ಆರೋಗ್ಯಕರ ಜೀವನಶೈಲಿ ಕ್ರಮಗಳು

Team Udayavani, Dec 27, 2020, 1:01 PM IST

ಸಾಮದರ್ಭಿಕ ಚಿತ್ರ

ಆರೋಗ್ಯ ಅನ್ನುವುದು ವ್ಯಕ್ತಿಗತ ಹೊಣೆಗಾರಿಕೆ. ಮನಸ್ಸು ಮತ್ತು ದೇಹ- ಎರಡರ ಆರೋಗ್ಯವನ್ನೂ ಕಾಪಾಡಿಕೊಳ್ಳುವುದು ಬಹಳ ಮುಖ್ಯವಾಗಿದೆ. ಆಹಾರಾಭ್ಯಾಸ, ವ್ಯಾಯಾಮ ಮತ್ತು ಧನಾತ್ಮಕ ಚಿಂತನೆಗಳ ದಾರಿಯನ್ನು ಆರಿಸಿಕೊಳ್ಳುವುದು ಸದೃಢವಾಗಿ, ಆರೋಗ್ಯವಾಗಿ ಮತ್ತು ಸೌಖ್ಯವಾಗಿ ಬದುಕುವುದರ ಮೂಲ. ನಿಮ್ಮ ಜೀವನದಲ್ಲಿ ನೀವು ನಡೆಸಬಹುದಾದ ಅತಿದೊಡ್ಡ ಹೂಡಿಕೆ ಎಂದರೆ ಇದೇ.

• ಎಲೆಕ್ಟ್ರಾನಿಕ್‌-ಡಿಜಿಟಲ್‌ ತೆರೆ ವೀಕ್ಷಣೆ ಸಮಯವನ್ನು (ಟಿವಿ, ಕಂಪ್ಯೂಟರ್‌, ಸ್ಮಾರ್ಟ್‌ ಫೋನ್‌ ಮತ್ತು ವಿಡಿಯೊಗೇಮ್‌) ಮಿತಗೊಳಿಸಿ. ಪುಸ್ತಕ ಓದುವುದು, ಒಳಾಂಗಣ ಮತ್ತು ಹೊರಾಂಗಣ ಆಟಗಳನ್ನು ಪರಿಗಣಿಸಿ.
• ಹೊರಾಂಗಣ ವೀಕ್ಷಣೆಯನ್ನು ಆನಂದಿಸಿ. ಉದ್ಯಾನವನಕ್ಕೆ ತೆರಳಿ ಅಡ್ಡಾಡಿ, ಸೈಕಲ್‌ ಸವಾರಿ ಮಾಡಿ, ಈಜಾಡಿ, ವಾಕಿಂಗ್‌ ಮಾಡಿ ಅಥವಾ ನೆರೆಹೊರೆಯಲ್ಲಿ ಓಡಾಡಿ.
• ಹಿತ್ತಿಲಲ್ಲಿ ಕೆಲಸ ಮಾಡಿ.
• ಕಾರು ತೊಳೆಯಿರಿ.
• ನೆರೆಕರೆಯ ಮನೆಗಳಿಗೆ ತೆರಳಿ ಹರಟೆ ಹೊಡೆಯಿರಿ.
• ಟಿವಿ ಆರಿಸಿ, ಯಾವುದಾದರೂ ಸಂಗೀತ ಕೇಳುತ್ತಾ ನರ್ತಿಸಿ.
• ಉದ್ಯೋಗಕ್ಕೆ ಹೋಗುವಾಗ, ಶಾಲೆಗೆ ತೆರಳುವಾಗ ಅಥವಾ ಇತರ ಕೆಲಸಕಾರ್ಯಗಳಿಗೆ ನಡೆದುಹೋಗಿ ಅಥವಾ ಸೈಕಲ್‌ ಸವಾರಿ ಮಾಡಿ.
• ಮೆಟ್ಟಿಲು ಹತ್ತಿ, ಲಿಫ್ಟ್ ಬಳಕೆ ಕಡಿಮೆ ಮಾಡಿ.
• ಭೋಜನ ವಿರಾಮವನ್ನು ನಡಿಗೆಯ ಮೂಲಕ ಸದುಪಯೋಗಪಡಿಸಿ.
• ಕಚೇರಿಯಲ್ಲಿಯೂ ಕುಳಿತೇ ಇರಬೇಡಿ, ಆಗಾಗ ಎದ್ದು ನಡೆದಾಡಿ.
• ರಜೆಗಳನ್ನು ದೈಹಿಕವಾಗಿ ಸಕ್ರಿಯರಾಗಿದ್ದು ಕಳೆಯಿರಿ.

ಧನಾತ್ಮಕ ನಡವಳಿಕೆಯ ಮೂಲಕ ನಿಮ್ಮ ದೈಹಿಕ ಆರೋಗ್ಯದ ಕಾಳಜಿ ವಹಿಸುವುದು :

ಧನಾತ್ಮಕವಾಗಿ ಬದುಕುವುದು ಮತ್ತು ಸತ್ಪ್ರೇರಣೆಯಿಂದ ಇರುವುದು ಆರೋಗ್ಯಕರ ಜೀವನ ನಡೆಸಲು ಸಹಾಯ ಮಾಡುತ್ತದೆ. ಅಲ್ಲದೆ ಇದು ಆರೋಗ್ಯಯುತ ಆಹಾರಾಭ್ಯಾಸವನ್ನು ಆಯ್ದುಕೊಂಡು ಸಕ್ರಿಯರಾಗಿ ಇರಲು ಸಹಾಯ ಮಾಡುತ್ತದೆ. ಧನಾತ್ಮಕ ಜೀವನಕ್ಕೆ ಕೆಲವು ಸಲಹೆಗಳು:

• ನೀವು ಸಂತೋಷಪಡುವ ಏನನ್ನಾದರೂ ಮಾಡಿ. ಹಲವರಿಗೆ ನಡಿಗೆ ಇಷ್ಟ. ನೀವು ಹೊರಾಂಗಣದಲ್ಲಿ ನಡೆದಾಡಬಹುದು, ಮನೆಯಲ್ಲಿ ಟ್ರೆಡ್‌ಮಿಲ್‌ ನಡಿಗೆ ಮಾಡಬಹುದು; ಒಬ್ಬರೇ ಮಾಡಬಹುದು ಅಥವಾ ಗೆಳೆಯರನ್ನು ಅಥವಾ ಕುಟುಂಬ ಸದಸ್ಯರನ್ನು ಜತೆ ಸೇರಿಸಿಕೊಳ್ಳಬಹುದು.