ಅಮೆರಿಕದಲ್ಲಿ ಮತ್ತೆ ಮೂಡಿದ ಗೆಜ್ಜೆಯ ಹೆಜ್ಜೆ

Team Udayavani, Jan 13, 2017, 3:45 AM IST

ದೂರ ದೇಶ ಅಮೆರಿಕದಲ್ಲಿರುವ ಕನ್ನಡಿಗರು ಈ ಮಣ್ಣಿನ ಕಲೆಯನ್ನು ಕಲಿತು ಪ್ರದರ್ಶಿಸುವ ಪ್ರಯತ್ನ ಮಾಡುತ್ತಲೇ ಬಂದಿ¨ªಾರೆ. ಬಣ್ಣ ಹಚ್ಚಿ, ಯಕ್ಷಗಾನ ಆಹಾರ್ಯ ತೊಟ್ಟು ಹೆಜ್ಜೆ ಹಾಕಿ ಪ್ರೇಕ್ಷಕರಿಗೆ ಮುದಕೊಟ್ಟ ಇತ್ತೀಚಿನ ಸಾರ್ಥಕ ಶ್ರಮದ ನೋಟ ಇಲ್ಲಿದೆ. 

ಉತ್ತರ ಕ್ಯಾಲಿಫೋರ್ನಿಯಾ ಕನ್ನಡ ಕೂಟದ 2016ರ ಕಾರ್ಯಕಾರಿ ಮತ್ತು ಮನರಂಜನಾ ಸಮಿತಿಗಳು ರಾಜ್ಯದ ಜಾನಪದ ಕಲೆಗಳ ಪರಿಣತರನ್ನು ಕರೆಸಿ ಅವರಿಂದ ತರಬೇತಿ ಶಿಬಿರಗಳನ್ನು ನಡೆಸುವುದರ ಮೂಲಕ ಕರ್ನಾಟಕದ ಜಾನಪದ ಕಲೆಗಳನ್ನು ಕಲಿಯಲು ಅವಕಾಶ ಕಲ್ಪಿಸಿದ್ದವು. ಈ ಯೋಜನೆಯ ಅಂಗವಾಗಿ ಯಕ್ಷಗಾನ ಕಲಾವಿದ ರಾದ ಉಡುಪಿಯ ಕೆ. ಜೆ. ಗಣೇಶ್‌ ಮತ್ತು ಎ. ಪಿ. ಪಾಠಕ್‌ ಅವರ ಸಾರಥ್ಯದಲ್ಲಿ ನಾಲ್ಕು ವಾರಗಳ ಯಕ್ಷಗಾನ ತರಬೇತಿ ಶಿಬಿರವನ್ನು ನ. 6ರಿಂದ ಡಿ.4, 2016ರವರೆಗೆ ನಡೆಸಲಾಯಿತು. ಯಕ್ಷಗಾನವನ್ನು ನೋಡುತ್ತಲೇ ಬೆಳೆದು ಬಂದವರಿಗೆ ಯಕ್ಷಗಾನದ ಕುರಿತು ಒಲವು ಸಹಜ. ಆದರೆ ಈ ಯಕ್ಷಗಾನ ಕಲೆಗೆ ಹೊಸಬರಾಗಿದ್ದೂ ಅದರ ವೇಷ ಭೂಷಣ ಮತ್ತು ನಡೆಗೆ ಮನಸೋತ ಅನೇಕ ಕನ್ನಡಿಗರು ಈ ತರಬೇತಿ ಶಿಬಿರದಲ್ಲಿ ಭಾಗವಹಿಸಿದ್ದು ಶಿಬಿರದ ವಿಶೇಷ. ಶಿಬಿರಾರ್ಥಿಗಳಿಗೆ ತಾಳದ ನಡೆಯನ್ನು ಕಲಿಸುವುದರ ಮೂಲಕ ಪ್ರಾರಂಭಿಸಿ, ಶಿಬಿರಾರ್ಥಿಗಳು ನಾಲ್ಕು ಪ್ರದರ್ಶನಗಳನ್ನು ನೀಡುವುದರೊಂದಿಗೆ ಯಕ್ಷಗಾನ ತರಬೇತಿ ಶಿಬಿರ ಮುಕ್ತಾಯವಾಯಿತು. ಕನ್ನಡ ಕೂಟದ ದೀಪೋತ್ಸವ ಕಾರ್ಯಕ್ರಮದಲ್ಲಿ ಜಾಂಬವತಿ ಕಲ್ಯಾಣ ಹಾಗೂ ಸ್ಯಾನ್‌ ಬೊÅನೋ ಸನಾತನ ಮಂದಿರದಲ್ಲಿ ಪಂಚವಟಿ ಹಾಗೂ ಅಮೆರಿಕದ ಪ್ರಸಿದ್ಧ ವಿಶ್ವವಿದ್ಯಾಲಯಗಳಲ್ಲಿ ಒಂದಾದ ಯೂನಿವರ್ಸಿಟಿ ಬಕ್ಲಿìಯಲ್ಲಿ ಸೀತಾಪಹಾರ ಎಂಬ ಯಕ್ಷಗಾನ ಪ್ರದರ್ಶನಗಳನ್ನು ಕಲಾವಿದರು ನೀಡಿದರು. 

70ರ ದಶಕದಲ್ಲಿಯೇ ಕರ್ನಾಟಕದ ಕರಾವಳಿಗೆ ಬಂದು, ಯಕ್ಷಗಾನದಲ್ಲಿ ಸಂಶೋಧನೆ ನಡೆಸಿದ ಮಾರ್ಥಾ ಆ್ಯಸ್ಟನ್‌ ಬಕ್ಲಿìಯಲ್ಲಿ ಸೀತಾಪಹರಣವನ್ನು ವೀಕ್ಷಿಸಿ, ಸಂತಸ ವ್ಯಕ್ತಪಡಿಸಿ ದರು. ಕೆ. ಜೆ. ಗಣೇಶ್‌ ಮತ್ತು ಎ. ಪಿ. ಪಾಠಕ್‌ ಅವರ ಹಿಮ್ಮೇಳವನ್ನು ಪ್ರಶಂಸಿಸಿದರು. 

ಡಿಸೆಂಬರ್‌ 4ರಂದು ಕೊನೆಯ ಪ್ರದರ್ಶನವಾಗಿ ಸನಾತನ ಧರ್ಮ ಕೇಂದ್ರದಲ್ಲಿ ಪಂಚವಟಿ ಮತ್ತು ರಾವಣ ವಧೆ ಎಂಬ ಪ್ರಸಂಗಗಳಿದ್ದವು. ಚೆಂಡೆ ವಾದಕರಾಗಿ ಕರ್ಕಿ ಆನಂದ ಹಾಸ್ಯಗಾರರು ಭಾಗವಹಿಸಿದ್ದು ಕಾರ್ಯಕ್ರಮಕ್ಕೆ ಕಿರೀಟವಿಟ್ಟಂತಾಯಿತು. ಈ ಕಾರ್ಯಕ್ರಮ ನೂರಾರು ಸಭಿಕರ ಪ್ರಶಂಸೆಗೆ ಪಾತ್ರವಾಯಿತು. ವಿ| ಗಜಾನನ ಜೋಷಿ ಅವರ ಇಚ್ಛೆಯಂತೆ ಕುಮಾರಸ್ವಾಮಿ ಜೋಷಿಯವರು ಯಕ್ಷಗಾನ ತರಬೇತಿ ನೀಡಿದ ಕೆ. ಜೆ. ಗಣೇಶರಿಗೆ “ಯಕ್ಷಕಲಾ ಭಾಸ್ಕರ’ ಹಾಗೂ ಎ. ಪಿ. ಪಾಠಕರಿಗೆ “ನಾದ ಶಶಾಂಕ’ ಎಂಬ ಬಿರುದುಗಳನ್ನು ನೀಡಿ ಸಮ್ಮಾನಿಸಿದರು. ಬಕ್ಲಿì ವಿವಿಯಲ್ಲಿ ಪ್ರದರ್ಶನವನ್ನು ವಿದ್ವಾಂಸ ಪ್ರೊ| ರಾಬರ್ಟ್‌ ಗೋಲ್ಡ್‌ಮನ್‌ ಆಯೋಜಿಸಿದ್ದರು. ಅತಿಥಿ ಕಲಾವಿದರಾಗಿ ಆಗಮಿಸಿ ಜಾಂಬವಂತನ ಪಾತ್ರವನ್ನು ಅತ್ಯುತ್ತಮವಾಗಿ ನಿರ್ವಹಿಸಿದ ರಾಜೇಂದ್ರ ಕೆದ್ಲಾಯ ಮತ್ತು ಬಕ್ಲಿìಯಲ್ಲಿ ರಾವಣನ ಪಾತ್ರವನ್ನು ಅತಿ ಉತ್ತಮ ರೀತಿಯಲ್ಲಿ ನಿರ್ವಹಿಸಿದ ಆದಿತ್ಯ ಸೀತಾರಾಂ ಪ್ರಶಂಸೆಗೆ ಪಾತ್ರರಾದರು. ಅಮೆರಿಕದಲ್ಲಿ ಮತ್ತೂಮ್ಮೆ ಯಕ್ಷಪತಾಕೆ ಹಾರಿಸಿದ ಕೆ. ಜೆ. ಗಣೇಶ್‌ ಮತ್ತು ಎ. ಪಿ. ಪಾಠಕ್‌ ಅವರಿಗೆ ಅಭಿನಂದನೆಗಳು. 

ಹೊರನಾಡಿನಲ್ಲಿದ್ದು ತಮ್ಮ ಕಲೆಯ ಬೇರನ್ನು ಮರೆಯದೆ ಚಿಗುರುತ್ತಿರುವ ಕ್ಯಾಲಿಫೋರ್ನಿಯ ಯಕ್ಷಗಾನ ಕಲಾಸಕ್ತರ ತುಡಿತವನ್ನು ಮೆಚ್ಚಲೇ ಬೇಕು. ಕಲೆ-ಕಲಾವಿದರ ಕ್ಷೇಮಚಿಂತನೆಗೆ ತೊಡಗಿಸಿಕೊಂಡ ಉಡುಪಿ ಯಕ್ಷಗಾನ ಕಲಾರಂಗವನ್ನು ಸದಾ ಪ್ರೋತ್ಸಾಹಿ ಸುವ ಈ ತಂಡ ತನ್ನ ಗಳಿಕೆಯ ಒಂದು ಮೊತ್ತವನ್ನು ಸಂಸ್ಥೆಗೆ ನೀಡುತ್ತಾ ಬಂದಿರುವುದು ಕಲೆಯ ಕುರಿತ ಅವರ ಕಾಳಜಿಯ ದ್ಯೋತಕವಾಗಿದೆ.

ವಸುಧಾ ಹೆಗಡೆ