿಟ್ಟಿನಲ್ಲಿ ಕಠಿನ ಕ್ರಮಕೈಗೊಳ್ಳಬೇಕು.

„ ಪಂಪ್‌ ವೆಲ್‌ ನಲ್ಲಿ ಮುಖ್ಯ ಬಸ್‌ ನಿಲ್ದಾಣ ನಿರ್ಮಾಣ ಯೋಜನೆಯನ್ನು ಶೀಘ್ರದಲ್ಲೇ ಕಾರ್ಯರೂ ಪಕ್ಕೆ ತರಬೇಕು. ಪಂಪ್‌ವೆಲ್‌ನಿಂದ ಸ್ಟೇಟ್‌ಬ್ಯಾಂಕ್‌ ಗೆ ಆವಶ್ಯಕತೆಗೆ ಅನುಗುಣವಾಗಿ ‘ಲೋಪ್ಲೊರ್‌” ಬಸ್‌ಗಳನ್ನು ಅಳವಡಿಸಿದರೆ, ಬಸ್‌ಗಳ ಓಡಾಟದಲ್ಲಿ ಕಡಿಮೆಯಾಗುವುದು.

„ ಪಂಪ್‌ವೆಲ್‌ನ ಮೂಲಕ ಬರುವ ಕೆ.ಎಸ್‌.ಆರ್‌.ಟಿ.ಸಿ. ಬಸ್‌ಗಳು (ಕರ್ನಾಟಕ ಮತ್ತು ಕೇರಳ) ಪಂಪ್‌ವೆಲ್‌, ನಂತೂರ್‌, ಬಿಜೈ ಮಾರ್ಗದ ಮೂಲಕ ಬಸ್‌ ನಿಲ್ದಾಣ ಸೇರಿ ಬಿಜೈ- ಲಾಲ್‌ಬಾಗ್‌- ಪಿ.ವಿ.ಎಸ್‌.- ಬಲ್ಮಠ- ಕಂಕನಾಡಿ- ಪಂಪ್‌ವೆಲ್‌ ಮಾರ್ಗದ ಮೂಲಕ ನಿರ್ಗಮಿಸಿದರೆ, ಮುಖ್ಯ ನಗರದಲ್ಲಿ ಬಸ್‌ಗಳ ಓಡಾಟದಲ್ಲಿ ಕಡಿಮೆಯಾಗುವುದು.

„ ಪಿ.ವಿ.ಎಸ್‌. ವೃತ್ತ ಪ್ರದೇಶದಲ್ಲಿ, ಕೆನರಾ ಕಾಲೇಜಿನಿಂದ ಬಂಟ್ಸ್‌ ಹಾಸ್ಟೆಲ್‌ಗೆ ಸಾಗುವ ದಾರಿ ಏರು ತಗ್ಗಿನಿಂದ ಕೂಡಿದೆ. ಅಲ್ಲದೆ, ಸಿಗ್ನಲ್‌ನಿಂದಾಗಿ ನವಭಾರತ ವೃತ್ತದ ಕಡೆಗೆ ಹೋಗುವ ವಾಹನಗಳು ರಸ್ತೆಯ ಎಲ್ಲ ಜಾಗವನ್ನು ಆಕ್ರಮಿಸಿಕೊಳ್ಳುವುದರಿಂದ ಬಂಟ್ಸ್‌ ಹಾಸ್ಟೆಲ್‌ ಕಡೆಗೆ ಸಿಗ್ನಲ್‌ ‘ಪ್ರಿ’ ಇದ್ದರೂ, ವಾಹನಗಳ ಓಡಾಟಕ್ಕೆ ಅಸಾಧ್ಯವಾಗುತ್ತದೆ. ಬಂಟ್ಸ್‌ಹಾಸ್ಟೆಲ್‌ ಕಡೆಗೆ ಹೋಗುವ ವೃತ್ತ ಪ್ರದೇಶದಲ್ಲಿ ಕಾಂಕ್ರೀಟ್‌ ಹಾಕಿ ಅಭಿವೃದ್ಧಿಗೊಳಿ ಸಿ ದರೆ ಎಡಗಡೆ ವಾಹನಗಳ ಓಡಾಟಕ್ಕೆ ಕೋನ್‌ಗಳನ್ನು ಅಳವಡಿಸಿದರೆ ವಾಹನಗಳ ಸಂಚಾರ ಸಾಧ್ಯ ವಾ ಗು ವುದು.

„ ನಗರದ ಹೆಚ್ಚಿನ ವೃತ್ತ ಪ್ರದೇಶಕ್ಕೆ ಸಮೀಪದಲ್ಲೇ ಬಸ್‌ ನಿಲ್ದಾಣಗಳಿದ್ದು, ಕೆಲವೊಂದು ಬಾರಿ ಅಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಬಸ್‌ ನಿಲುಗಡೆಯಾಗು ವುದರಿಂದ ವಾಹನ ಸಂಚಾರಕ್ಕೆ ಅಡ್ಡಿಯಾಗುತ್ತದೆ. ಹೀಗಾಗಿ ಬಸ್‌ ನಿಲ್ದಾಣಗಳನ್ನು ವೃತ್ತ ಪ್ರದೇಶಕ್ಕಿಂತ ಕೊಂಚ ದೂರದಲ್ಲಿ ಇಡುವುದು ಉತ್ತಮ.

„ ನಂತೂರು ರಾಷ್ಟ್ರೀಯ ಹೆದ್ದಾರಿಗಳ ಸಂಗಮ ಪ್ರದೇಶ ಇಲ್ಲಿ ಮತ್ತು ಕೆ.ಪಿ.ಟಿ. ವೃತ್ತ ಪ್ರದೇಶದಲ್ಲೂ ನಗರದ ಒಂದು ಕಡೆಯಿಂದ ಮತ್ತೊಂದು ಕಡೆಗೆ ಸಾಗಬೇಕಾದರೆ ವೃತ್ತವನ್ನು ಹಾದು ಹೋಗಬೇಕು. ಹೀಗಾಗಿ ಈ ಎರಡು ಕಡೆಗಳಲ್ಲಿ ಯಾವಾಗಲೂ ಟ್ರಾಫಿಕ್‌ ಸಮಸ್ಯೆ ಉಂಟಾಗುತ್ತದೆ. ಅಲ್ಲದೆ ಪಾದುವಾ ಹೈಸ್ಕೂಲ್‌ ಬಳಿಯೂ ವಾಹನಗಳ ಓಡಾಟಕ್ಕೆ ತೊಂದರೆಯಾಗುತ್ತಿದೆ. ಇದಕ್ಕೆಲ್ಲ ಪರಿಹಾರ ಮೇಲ್ಸೆತುವೆ.

„ ಪಂಪ್‌ ವೆಲ್‌ ನಲ್ಲಿ ಮೇಲ್ಸೇತುವೆ ಕಾಮಗಾರಿ ಪೂರ್ಣಗೊಳ್ಳಬೇಕು. ನಗರ ಪ್ರದೇಶಕ್ಕೆ ಬರುವ ವಾಹನಗಳನ್ನು ಮಿತಿಗೊಳಿಸುವುದು, ವಾಹನಗಳ ನಿಲುಗಡೆಗೆ ಅವಕಾಶವನ್ನು ಕಲ್ಪಿಸುವುದು, ರಸ್ತೆಗಳನ್ನು ಅಭಿವೃದ್ಧಿಗೊಳಿ ಸುವತ್ತ ಚಿಂತನೆ ನಡೆಸಿದರೆ ನಮ್ಮ ಮಂಗಳೂರು ಟ್ರಾಫಿಕ್‌ ಸಮಸ್ಯೆಯಿಂದ ಮುಕ್ತವಾಗಲು ಸಾಧ್ಯವಿದೆ.

  ವಿಶ್ವನಾಥ್‌ ಕೋಟೆಕಾರ್‌, ಕೋಡಿಕಲ್